प्रकाश 20:2 - घले नयाँ करार

² स्वर्गदूतदे हम्‍ब अजिङ्गरने ङ्येप्‍दे मेस्‍ये हजार त्‍या वर्षसेमेजे लागि ख्‍यादेबे हीत्‍दे, हम्‍ब मीयूङ्मेस्येने ख्यब डम् ख्‍य हम्ब शैतान ख्यङ्।

प्रकाश 20:2 ပူးပေါင်းရင်းမြစ်များ

मत्ती 19:29

ङैजे लागि सू-सूदे रङ्से कीम्, अत-च्‍योन या च-चीमी या प-म या स-क्‍यू पोङ्ये ख्यङ्, हम्‍बदे सैत्‍या गुणा थेप् प्रेक्‍क्‍य, मेस्‍ये कलङ्बेये अन्सीबब जीयाजे हक प्रेक्क्‍य।

मत्ती 8:29

थमयूदे येरे यदेबे पारा पूत्‍दे, “ओ परमेश्‍वरजे च, ङीयूप्रे नैजे चेकाम? ङीजे न्याय चेब बील अन्‍क्‍यूट्‍टबने न ङीयूने छरङ् पीनने अयाने रऔ?”

मर्कूस 4:15

कोइ मीयू लम्ने थरेब लू प्र ख्यङ्। थमयूदे परमेश्‍वरजे वचन ङ्‌यीन्क्‍य, होर्‌दे खात्याने शैतान रीय, मेस्‍ये थमयूदे ङ्‌यीनब वचन थमयूजे सेम्ने यीस्‍से अम्पीन्लाबे क्‍योङ् यल्गस्‍ये पीन्‍क्‍य।

मर्कूस 5:7

होर्‌दे ङूदे के योन्देबे यदे, “ओ पात्‍ता केन् परमेश्‍वरजे च येशू, ङैने नदे च चे मे? ङ परमेश्‍वरने कसम चदेबे नने बिन्‍ती चीक्‍क्‍य ङैने छरङ् अम्‍पीन्‍लाची।”

यूहन्‍ना 12:31

जेम्‍से अम्‍ब संसारजे न्याय क्‍यूक्‍क्‍य। अम्‍ब संसारजे हुकुम चील्‍लेब फीने छाबीय।

यूहन्‍ना 16:11

मेस्‍ये न्यायजे बारेने थमयू दोषी ख्यङ्, चेनेयलो अम्‍ब संसारजे हुकुम चील्‍लेबने दण्ड पीनब आज्ञा क्‍यूक्‍क ख्यङ्।

रोमी 16:20

शान्ति पीनब परमेश्‍वरदे छ्‌योटो शैतानने नमयूजे तोप् त्‍यङ्दे प्‍लीक्‍य। ङीनजे प्रभू येशू ख्रीष्‍टजे अनुग्रह नमयूप्रे क्यूस्स्य।

हिब्रू 2:14

हम्‍ब च-चीमीयू स्‍य-काजे ङ्व क्‍यूरबदे येशूये थमयूप्रने स्‍य-काजे ङ्व टेल्‍देबे जन्मीदीदे, येर्‌बे ङू रङ्से सीबदेबे, सीबला चेब शक्ति ख्‍यब शैतानने ङूदे नाश चीस्‍स्‍य,

१ पत्रुस 5:8

चङ्‍ख क्‍यूत्‍देबे होस् ची। नमयूजे शत्रु शैतानदे सू-तूको हम्‍बने सेत्‍देबे चस्‍ये यदेबे गेर्‌जेदेब डेन्‍यादेप्र मल्‍न ख्यङ्।

२ पत्रुस 2:4

परमेश्‍वरदे पाप चेब स्‍वर्गदूतयूनेये अन्‍क्यापी, तर थमयू नरकने छाबीदे, मेस्‍ये न्याय चेब दिनसेमेजे लागि सङ्लोदे ख्‍यादेबे नरकजे मून्‍दूङ्ने हीदे ख्यङ्।

