प्रकाश 22:10 - घले नयाँ करार

¹⁰ होर्‌दे ङूदे ङैने येरे यदे, “अम्‍ब किताबने लिख्दीयेब अगमवाणीजे वचनने छाप अम्‍पूल्‍लाची, चेनेयलो अम्‍ब साप्‍ता पो क्यूट्‍ट बील ट्‌याने फ्‍योर ख्यङ्।

प्रकाश 22:10 ပူးပေါင်းရင်းမြစ်များ

मत्ती 10:27

ङैदे नमयूने मून्दूङ्ने च यीय, हम्‍ब नमयूदे ओथ्याङ्ने येबी, मेस्‍ये नमयूजे ङ्यलम् नदे च तैय, हम्‍ब कीम्जे धूरीयूदे उर्‌ती प्वी।

रोमी 13:11

अम्‍ब यली दिन्‍नजेसेमे कर ख्यङ् यब पो नमयूने था ख्यङ्, जेम्से ङ्यूम्-‍म्‍यादे थेल्‍लब ठीक बील फ्‍योर ख्यङ्, चेनेयलो ङीनदे खूम विश्‍वास चेयली झन् ङीन्‍जे मुक्तिजे दिन ट्‌याने फ्‍योर ख्यङ्।

रोमी 13:12

मून् कूम गीली, जेम्‍से म्‍या तङ्‍र ख्यङ्। येरेक्‍यूत्‍देबे मून्दूङ्ने चेब अन्‍ज्‍य काम क्‍यापीदेबे ङीन ओथ्याङ्जे लास्या टेले।

२ थेसलोनिकी 2:3

नमयूने सूमीदेये कम्‍ब किसिम‌्देये धोका अम्‍पीन्स्‍य। चेनेयलो खूम् परमेश्‍वरजे विरोधने उल्‍क काम अन्क्‍यूत्‍दासेमे, मेस्‍ये या नाशजे लागि खेर्‌तीयेब मुख्य दुष्‍ट मी अन्‍रदासेमे प्रभुजे दिन रस्‍ये त्‍वो।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

प्रकाश 1:11

“नदे च तङ्न ख्यङ्, हम्‍ब किताब त्याने लिख्दी, होर्‌दे अम्‍ब एफिसस, स्मुर्ना, पर्गामम, थिआटीरा, सार्डिस, फिलाडेल्फिया मेस्ये लाउडिकिया मण्डलीयू ङ्यीनेने चङ्पी।”

प्रकाश 1:3

अगमवाणीजे अम्‍ब वचनयू लिख्दीयेब किताब सूदे के केन् योन्‍देबे छ्‌योक्‍क्‍य, सूदे ङ्यीन्‍क्‍य, मेस्‍ये हैयाने लिख्दीयेब पो सूदे मन्‍दीय थमयूदे असी प्रेक्‍क्‍य, चेनेयलो बील ट्‌याने फ्‍योर ख्यङ्।

प्रकाश 10:4

कन्‍छ्वाब हम्‍ब मू ङ्यीफे गर्‌जेदेब आवाजदे रङ्से-रङ्से आवाज योन्‍दे, ङ लिख्दे मल्‍न ख्‍य, हन्‍छ्वाब स्वर्गदे येरे यब आवाज ङैदे तदे, “हम्‍ब मू ङ्यीफे गर्‌जेदेब आवाजदे यब पोने नङ्सू हीन्, मेस्‍ये हम्‍ब अन्‍लीख्‍दीलाची।”

प्रकाश 22:16

“ङ येशूदे मण्डलीयूजे लागि अम्‍ब गवाही पीनने ङैजे दूत नै-ट्‌याने कूल्‍बे ख्यङ्। ङ दाऊद मूरूम्जे मूल मेस्ये छगूम्-पूर्‌गूम् ख्यङ्, ङ, चकिलो प्‍ल्‍याङब नप्‍मून्‍जे कर्‌चेन् ख्यङ्।”

प्रकाश 22:18

अम्‍ब किताबने लिख्दीयेब अगमवाणी ङ्यीनब मीयू क्‍वानेने ङ बोङ्बे आर्‌तीय: कादेये कोइ मीदे अम्‍ब पोने चत्‍या थेप् थप्‍दीदे यलो अम्‍ब किताबने लिख्दीयेब सोरो फत्या सकस्यू परमेश्‍वरदे ङू फ्‍याने पूमीय।

प्रकाश 22:20

अम्‍ब पोयूजे गवाही पीनबदे यीय, “तम्दम्‍ने, ङ छ्‌योट्‍टो रेन ख्यङ्।” आमेन, ख स्व, प्रभु येशू।

प्रकाश 22:7

येशूदे यदे, “ले, जेम्से ङ छ्‍योट्‍टोने रेन ख्यङ्। अम्‍ब किताबने लिख्दीयेब अगमवाणीजे वचन मन्‍देबयूदे असी प्रेक्‍क्‍य।”

प्रकाश 22:9

तर ङूदे ङैने यदे, “नदे येरे चे अन्‍क्‍यूर्‌। न मेस्‍ये अगमवाणी क्‍यमब नैजे अत-च्योन्‌यू होर्‌दे अम्‍ब किताबजे वचन मन्‍देबयूप्रेप्रेजे ङैये परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्!”

प्रकाश 5:1

ङैदे सिंहासनने देन् छ्‌यानबजे स्‍येत्‍लाने नङ्देये मेस्‍ये फीदेये लिख्दीयेब खूस्‍यजे मूठ त्‍या तङ्दे, लगजे छाप ङ्यी पूत्‍देबे हम्‍बने बन्‍द चीदे ख्‍य।