प्रकाश 21:2 - घले नयाँ करार

² होर्‌दे दूलजे लागि पीर्‌मनेप्र ज्‍य चीत्‍देबे परमेश्‍वरदे छ्‌योदेब या पवित्र सहर, सर् यरूशलेम स्वर्गदे मो तल्‍लीनब ङैदे तङ्दे।

प्रकाश 21:2 ပူးပေါင်းရင်းမြစ်များ

यूहन्‍ना 3:29

पीर्‌म सूप्रे ख्यङ्, दूल हम्बने क्यूक्‍क्य। सू दूलाप्रे मेरक्य हम्ब दूलजे ख्योन् क्यूक्‍क्य, दूलजे के तदेबे ङू सूग्‍क्‍य। येरेक्यूत्देबे ङैजे अम्ब आनन्द पूरा क्‍यूरे ख्यङ्।

२ कोरिन्थी 11:2

परमेश्‍वर ट्‍यादे रब ठेनब सेम्दे नमयूप्रे ङ ठेन ख्यङ्। ङैदे नमयूने तीत्‍यात्‍या पतीजे पवित्र पीर्‌मप्र ख्रीष्‍टजे खूम्‍ने तनजे लागि नमयूने ख्रीष्‍टप्रे ङ्येन् चेने पो पक्‍क चीम्‍मे ख्यङ्।

हिब्रू 11:10

चेनेयलो कलङ्नेयली क्‍यून्‍नब जा फ्‍याने बन्‍दीयेब सहर प्रेने ङूदे लेन्‍न ख्य, हम्‍ब सहरजे योजना चीत्‍देबे बन्‍देब परमेश्‍वर ख्यङ्।

हिब्रू 11:16

तर थमयूदे झन् थेप् सोरो ज्‍य देश, या स्‍वर्ग देशने प्रब सेम् चीन्‍नूदे। येरेक्‍यूत्‍देबे परमेश्‍वरदे ङ थमयूजे परमेश्‍वर ख्यङ् यने अन्‍त्‍वा, चेनेयलो ङूदे थमयूजे लागि सहरत्‍या तयार चीत्‍देबे हीते ख्यङ्।

हिब्रू 12:22

तर नमयूब सियोन गङ्ने, सोम्‍बो परमेश्‍वरजे सहरने, स्‍वर्गजे यरूशलेमने, मेस्‍ये चीलने अङ्ख्‍वब स्‍वर्गदूतयूजे आनन्द चेब नेने रेक ख्यङ्।

हिब्रू 13:14

चेनेयलो ङीन येतार्‌ने टूनप्रेब सहर अयाने त्‍वो, तर ङ्‍येदे रब सहरजे लम् लेन्‍न ख्यङ्।

प्रकाश 1:1

अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 1:4

यूहन्‍नादे एशियाने ख्‍यब मण्डलीयू ङ्‍यीने लिख्दे ख्यङ्: परमेश्‍वरट्‍यादे नमयूने अनुग्रह मेस्‍ये शान्ति पीन्‍स्‍य, ङू चूजोये ख्यङ्, खूम्‍ये ख्‍य, ङ्येदेये रीय। ङूजे सिंहासन खूम्‍ने ख्‍यब आत्‍मा ङ्‍यीट्‍यादे,

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 11:2

तर मन्‍दिरजे फीने ख्‍यब य्‍वेजे नाप अन्‍कीन्‍लाची, चेनेयलो हम्‍ब जात-जातजे मीयूने पीने ख्यङ्, मेस्‍ये थमयूजे तोप्दे ङ्यील्‍लङ्दे ल-ङ्‍हीसेमे पवित्र सहरने च्‍योप्‍क्‍य।

प्रकाश 21:10

आत्‍माने ङूदे ङैने केन् मेस्‍ये फेर गङ्त्‍या फ्‍याने कूदीदे, मेस्‍ये परमेश्‍वर टूङब ने स्वर्गदे मो तल्‍लीनब पवित्र सहर यरूशलेम ङैने तम्‍मीदे।

प्रकाश 21:9

होर्‌दे हम्‍ब पात्‍ता ङ्‍येजे सोरो फत्या सकस् ङ्यीदे सेम् फ्‍यानब पील ङ्यी टेलब स्वर्गदूतयू ङ्यी नङ्दे स्वर्गदूतत्‍या रदेबे ङैने येरे यदे, “ख, ङ नने थुमाजे मज, ङूजे पीर्‌म तम्‍मीय।”

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।

प्रकाश 22:19

होर्‌दे कोइ मीदे अम्‍ब किताबने लिख्दीयेब अगमवाणीजे वचनदे चत्‍या पो योम्‍पीदे यलो अम्‍ब किताबने लिख्दीयेब जीया पीनब तोङ्बोजे भा, मेस्‍ये पवित्र सहरने ङूदे प्रेपर्‌देब भा परमेश्‍वरदे लेन्‍कीय।

प्रकाश 3:12

सूदे ट्‌याय, ङ ङूने ङैजे परमेश्‍वरजे मन्दिरजे थम्प्र बन्‍दीय, मेस्‍ये ङू हैयादे कलङ्बेये फीने योङ्बस्‍ये त्‍वो। ङ हम्‍बने ङैजे परमेश्‍वरजे मीन् लिख्दीय, मेस्‍ये ङैजे परमेश्‍वरजे सहरजे मीन्, या यरूशलेम लिख्दीय, हम्‍ब ङैजे परमेश्‍वर ख्‍यब ने-स्वर्गदे मो रीय। रङ्सेजे मीन् सर्‌ये ङ हम्‍बने लिख्दीय।