यहूदा 1:6

रङ्सेने कन्‍छ्वा हक पीने ख्‍य हम्‍बयली फीने टूङ्देबे रङ्से टूङब ने पोङ्देबे प्रब स्वर्गदूतयूनेये ङूदे न्यायजे दिनने दण्ड पीनने कलङ्बेये प्‍लीम्ब अम्‍प्रेल्‍लाबे ख्‍यादेबे मून्‍दूङ्ने स्योप्के ख्यङ्।

प्रकाश 12:13

कन्‍छ्वाब हम्‍ब अजिङ्गरदे रङ्से पृथ्‍वीने छाबेब था प्रेत्‍दे, हन्‍छ्वाब ङूदे च जन्मेदेब हम्‍ब मदीने ताल्‍दे।

प्रकाश 12:15

भल्‍दे हम्‍ब मदी प्‍ल्‍येगीस्‍य यदेबे हम्‍ब अजिङ्गर ङूर्‌दे मदीजे ङ्येलम्ने क्‍यूजे गीन्दी योन्‍दे।

प्रकाश 12:17

होर्‌दे हम्‍ब अजिङ्गर हम्‍ब मदीप्रे छी-लङ्दे, मेस्‍ये हम्‍बजे लम ख्‍यब छगूम्-पूर्‌गूम्प्रे या सू-सूदे परमेश्‍वरजे आज्ञायू मन्‍दीय, मेस्‍ये येशूजे गवाही पीन्‍क्‍य हम्‍ब मीयूप्रे लडाइँ चेने गीली।

प्रकाश 12:3

होर्‌दे स्वर्गने सूजो च्‍यूनू त्‍या तङ्दे: ट ङ्यी, रूक् च्‍यू मेस्‍ये टने मुकुट ङ्यी कूयेब अजिङ्गर मल्‍लम् केन् त्‍या तङ्दे।

प्रकाश 12:4

हम्‍ब अजिङ्गरजे म्हीदे स्वर्गजे भा सोम्‍ने भा त्‍या कर्‌चेन्‌यू स्‍योर्‌देबे पृथ्‍वीने छापीदे। पीच प्रे बितीक्‍ने हम्‍ब पीच क्‍य्‍वे योप्‍पेस्‍ये यदेबे हम्‍ब अजिङ्गर पीच प्रेमेब मदीजे खूम्‍ने मेर्‌न ख्‍य।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।

प्रकाश 13:2

हम्‍ब ङैदे तङब रोला चितुवाप्र ख्‍य, हम्‍बजे तोप्यू ओम्जेप्र ख्‍य। मेस्‍ये हम्‍बजे ङूर्‌ डेन्‍याजेप्र ख्‍य। हम्‍ब अजिङ्गरदे रङ्सेजे शक्ति, सिंहसान, मेस्‍ये केन् हक हम्‍ब रोलाने पीन्‍दे।

प्रकाश 13:4

मीयूदे हम्ब अजिङ्गरजे पूजा चे ख्‍य, चेनेयलो ङूदे रङ्सेजे हक हम्‍ब रोलाने पीन ख्‍य। थमयूदे येरे यदेबे हम्‍ब रोलाजे पूजा चीत्‍दे, “अम्‍ब रोलाप्र सूजो सू ख्यङ् स्‍व? ङूजे विरुद्धने सू जीङ खूइय?”

प्रकाश 20:10

थमयूने धोका पीनब हम्‍ब शैतानने प्‍ल्‍याङ्नब गन्‍धकजे मीजे भोप्‍प्रोने छाबीदे, हम्‍ब रोला मेस्‍ये लूच्‍च अगमवक्ताये हम्‍ब नेने ख्‍य। थमयूदे हम्‍ब नेने नोमून् येतार्‌ने सकस् भोक्‍तीनीय।

प्रकाश 20:7

हजार त्‍या बर्ष जेनमेस्‍ये हम्‍ब स्‍योप्‍येब नेदे शैतान क्‍यापीय,

प्रकाश 9:11

अतल कुण्ड दूत थमयूजे मूरुम् ख्‍य। हिब्रू केने ङूजे मीन् एबाड्डोन मेस्‍ये ग्रीक केने हम्‍बजे मीन् अपोल्‍लियोन य ख्यङ्।