प्रकाश 21:4 - घले नयाँ करार

⁴ होर्‌दे परमेश्‍वरदे थमयूजे म्‍याने ख्‍यब म्‍यामू क्वाने फील्‍मीय, मेस्‍ये हैयाने सीब पर्‌दीस्‍ये त्‍वो, शोक् मेस्‍ये दु:खये क्‍यूस्‍स्ये त्‍वो। चेनेयलो ङीङ् पोयू मले-जेङ्‍क ख्यङ्।”

प्रकाश 21:4 ပူးပေါင်းရင်းမြစ်များ

मत्ती 24:35

स्वर्ग प्रे पृथ्वी मल्‍बीय, तर ङैदे येयेब वचन कलङ्बेये मेल्‍बस्ये त्‍वो।

१ कोरिन्थी 15:26

पात्‍ता ङ्येदे नाश चेपर्‌ते शत्रुब सीबबने ख्यङ्।

१ कोरिन्थी 7:31

मेस्‍ये थमयू सूदे संसारजे सोरो कूम थोकयू चील्‍लीय हम्‍ब सेयूने रङ्सेने चैये सेम् त्‍वप्र चीस्‍य, चेनेयलो अम्ब संसार कूमसेमे टूनूस्ये त्वो।

२ कोरिन्थी 5:17

येरेक्‍यूत्‍देबे कोइदे ख्रीष्‍टने विश्‍वास चेख्यङ्लो हम्‍ब सर्‌ सृष्‍टि ख्यङ्। मीयूङ्जे ङीङ् जीया मेले ख्यङ्, जेम्‍से सर्‌ जीया सुरु क्यूर ख्यङ्।

२ कोरिन्थी 6:17

“येरेक्‍यूत्‍देबे थमयूजे अन्द्रदे योङ्देबे ख, मेस्‍ये थमयू ट्‌यादे नमयू आलाक् क्‍यूर्‌ परमप्रभुदे य ख्यङ्। अशुद्ध थोक चैत्‍याये अन्‍छूल्‍लाची, होरदे ङ नमयूने ग्रहण चीक्‍क्य।

हिब्रू 12:27

“फेरि त्‍याफे” यब पोदे अम्‍ब तन्‍क्‍य हम्‍ब लीङ ख्‍वब सेयू, या सृष्‍टि क्‍यूक्‍कब सेयू हर्‌दीपीय, तर लीङ अङ्ख्‍वब सेयू बोल्यो टूनीय।

२ पत्रुस 3:10

तर फेरि प्रभु रब दिन, थाने अम्‍प्रेल्‍लाबे खूमान् रप्र रीय, मूब केन् गर्‌जेदेब केप्रे सू-मल्‍बीय, मूने ख्‍यब सेयू क्‍वाने मीजे रप्दे ङ्योल्‍बीय, मेस्‍ये पृथ्वी होर्‌दे पृथ्वीने ख्‍यब साप्‍ताकूरूने भस्सम् चीक्‍कीय।

१ यूहन्‍ना 2:17

संसार नाश क्‍यूप्‍पीय मेस्‍ये हम्‍बजे अन्ज्य इच्छाये नाश क्‍यूप्‍पीय, तर परमेश्‍वरजे इच्छा पूरा चेब मी येतार्‌ने टूनीय।

प्रकाश 20:13

समु‍द्रने सीयेबयू समु‍द्रदे ग्‍यङ् पीन्‍दे, होर्‌दे मृत्‍यू मेस्‍ये पातलदेये रङ्सेप्रे ख्यब सीयेब मीयूनेये ग्‍यङ् पीन्‍दे। थमयूजे रङ्से रङ्से काम अनुसार क्‍वाजेने न्याय क्‍यूत्‍दे।

प्रकाश 20:14

मृत्‍यू मेस्‍ये पातलने प्‍ल्‍याङ्नब मी भोप्‍प्रोने छाबीदे। अम्‍ब प्‍ल्‍याङ्नब मी भोप्‍प्रोने छाबेब दोस्रो मृत्‍यू ख्यङ्।

प्रकाश 21:1

होर्‌दे ङैदे सर्‌ मू मेस्‍ये सर्‌ पृथ्‍वी तङ्दे, चेनेयलो खूम्‍जे मू मेस्‍ये खूम्‍जे पृथ्‍वी सू-मलीदेबे गीले ख्‍य। समुद्रब होने त्‍वने त्‍वो।

प्रकाश 22:3

जेम्सेमेस्‍ये हैयाने कलङ्बेये श्राप पर्‌तीस्‍ये त्‍वो। परमेश्‍वर मेस्‍ये थुमाजे सिंहासन हैयाने क्‍यूक्‍क्‍य, मेस्‍ये ङूजे त्वो-त्वोमयूदे ङूने पूस्‍तीय।

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”