प्रकाश 22:6 - घले नयाँ करार

⁶ होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 22:6 ပူးပေါင်းရင်းမြစ်များ

मत्ती 13:41

हम्‍ब दिनने मीजे चदे रङ्से दूतयूने कूल्बीय मेस्‍ये थमयूदे ङूजे राज्‍यने पाप चीस्‍से पीनब साप्‍ता सेयू मेस्‍ये दुष्‍ट काम चेबयू क्वाने रूप् पूक्क्‍य,

लूका 1:70

केर्‌बे ङूदे मीयूङ् तोङ्बो मेस्‍येने रङ्सेजे पवित्र अगमवक्तायूजे ङूर्‌दे क्‍यम्दे,

लूका 16:16

“बप्‍तिस्मा-पीनब यूहन्‍नाजे बीलसेमे मोशादे पीनब धर्मजे नियम मेस्ये अगमवक्तायूजे शिक्षा प्रचार चीत्दे। हम्‍ब बीलदे छोब परमेश्‍वरजे राज्‍यजे सूगब खबर स्‍योन्‍न ख्यङ्, होर्‌दे खोत्‍ताने हम्ब राज्य नङ्ने बोङ् चीत्देबे क्‍योबने धम चीन्‍न ख्यङ्।

मूल स्यूस्स्यायूजे कामजे किताब 12:11

कन्‍छ्वाब पत्रुसजे होस् रदे, हन्‍छ्वाब ङूदे यदे, “जेम्से ङैने तम्दम्‍ने था क्‍यूत्‍दे, प्रभुदे रङ्से दूत कूल्बीदेबे हेरोद मूरुम्जे लादे, मेस्‍ये यहूदीयूदे च-चेमे ख्‍य हम्‍ब साप्‍ताकूरूदेने ङैने जूक्‍दीमीदे।”

मूल स्यूस्स्यायूजे कामजे किताब 3:18

ङूजे ख्रीष्‍टदे छरङ् भोग्‍दे पर्‌दीय यदेबे परमेश्‍वरदे, अगमवक्तायूजे ङूर्‌दे यब पो येर्‌बे पूरा चीत्‍दे।

रोमी 1:2

हम्‍ब सूगब खबर परमेश्‍वरदे मीयूङ्ने रङ्सेजे अगमवक्ताप्रे क्यूत्‍देबे थमयूदे हम्ब कबुल पवित्र धर्मशास्‍त्रने लिख्दी‍दे।

१ कोरिन्थी 14:32

अगमवाक्तायूजे आत्मा अगमवाक्तायूजेने लाने क्‍यूक्‍क्‍य।

१ कोरिन्थी 7:29

अत अची च्योन्‍यु, ङैदे यमेब पो अम्‍ब ख्यङ्, बील क्यूट्‍ट ख्यङ्, जेम्‍सेमेस्‍ये कीम्‍म ख्‍यबयू कीम्‍म त्‍वयूप्र क्‍यूत्‍देबे टूङ्स्‍य।

२ थेसलोनिकी 1:7

मेस्‍ये नम सकस् प्रेबयूने ङीयूप्रे आनन्द क्यूस्‍स्‍ये पीन्क्‍य। अम्‍ब हन्‍छ्वाब क्‍यूक्‍क्‍य, कन्‍छ्वाब प्रभु येशू रङ्सेजे शक्तिशाली स्वर्गदूतयूप्रे प्ल्याङ्नब मीने स्‍वर्गदे रब अम्‍ब टक्कने चीक्‍क्‍य।

हिब्रू 12:9

अम्‍बत्‍यामे दी, अम्‍ब संसारने ख्यङ्ब ङीनने सूधारतेजे लागि दण्ड पीनब रङ्से प ख्‍य, मेस्‍ये ङीनदे पने गेसेन् चीत्‍दे। हम्‍बयली थेप् ङीनजे परमेश्‍वर पजे आज्ञा मन्‍दीदेबे जीया अम्‍प्रेया?

२ पत्रुस 1:21

चेनेयलो अगमवाणीयू मीजे इच्‍छादे क्‍यम दी, तर पवित्र आत्‍मादे शक्ति प्रेत्देबे मीयूदे परमेश्‍वरजे इच्‍छा अनुसार‌जे पोयू क्‍यम ख्यङ्।

२ पत्रुस 3:2

पवित्र अगमवक्तायूदे क्यमब अगमवाणीजे पो मेस्‍ये नमयूजे मूल स्यूस्स्यायूदे लोम्‍मेब ङीनजे प्रभु मेस्‍ये मुक्तिदाताजे आज्ञाने नमयूदे ह्‍वे चे पर्‌दीय।

प्रकाश 1:1

अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 19:9

होर्‌दे हम्‍ब स्वर्गदूतदे ङैने यदे, “अम्‍ब पो लिख्दी, थुमाजे ङ्येन्‍ने भात्यार्‌ चजे लागि निम्‍तो प्रेबयूदे असी प्रेक्‍क्‍य।” ङूदे फेरि ङैने यदे, “अम्‍ब पो परमेश्‍वरजे सत्य वचनयू ख्यङ्।”

प्रकाश 21:5

होर्‌दे सिंहासनने देन् छ्‌यानबदे ङैने यदे, “ले, ङैदे साप्‍ताकूरूने सर् चीक्‍क्‍य।” ङूदे येरेये यदे, “अम्‍ब पोयू लिख्दी, चेनेयलो अम्‍ब पोयू भर्‌पर्‌तेब मेस्‍ये सत्य ख्यङ्।”

प्रकाश 21:9

होर्‌दे हम्‍ब पात्‍ता ङ्‍येजे सोरो फत्या सकस् ङ्यीदे सेम् फ्‍यानब पील ङ्यी टेलब स्वर्गदूतयू ङ्यी नङ्दे स्वर्गदूतत्‍या रदेबे ङैने येरे यदे, “ख, ङ नने थुमाजे मज, ङूजे पीर्‌म तम्‍मीय।”

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,

प्रकाश 22:16

“ङ येशूदे मण्डलीयूजे लागि अम्‍ब गवाही पीनने ङैजे दूत नै-ट्‌याने कूल्‍बे ख्यङ्। ङ दाऊद मूरूम्जे मूल मेस्ये छगूम्-पूर्‌गूम् ख्यङ्, ङ, चकिलो प्‍ल्‍याङब नप्‍मून्‍जे कर्‌चेन् ख्यङ्।”

प्रकाश 22:7

येशूदे यदे, “ले, जेम्से ङ छ्‍योट्‍टोने रेन ख्यङ्। अम्‍ब किताबने लिख्दीयेब अगमवाणीजे वचन मन्‍देबयूदे असी प्रेक्‍क्‍य।”

प्रकाश 4:1

होर्‌दे ङ्येदे ङैदे लेप्‍प स्वर्गने ख्‍यो त्‍या होङ् क्‍यून्‍नब तङ्दे। ङैदे पात्‍ता खूम् तब आवाज धूङ्‌कूर्‌जेप्र ख्‍य, हम्‍ब आवाजदे ङैप्रे येर्‌बे क्‍यम्‍न ख्‍य- “अन्‍तो ख, होर्‌दे अम्‍ब ङ्येदे च-च क्यूट्‍टीय, हम्‍ब ङ नने तम्‍मीय।”