प्रकाश 3:14 - घले नयाँ करार

¹⁴ होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 3:14 ပူးပေါင်းရင်းမြစ်များ

यूहन्‍ना 1:3

वचनदेने परमेश्‍वरदे साप्‍ता थोक‍ने बन्‍दीदे। साप्‍ता थोकने ङूदे बन्‍दीदे।

यूहन्‍ना 8:14

येशूदे जवाफ पीन्‍दे, “ङ ङैजे बारेने गवाही पीन्‍क्‍य, होरनेयलीने ङैजे गवाही सत्य ख्यङ्। ङैदे स्‍ये ख्यङ्, ङ केर्‌दे रदे, मेस्‍ये कने प्रेन ख्यङ्। तर नमयूने अम्‍ब पो था त्‍वो, ङ केर्‌दे रीय, या कने प्रेन ख्यङ्।

२ कोरिन्थी 1:20

चेनेयलो परमेश्‍वरदे चेब कबुलयू क्‍वाने येशू ख्रीष्‍टने पूरा “क्‍यूक्‍क्‍य” यब पो ख्यङ्। येरेक्‍यूत्‍देबे येशू ख्रीष्‍टप्रे क्‍यूत्‍देबे परमेश्‍वरने महिमा पीनजे लागि ङीन “आमेन” यीय।

कलस्सी 1:15

अन्‍तङब परमेश्‍वरजे तङब रूप् येशू ख्रीष्‍ट ख्यङ्। परमेश्‍वरदे सृष्‍टि चेब साप्‍ता थोक फ्‍याने येशू ख्रीष्‍ट पात्‍ता केन् ख्यङ्।

कलस्सी 1:18

ङू मण्डलीजे ट ख्यङ् होर्‌दे ङूजे ङ्वब मण्डली ख्यङ्, साप्‍ता थोक‍जे सुरु ङू ख्यङ्, साप्‍ता थोक‍यू नङ्ने ङू पात्‍ता केन् क्‍यूस्‍स्‍य यदेबे सीयेबयू नङ्ने पात्‍ता खूम सोम्‍बो क्‍यूरब ङूने ख्यङ्।

कलस्सी 2:1

नमयू मेस्‍ये लाउडिकियाने ख्‍यबयू होर्‌दे ङैजे त्‍वाने अन्‍तङबयू क्‍वाजे लागि केरे ङैदे सोरो बोङ्बे छेम्‍प्रे चीत्‍दे यब पो नमयूदे था प्रेस्‍स्‍य मन्‍न ख्यङ्,

कलस्सी 4:16

नमयूदे अम्‍ब चिट्ठी छ्‌य्‍वेजेनमेस्‍ये लाउडिकियाजे मण्डलीनेये अम्‍ब छ्‌योस्‍सेपीन्, मेस्‍ये लाउडिकियाजे चिट्ठीये नमयूदे छ्‌य्‍वे।

प्रकाश 1:11

“नदे च तङ्न ख्यङ्, हम्‍ब किताब त्याने लिख्दी, होर्‌दे अम्‍ब एफिसस, स्मुर्ना, पर्गामम, थिआटीरा, सार्डिस, फिलाडेल्फिया मेस्ये लाउडिकिया मण्डलीयू ङ्यीनेने चङ्पी।”

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 19:11

स्वर्गजे ख्‍यो पूक्येब ङैदे तङ्दे मेस्‍ये हैयाने मी टदेबे प्रब त कर्‌ त्‍या ख्‍य। हम्‍ब त-फ्‍याने टदेबे प्रबने “भर्‌पर्‌तेब” मेस्‍ये “सत्य” ख्यङ् यदेबे यीय। ङूदे ज्‍य न्याय चीत्‍देबे लडाइँ चीक्‍क्‍य।

प्रकाश 2:1

एफिससजे मण्डलीजे दूतने अम्‍ब पो लिख्दी: रङ्सेजे स्‍येत लाने कर्‌चेन् ङ्यी टेब मेस्‍ये मर्‌दे बन्‍दीयेब साम्दान ङ्यीजे अन्‍द्रने प्रबदे अम्‍ब पोयू य-ख्यङ्।

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 22:13

अल्‍फा मेस्‍ये ओमेगा, पात्‍ता खूम् मेस्‍ये पात्‍ता ङ्‍ये, मेस्ये आखिरी ङ ख्यङ्।

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।