प्रकाश 20:1 - घले नयाँ करार

¹ होर्‌देङ्येदे स्वर्गदूत त्‍यादे लाने अतल कुण्डजे चापी मेस्‍ये सङ्लो केन् त्‍या टेल्‍देबे स्वर्गदे मो-तल्‍रब ङैदे तङ्दे।

प्रकाश 20:1 ပူးပေါင်းရင်းမြစ်များ

लूका 8:31

थमयूदे येशूने बिन्‍ती चीत्दे यदे, ङीने अतल-कुण्डने अन्‍कूल्‍बीलाची।

२ पत्रुस 2:4

परमेश्‍वरदे पाप चेब स्‍वर्गदूतयूनेये अन्‍क्यापी, तर थमयू नरकने छाबीदे, मेस्‍ये न्याय चेब दिनसेमेजे लागि सङ्लोदे ख्‍यादेबे नरकजे मून्‍दूङ्ने हीदे ख्यङ्।

यहूदा 1:6

रङ्सेने कन्‍छ्वा हक पीने ख्‍य हम्‍बयली फीने टूङ्देबे रङ्से टूङब ने पोङ्देबे प्रब स्वर्गदूतयूनेये ङूदे न्यायजे दिनने दण्ड पीनने कलङ्बेये प्‍लीम्ब अम्‍प्रेल्‍लाबे ख्‍यादेबे मून्‍दूङ्ने स्योप्के ख्यङ्।

प्रकाश 1:18

मेस्‍ये सोम्‍बो क्‍यूरब ङ ख्यङ्। ङ सीये ख्‍य, तर ङ येतार्‌ने सोम्‍बो क्‍यून्‍नीय, होर्‌दे मृत्यु मेस्‍ये पातालजे चापीयू ङैप्रे ख्यङ्।

प्रकाश 10:1

मूक्‍पदे तोलेब सूजो बोल्‍यो स्वर्गदूत स्वर्गदे तल्‍रब ङैदे तङ्दे। ङूजे ट-फ्‍याने कूयूङ्-क्‍यू ख्‍य, मेस्‍ये ङूजे त्‍वा मीयाप्र मेस्‍ये तोप्यू प्‍ल्‍याङ्नब मीजे थम्प्र ख्‍य।

प्रकाश 18:1

होर्‌देङ्येदे केन् हक प्रेक्‍कब सूजो स्वर्गदूत त्‍या स्वर्गदे मो रेनब ङैदे तङ्दे। ङूजे सेर्‌दे पृथ्‍वीने ओथ्याङ् क्‍यूत्‍दे।

प्रकाश 20:3

ङूदे हम्बने अतल कुण्डने छाबीदे, होर्‌दे हम्‍ब अतल कुण्ड थाबीदे मेस्‍ये हैयाने छाप पूबीदे। ङूदे हजार त्‍या वर्ष अन्‍जेन्‍दासेमे जात-जातजे मीयू क्‍वानेने धोका अम्‍पीन्‍स्‍य यदेबे येरे स्‍योप्‍पीदे। होर्‌देङ्येदे तेदिनजे लागि ङूने क्याबे पर्‌दीय।