प्रकाश 22:1 - घले नयाँ करार

¹ होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,

प्रकाश 22:1 ပူးပေါင်းရင်းမြစ်များ

यूहन्‍ना 13:32

कादेये परमेश्‍वरजे महिमा ङू फ्‍याने क्‍यूक्‍क ख्यङ् यलो परमेश्‍वर रङ्सेदेये ङूने महिमा चीम्‍मीय, होर्‌दे ङूने च्‍योर्‌लाबे महिमा पीन्‍क्‍य।

यूहन्‍ना 15:26

“कन्‍छ्वाब ङैदे पजे तर्फदे मोतो पीनब तम्दम्जे आत्मा नमयू ट्‌याने कूल्बीय, हम्‍ब प ट्‌यादे रीय, हन्‍छ्वाब ङूदेने ङैजे पोजे गवाही पीन्‍क्‍य।

यूहन्‍ना 4:14

तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

मूल स्यूस्स्यायूजे कामजे किताब 2:33

अम्‍ब कारणदे परमेश्‍वरजे स्येत्‍देयोर्‌दे येशू केन् चीत्‍देबे टूङ्स्ये पीन्‍दे, मेस्‍ये रङ्सेजे कबुल अनुसार ङूने पवित्र आत्मा पीन्‍दे। हम्‍ब पवित्र आत्मा प्रभु येशूदे चूजो ङीन फ्‍याने फम्‍मे ख्यङ्, अम्‍ब नमयूदे चूजो ङ्यीन्‍न ख्यङ् मेस्‍ये तङ्न ख्यङ्।

प्रकाश 1:1

अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 21:11

हम्‍ब सहरने परमेश्‍वरजे महिमा ख्‍य, सोरो कूम लू पर्‌तेब पत्‍थरयू, मेस्‍ये सीसप्र छालाला तङब स्‍फटीक मेस्‍ये बेल्लौरजेप्र ओथ्याङ्ब हम्‍ब सहरजे ख्‍य।

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 21:9

होर्‌दे हम्‍ब पात्‍ता ङ्‍येजे सोरो फत्या सकस् ङ्यीदे सेम् फ्‍यानब पील ङ्यी टेलब स्वर्गदूतयू ङ्यी नङ्दे स्वर्गदूतत्‍या रदेबे ङैने येरे यदे, “ख, ङ नने थुमाजे मज, ङूजे पीर्‌म तम्‍मीय।”

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।

प्रकाश 5:13

होर्‌दे स्वर्गने, पृथ्‍वीने, पातलने, समुद्र, मेस्‍ये होने ख्‍यब प्राणीयू क्‍वादेने येरे प्रू पून्‍नब ङैदे तदे, “सिंहासनने देन् छ्‌यानबने मेस्‍ये थुमाने जै-जै, गेसेन्, महिमा मेस्‍ये शक्ति येतार्‌ने क्‍यून्‍नूस्‍य।”

प्रकाश 5:6

होर्‌दे सिंहासन, सोम्‍बो प्राणी स्यी, मेस्‍ये धर्म-गुरुयूजे अन्‍द्रने थुमा त्‍या मेर्‌नब ङैदे तङ्दे, ङू सेक्‍कप्र तङ ख्‍य। ङूजे रूक् ङ्यी मेस्‍ये म्‍या ङ्यी ख्‍य, हम्‍बयू पृथ्‍वीजे का-मुलुक‍ने कूल्‍बेब परमेश्‍वरजे आत्‍मा ङ्यी ख्यङ्।

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”