प्रकाश 2:2 - घले नयाँ करार

² नैजे कामयू, नदे चेब छेम्‍प्रे मेस्‍ये न-धेरेन् क्‍यून्‍नब ङैने था ख्यङ्, मेस्‍ये नदे दुष्‍ट मीयूजे विरोध चे ख्यङ् तर थमयू रङ्सेदेब ङी मूल स्यूस्स्या ख्यङ् यीय, तर मूल स्यूस्स्या दी, होर मीयूने जाँचदीदेबे थमयू लूच्‍च ख्यङ् यदेबे नमयूदे पत्‍त प्रेक्‍क ख्यङ् यब पो ङैने था ख्यङ्।

प्रकाश 2:2 ပူးပေါင်းရင်းမြစ်များ

मत्ती 7:23

होर्‌दे नमयूने ङ चेलाबे यीय, ‘नमयूने ङैदे कलङ्बे अन्स्‍ये। धर्म प्‍वेब काम फर मीयू, ङैजे खूम्दे थेचेकी।

यूहन्‍ना 6:6

येशूदे फिलिपजे ख्‍वाजे बात् प्रेने ल्‍वे ख्‍य। चेनेयलो ङूदे च चेमे यब पो ङू रङ्सेने था ख्‍य।

गलाती 1:7

पक्‍क रूप्‍दे सूजो सूगब खबर त्‍वो, तर कोइ-कोइ येर ख्यङ्, थमयूदे ख्रीष्‍टजे सूगब खबरने बीयूङ् चेमे ख्यङ्।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

१ थेसलोनिकी 5:21

तर साप्‍ता पोजे जाँच ची। कम्‍ब पो ज्‍य ख्यङ् हम्‍ब पोयू सेम्‍ने हीन्‍नू।

२ तिमोथी 2:19

तर परमेश्‍वर रङ्सेदेने लैदेब जा बोल्योने टूनीय, मेस्‍ये हम्‍बने येर छाप लैदीये ख्यङ्, “प्रभुदे रङ्से मीयूने स्येय” मेस्‍ये “प्रभुजे मीन् कीनब मीयू क्‍वादेने धर्म प्‍वेब कामयू अन्‍चीस्‍स्‍य।”

हिब्रू 6:10

परमेश्‍वरदे अन्‍न्याय अन्ची, मेस्ये ङूजे लागि नमयूदे चेब काम मेस्‍ये ङूजे मीयूने माया चेब पो परमेश्‍वरदे कलङ्बेये अन्-येल्। येरप्र काम नमयूदे दीनीये चीन्‍न ख्यङ्।

१ यूहन्‍ना 4:1

छेब ख्योन्‌यू, कम्‍ब क्‍यूक्‍को हम्‍ब आत्माने विश्‍वास अन्‍चील्‍लाची, तर आत्मायू परमेश्‍वरदे पीनब टोङ् यी सूजो टोङ् यदेबे हम्‍बजे जाँच ची। चेनेयलो कूम लूच्‍च अगमवक्तायू अम्‍ब संसारने योङ्‍र ख्यङ्।

प्रकाश 2:5

येरेक्‍यूत्‍देबे कोलासेमे नमयू खेर गीले ख्यङ्, हम्‍ब ह्‍वे ची, मेस्‍ये पश्‍चात्ताप चीत्‍देबे ल्‍वाख, होर्‌दे नदे खूम चेप्रने हम्‍ब काम फेरि ची। कादेये नदे पश्‍चात्ताप अन्‍चीत्‍देयलो ङ ने-ट्‌याने रदेबे नैजे सामदान हम्‍ब नेदे योम्‍बीय।

प्रकाश 2:6

तर नमयूप्रे अम्‍ब ज्‍य पो ख्यङ्, ङैदे चेप्रने नमयूदेये निकोलाईटसयूजे कामने घीन चे-ख्यङ्।

प्रकाश 2:9

नदे प्रेन्‍नब सकस्यू मेस्‍ये न दुख्प्रे ख्यङ् यब पोये ङैने था ख्यङ्, तर नब फ्‍योबोने ख्यङ्। ङैदे थमयूने स्‍ये ख्यङ्, थमयूदे रङ्सेने ङी यहूदीयू न-यीय, तर थमयू तम्दम् यहूदीयू दी। थमयूदे विरोध चेब पो ङैने था ख्यङ्। थमयू शैतान पूस्‍तेब सभा-कीम्जे मीयू ख्यङ्।

प्रकाश 3:1

सार्डिसजे मण्डलीजे दूतने अम्‍ब पो लिख्दी: परमेश्‍वरजे आत्‍मा ङ्यी मेस्‍ये कर्‌चेन् ङ्यी ख्‍यबदे अम्‍ब पो य ख्यङ्। नैजे काम ङैने था ख्यङ्। न सोम्‍बो क्‍यून्‍नब मीन्त्‍यामे ख्यङ्, तर न सीये ख्यङ्।

प्रकाश 3:15

नैजे कामयू ङैने था ख्यङ्। न सीम्‌ये त्‍वो, लूम‍्‌ये त्‍वो, न लूम् क्‍यूल्‍लीने या सीम् क्‍यूल्‍लीने क्‍यूर ख्यङ्दे।

प्रकाश 3:8

नैजे कामयू ङैने था ख्यङ्। ले, ङैदे नैजे लागि ख्‍यो ह्‍वोङ् चीदे ख्यङ्, सूदे क्‍यूक्‍को हम्‍ब ख्‍यो था अन्‍खू। नैप्रे छीत्‍यात्‍या शक्ति ख्यङ् यबये ङैने था ख्यङ्, होरेक्‍यूल्‍ली नदे ङैजे वचन मन्‍दे ख्यङ्, मेस्‍ये नदे ङैने अन्‍स्‍ये अन्‌-य।