प्रकाश 20:13 - घले नयाँ करार

¹³ समु‍द्रने सीयेबयू समु‍द्रदे ग्‍यङ् पीन्‍दे, होर्‌दे मृत्‍यू मेस्‍ये पातलदेये रङ्सेप्रे ख्यब सीयेब मीयूनेये ग्‍यङ् पीन्‍दे। थमयूजे रङ्से रङ्से काम अनुसार क्‍वाजेने न्याय क्‍यूत्‍दे।

प्रकाश 20:13 ပူးပေါင်းရင်းမြစ်များ

मत्ती 11:23

कफर्नहुमजे मीयू, नमयू स्वर्गसेमेने कूबीय मन औ? दी, नमयू नरकने तल्‍बीय। चेनेयलो कफर्नहुमने चीक्‍कब सोरो शक्तिशाली कामयू सदोमने चीक्‍कलो हम्‍ब सदोम दीनीजे दिनसेमे टून ख्यङ्दे।

मत्ती 16:27

चेनेयलो मीजे च रङ्से पजे महिमाने रङ्सेजे स्वर्गदूतयूप्रे रीय, मेस्‍ये हम्‍ब बीलने ङूदे मीयू क्‍वानेने रङ्से रङ्सेजे काम अनुसार इनाम पीन्क्य।

१ कोरिन्थी 15:26

पात्‍ता ङ्येदे नाश चेपर्‌ते शत्रुब सीबबने ख्यङ्।

प्रकाश 1:18

मेस्‍ये सोम्‍बो क्‍यूरब ङ ख्यङ्। ङ सीये ख्‍य, तर ङ येतार्‌ने सोम्‍बो क्‍यून्‍नीय, होर्‌दे मृत्यु मेस्‍ये पातालजे चापीयू ङैप्रे ख्यङ्।

प्रकाश 2:23

ङैदे ङूजे च-चीमीयू क्‍वानेने सेक्‍क्‍य। मेस्‍ये मण्डलीयू क्‍वादेने था प्रेक्‍क्‍य, खोत्‍ताजे सेम् नङ्जे पो मेस्‍ये इच्‍छा स्‍ये ख्‍वब ङ, ङूने ख्यङ्, मेस्‍ये ङ नमयूजे काम अनुसार नमयू क्‍वानेने इनाम पीन्‍क्‍य।

प्रकाश 20:12

होर्‌दे सीयेब केन्-चीद क्‍वाने सिंहासनजे खूम्‍ने मेर्‌नब ङैदे तङ्दे, मेस्‍ये किताबयू ल्‍वादे। सूजो किताबये त्‍या ल्‍वादे। हम्‍ब किताब जीया प्रेब मीयूजे मीन् थायेब किताब ख्यङ्। हम्‍ब किताबने लिख्दीयेब थमयूजे काम अनुसार‌ सीयेबयूजे न्याय क्‍यूत्‍दे।

प्रकाश 20:14

मृत्‍यू मेस्‍ये पातलने प्‍ल्‍याङ्नब मी भोप्‍प्रोने छाबीदे। अम्‍ब प्‍ल्‍याङ्नब मी भोप्‍प्रोने छाबेब दोस्रो मृत्‍यू ख्यङ्।

प्रकाश 21:4

होर्‌दे परमेश्‍वरदे थमयूजे म्‍याने ख्‍यब म्‍यामू क्वाने फील्‍मीय, मेस्‍ये हैयाने सीब पर्‌दीस्‍ये त्‍वो, शोक् मेस्‍ये दु:खये क्‍यूस्‍स्ये त्‍वो। चेनेयलो ङीङ् पोयू मले-जेङ्‍क ख्यङ्।”

प्रकाश 6:8

ङैदे मी टदेबे प्रब पीसरङ् त तङ्दे, मेस्‍ये हम्‍ब तने टदेबे प्रबजे मीन् “मृत्‍यू” ख्‍य, मेस्‍ये “पाताल” ङूजे ङ्येङ्ये प्रेन ख्‍य। होर्‌दे थमयूने पृथ्‍वीजे भा स्यीजे भात्‍या फ्याने हक पीने ख्य, मेस्ये थमयूदे होने ख्यब मीयूने तरवार, अनिकाल, कोर्‌ मेस्‍ये नाजे जन्‍तूयू चील्‍लीदेबे से ख्वख्‍य।