प्रकाश 21:22 - घले नयाँ करार

²² ङैदे हम्‍ब सहरने प्रार्थना चेब मन्दिर त्‍याये अन्‍तङ्, चेनेयलो पात्‍ता केन् शक्ति ख्‍यब परमेश्‍वर मेस्‍ये थुमा रङ्सेब हम्‍ब सहरजे मन्दिर ख्यङ्।

प्रकाश 21:22 ပူးပေါင်းရင်းမြစ်များ

मत्ती 24:2

तर येशूदे थमयूने यदे, ‘‘नमयूदे अम्‍ब क्वाने तङ्न ख्यङ् यी? तम्दम्‍ने ङ नमयूने यीय, लूङ् त्‍या फ्‍याने सूजो लूङ् क्यूस्ये त्‍वो, टक्कने हूल्‍देबे छाबीय।”

यूहन्‍ना 10:30

प प्रे ङ त्‍या ख्यङ्।”

यूहन्‍ना 13:32

कादेये परमेश्‍वरजे महिमा ङू फ्‍याने क्‍यूक्‍क ख्यङ् यलो परमेश्‍वर रङ्सेदेये ङूने महिमा चीम्‍मीय, होर्‌दे ङूने च्‍योर्‌लाबे महिमा पीन्‍क्‍य।

यूहन्‍ना 4:21

येशूदे ङूने यदे, “या मो, ङैने विश्‍वास ची, हम्‍ब सेमे रेन ख्यङ्, हन्‍छ्वाब नमयूदे प परमेश्‍वरने अम्‍ब गङ्नेये मेस्‍ये यरूशलेमनेये जै-जै चीस्‍स्‍ये त्‍वो।

यूहन्‍ना 4:23

तर सेमे रेन ख्यङ्, मेस्‍ये चूजो हम्‍ब सेमे ख्यङ्, जेम्‍से ज्‍य सेम्‍दे पूस्‍तेब मीयूदे पने आत्मा मेस्ये सत्‍य रूप्‍दे पूस्‍तीय चेनेयलो येरे पूस्‍तेब मीयूने प परमेश्‍वरदे मेल्‍क्‍य।

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

कलस्सी 2:9

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्।

प्रकाश 1:8

“अल्‍फा मेस्‍ये ओमेगा ङ ख्यङ्”, पात्‍ता केन् शक्तिजे परमप्रभु परमेश्‍वरदे य ख्यङ्, ङू चूजोये ख्यङ्, खूम्‍‌‍ये ख्‍य, मेस्‍ये ङ्येदेये रीय।

प्रकाश 11:17

मेस्‍ये यमेदे, “पात्‍ता केन् शक्ति ख्‍यब परमप्रभु परमेश्‍वर, ङी नने धन्‍यवाद पीन्‍क्‍य, ङू चूजोये ख्यङ्, खूम्‍ये ख्‍य, चेनेयलो नदे रङ्सेजे केन् शक्ति लाने कीन्‍देबे राज्‍य चेने सुरु चीत्‍दे।

प्रकाश 14:4

थमयू मदीप्रे लस्पस् अन्-क्‍यूक्‍कब ख्‍य, मेस्‍ये थमयूदे रङ्सेने चोखो ये ख्‍य। थुमा केने-केने प्रीय होने होने ङू ङ्‍ये-ङ्‍ये प्रबयूब थमयू ख्‍य। परमेश्‍वर मेस्‍ये थुमाजे लागि पात्‍ता खूम् चेर्‌तेब फलप्रने मीयूजे अन्‍द्रदे थमयूने लू-फादेबे छूर्‌तीरे ख्‍य।

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।

प्रकाश 16:14

अम्‍बयू हार्‌मन्‍देब च्‍यूनू तनब दुष्‍ट आत्‍मायू ख्यङ्। संसारजे का-मुलुकने ख्‍यब मूरुम्यूने त्‍वने अम्‍बयू प्रीय, मेस्‍ये पात्‍ता केन् शक्ति ख्यब परमेश्‍वरदे न्याय चेब केन् दिनने परमेश्‍वरप्रे लडाइँ चेने थमयूदे मूरुम्यूने फूङ् पूक्‍क्‍य।

प्रकाश 16:7

होर्‌दे “परमप्रभु परमेश्‍वर पात्‍ता केन् ख्यङ्, नदे चेब न्याय ठीक, मेस्‍ये सत्य ख्यङ्।” यब के त्‍या चाक्‍क्‍यादे योङ्‍रब ङैदे तदे।

प्रकाश 19:15

जात-जातजे मीयूने ट्‍याला चेजे लागि ङूजे ङूर्‌दे छ्‌यरब पार्‌च्‍या त्‍या योङ्‍रीय, मेस्‍ये जङ्जे पीर्‌क चील्‍लीदेबे ङूदे थमयू फ्‍याने राज्‍य चीक्‍क्‍य। होर्‌दे क्‍वेने अङ्‍गुर योन्देबे खू योनप्रने पात्‍ता बोल्यो परमेश्‍वरजे छीजे क्‍वेने ङूदे थमयूने छेय।

प्रकाश 4:8

हम्‍ब प्राणी स्यीजेने येन् र्‌वा-र्‌‍वा ख्‍य, मेस्‍ये हम्ब येन्‌‍यूजे नङ्ने फीने का-मुलुकने म्‍या-म्‍यादे फ्‍यान ख्‍य। थमयूदे नो-मून् अन्‍रोक्‍तीलाबे येरे यदेबे प्रू पून्‍नीय, “पवित्र, पवित्र, पवित्र परमप्रभु पात्‍ता नङ्ने केन् शक्ति ख्‍यब परमेश्‍वर, ङू खूम्‌ये ख्‍य, चूजोये ख्यङ्, मेस्‍ये ङ्‍येदेये रीय।”

प्रकाश 5:6

होर्‌दे सिंहासन, सोम्‍बो प्राणी स्यी, मेस्‍ये धर्म-गुरुयूजे अन्‍द्रने थुमा त्‍या मेर्‌नब ङैदे तङ्दे, ङू सेक्‍कप्र तङ ख्‍य। ङूजे रूक् ङ्यी मेस्‍ये म्‍या ङ्यी ख्‍य, हम्‍बयू पृथ्‍वीजे का-मुलुक‍ने कूल्‍बेब परमेश्‍वरजे आत्‍मा ङ्यी ख्यङ्।

प्रकाश 7:15

येरेक्‍यूत्‍देबे, “थमयू परमेश्‍वरजे सिंहासनजे खूम्‍ने ख्यङ्, मेस्‍ये नो-मून् ङूजे मन्दिरने ङूजे सेवा चीन्‍न ख्यङ्, मेस्‍ये सिंहासन्‍ने देन् छ्‌यानब थमयूप्रेप्रे टूङ्देबे रक्षा चीक्‍क्‍य।

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”