प्रकाश 21:27 - घले नयाँ करार

²⁷ तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।

प्रकाश 21:27 ပူးပေါင်းရင်းမြစ်များ

मत्ती 13:41

हम्‍ब दिनने मीजे चदे रङ्से दूतयूने कूल्बीय मेस्‍ये थमयूदे ङूजे राज्‍यने पाप चीस्‍से पीनब साप्‍ता सेयू मेस्‍ये दुष्‍ट काम चेबयू क्वाने रूप् पूक्क्‍य,

मर्कूस 7:2

येशूजे कोइ स्यूस्स्यायूदे अशुद्ध या ला अन्‍ठूलाबे चसे चेनब थमयूदे तङ्दे।

लूका 10:20

होरेक्‍यूल्‍ली, अन्‍ज्‍य आत्मायू नमयूजे लाने ख्यङ् यदेबे सूग दी, तर नमयूजे मीन् स्‍वर्गने लिख्दीये ख्यङ् यदेबेत्‍या सूग्।”

एफिसी 5:5

चेनेयलो नमयूने था क्‍यूर पर्‌दीय वेश्य क्‍यूरब मी शुद्ध त्‍वब मेस्‍ये लोभ चेबदे परमेश्‍वर प्रे ख्रीष्‍टजे राज्‍यने हक प्रेस्‍स्‍ये त्‍वो। लोभ चे यब मूर्तिपूजा चेप्रने पाप ख्यङ्।

फिलिप्पी 4:3

ङैप्रे-प्रे काम फरब विश्‍वासी ख्‍योन्, ननेये ङ बिन्‍ती चीक्‍क्‍य, अम्‍ब मदीयूने तोङ्मी, चेनेयलो अम्‍ब मदीयूदे सूगब खबर स्‍य्‍वेब कामने ङैप्रे, क्‍लेमेसप्रे मेस्‍ये जीयाजे किताबने मीन् ख्‍यब सूजो ङै प्रे-प्रे काम फरब ख्योन्‌यूप्रेये सोरो छेम्‍प्रे चीक्‍क ख्यङ्।

१ तिमोथी 1:10

वेश्य काम चेयू, छाडा काम चेबयूजे लागि, मीदे मीने सोङबयूजे लागि, लूच्‍च क्‍यमप्रे लूच्‍च गवाही पीनब तम्दम् शिक्षाजे विरोधने काम चेयूजे लागि ख्यङ्।

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

२ पत्रुस 3:13

तर ङीनदे परमेश्‍वरजे कबुल अनुसार सर्‌ स्‍वर्ग मेस्‍ये सर्‌ पृथ्वीजे लम् लेक्‍क्‍य, हैयाने परमेश्‍वजे धार्मिक्तादे बास टूङ्क्य।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 20:12

होर्‌दे सीयेब केन्-चीद क्‍वाने सिंहासनजे खूम्‍ने मेर्‌नब ङैदे तङ्दे, मेस्‍ये किताबयू ल्‍वादे। सूजो किताबये त्‍या ल्‍वादे। हम्‍ब किताब जीया प्रेब मीयूजे मीन् थायेब किताब ख्यङ्। हम्‍ब किताबने लिख्दीयेब थमयूजे काम अनुसार‌ सीयेबयूजे न्याय क्‍यूत्‍दे।

प्रकाश 20:15

जीया प्रेब मीयूजे मीन् थाब किताबने सू-सूजे मीन् लिख्दीयेब अम्‍प्रे, हम्‍बयूने प्‍ल्‍याङ्नब मी भोप्‍प्रोने छाबीदे।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 3:5

सूदे ट्‌याय, हम्बने येरे कोला कर होम्‍मीय, मेस्‍ये कलङ्बेये अन्-सीबब जीया प्रेब मीयूजे मीन् लिख्देब किताबने ङ ङूजे मीन् ‍मेर्‌दीपीस्ये त्वो।