प्रकाश 21:6 - घले नयाँ करार

⁶ ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 21:6 ပူးပေါင်းရင်းမြစ်များ

यूहन्‍ना 4:10

येशूदे जवाफ पीन्‍दे, “परमेश्‍वरजे बर मेस्‍ये नैप्रे चूजो क्‍यू स्‍यब मी स्‍ये यलो नदे ङूप्रे क्‍यू स्‍य ख्यङ्दे होर्‌दे ङूदे नने जीयाजे क्‍यू पीन ख्यङ्दे।”

यूहन्‍ना 4:11

हम्‍ब मदीदे ङूने यदे, “नैप्रे क्‍यू ह्‍वब तीया त्‍वो, क्‍यू कोम्‍पो सोरो मामो ख्यङ्। होर्‌दे हम्‍ब जीया पीनब क्‍यू नदे केर्‌दे रेक्‍क्‍य?

यूहन्‍ना 4:14

तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

रोमी 3:24

परमेश्‍वरजे अनुग्रहजे बर प्रेत्‍देबे, ख्रीष्‍ट येशूने ख्‍यब उद्धारदे थमयू होरेने धर्मी ठर्‌दे ख्यङ्।

रोमी 8:32

ङूदे रङ्से चनेये जूक्‍तीदेबे अन्‍ही, तर ङीन्जे लागि पीन्‍दे। ङीनयूजे लागि रङ्से चये पीनबदे झन् ङूप्रे सूजो साप्‍ता पोने ङीनने अम्‍पीनया?

१ कोरिन्थी 2:12

जेम्‍से संसारजे आत्मा ङीनदे प्रे दी, तर परमेश्‍वरदे ङीनने पीनब बरयू स्‍येखूस्‍य यदेबे ङूदे पीन्‍देबे पवित्र आत्मा प्रेख्यङ्।

१ कोरिन्थी 3:12

कादेये कोइ मीदे अम्‍ब जा फ्‍याने मर-चाँदी, कूम लू पर्‌देब पत्‍थरयू पूत्‍देबे थ्‍याकीय, कोइमीदेब स्‍यङ्, साल्‍म्‍या या परल पूत्‍देबे कीम् थ्‍याकीय यलो,

१ कोरिन्थी 3:21

येरेक्‍यूत्‍देबे सूदेये मीयू फ्‍याने केन् अन्‍त्‍वोल्लाचीस्‍य। चेनेयलो परमेश्‍वरदे नमयूजे लागि साप्‍ता थोक पीन्‍क ख्यङ्।

१ कोरिन्थी 3:5

अपोल्‍लोस सू ख्यङ्? पावल सू ख्यङ्? येशू ख्रीष्‍ट फ्‍याने विश्‍वास चीस्‍से पीनने नमयूजे लागि ङी ङ्ही परमेश्‍वरजे काम फरब मीयूत्‍यामे ख्यङ्। प्रभुदे खेर्‌दीयेब काम ङी फर्‌क्‍य।

प्रकाश 1:11

“नदे च तङ्न ख्यङ्, हम्‍ब किताब त्याने लिख्दी, होर्‌दे अम्‍ब एफिसस, स्मुर्ना, पर्गामम, थिआटीरा, सार्डिस, फिलाडेल्फिया मेस्ये लाउडिकिया मण्डलीयू ङ्यीनेने चङ्पी।”

प्रकाश 1:17

कन्‍छ्वाब ङैदे ङूने तङ्दे, हन्‍छ्वाब ङ सीयेप्र क्‍यूत्‍देबे ङूजे खूम्‍ने पून्‍छ्‌यल् क्‍यूत्‍दे। तर ङूदे रङ्से स्‍येत ला ङैफ्‍याने येत्‍दे मेस्‍ये यदे, “अम्फलाची, पात्‍ता खूम् मेस्‍ये पात्‍ता ङ्‍येये ङने ख्यङ्।

प्रकाश 1:8

“अल्‍फा मेस्‍ये ओमेगा ङ ख्यङ्”, पात्‍ता केन् शक्तिजे परमप्रभु परमेश्‍वरदे य ख्यङ्, ङू चूजोये ख्यङ्, खूम्‍‌‍ये ख्‍य, मेस्‍ये ङ्येदेये रीय।

प्रकाश 10:6

होर्‌दे येतार्‌ने सोम्‍बो क्‍यून्‍नब, स्वर्ग मेस्‍ये होने ख्‍यब सेयू, पृथ्‍वी मेस्‍ये होने ख्‍यब सेयू, समुद्र मेस्‍ये होने ख्‍यब सेयूने सृष्‍टि चेबजे मीन्‍ने ङूदे कसम चदेबे जेम्से गस्‍ये त्‍वो यदे।

प्रकाश 16:17

होर्‌दे पलो ङ्यीजे स्वर्गदूतदे रङ्सेप्रे टेल्‍नब पील उन्दूफ्‍याने फैम्‍पीदे, मेस्‍ये मन्‍दिरजे सिंहासनदे येरे यब के केन् त्‍या योङ्‍रदे “जेम्से जङ्‍गदे।”

प्रकाश 22:13

अल्‍फा मेस्‍ये ओमेगा, पात्‍ता खूम् मेस्‍ये पात्‍ता ङ्‍ये, मेस्ये आखिरी ङ ख्यङ्।

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”