प्रकाश 2:14 - घले नयाँ करार

¹⁴ तर नमयूजे विरोधने चत्‍या पोयू ङैप्रे ख्यङ्, चेनेयलो नमयूप्रे कोइ-कोइ येरमीयू ख्यङ्, बालामदे लोम्‍मेब पोयू थमयूदे मन्‍दे ख्यङ्। इस्राएलजे मीयूने पाप चीस्‍से पीनजे लागि मूर्तियूने चेर्‌दीयेब चसे चने मेस्‍ये वेश्य काम चेने बालामदे बालाकने लोम्‍मीदे।

प्रकाश 2:14 ပူးပေါင်းရင်းမြစ်များ

मत्ती 18:7

‘‘मीयूने पाप चीस्‍स्ये पीनब सेयूजे लागि अम्‍ब संसारने धिक्कार ख्यङ्। पाप चीस्‍से पीनब जाँचयू रीय, तर होर मीयूने धिक्कार ख्यङ्, सूजे कारणदे पाप चीस्‍से पीनब जाँचयू रीय!

मूल स्यूस्स्यायूजे कामजे किताब 15:29

अम्‍ब मूख्‍य पोयू ख्यङ्- मूर्तिने बलि चेर्‌देब चसे अन्‍चलाची, का मेस्ये नीजी चेर्‌देबे सेब रोलाजे स्‍य अन्चलाची मेस्‍ये वेश्य काम अन्‍चील्‍लाची। अम्‍ब पोयू मन्‍दीदेयलो नमयूने ज्‍य क्‍यूक्य। बिदा।”

मूल स्यूस्स्यायूजे कामजे किताब 21:25

तर यहूदी तेब मीयू सूदे विश्‍वास चे ख्यङ्, थमयू मूर्तिने बलि चेर्‌देब से, का, नीजी चेर्‌देबे सेब रोलाजे स्‍य अन्‍चलाची मेस्‍ये वेश्य काम अन्‍चील्लाची यदेबे ङीदे पक्क चेब पो चिट्ठीने लिख्दीदेबे चङ्बे ख्यङ्।”

रोमी 11:9

मेस्‍ये मूरूम् दाऊददेये यीय, “थमयूजे भत्‍यार, यूयू मेस्‍ये देर्‌जेन् ताप्र क्यूस्स्य, होर्‌दे ठक्‍कर चदेबे थमयूदे दण्ड प्रेस्‍स्‍य।

रोमी 14:13

येरेक्‍यूत्‍देबे ङीन जेम्सेमेस्ये त्‍यादे त्‍याने दोष अन्‍लैदीलाचीदे। क्‍यूल्‍लो ङीन रङ्से अत-अजी-च्‍योन्जे लम्ने बाधा पीनब सेयू कलङ्बेये अन्‌-येब पक्‍क चीत्‍दे।

रोमी 14:21

खास रूप्‍ने स्‍य अन्‍चब, ची-नादू अन्‍थूङब, होरदे रङ्से अत-अजी-च्‍योन्‍ने बाधा पीनब चसेयू अन्‍चबने ज्‍य क्‍यूक्‍क्‍य।

रोमी 9:32

चेने अङ्ख्‍व? चेनेयलो थमयूदे धार्मिकता विश्‍वास चीत्‍देबे दी, तर काम चीत्‍देबे प्रेखूइय मन्‍दे। येरेक्‍यूत्‍देबे थमयू “च्‍या थूङ्बब लूङ्ने” च्‍या थूङ्देबे फी क्‍यरी।

१ कोरिन्थी 1:23

तर ङीब क्रूसने खील् ठोक्‍दीदे पील्‍कब ख्रीष्‍टजे खबर प्रचार चीक्क्य। अम्ब पो यहूदीयूजे लागि अल्‍जो चेब पो क्‍यूत्‍दे, होरदे यहूदी तेब मीयूजे लागि मूर्ख पो क्‍यूत्‍दे।

१ कोरिन्थी 7:2

तर वेश्य कामयूने अम्‍फस्तीप्रस्‍य यदेबे क्‍वादेने ङ्येन् चीस्‍य। पती क्‍वाजेने रङ्से मज क्यूस्स्य, होरदे मदी क्‍वाजेने रङ्से प्‍ल्‍यङ् क्यूस्स्य।

हिब्रू 13:4

मी क्‍वादेने ङ्येन्जे पोने गेसेन् चेब क्‍यूर्‌ पर्‌दीय, प्‍लङ्-मजदे त्‍याने त्‍यादे विश्‍वास चेख्‍वब क्‍यूस्‍स्‍य, चेनेयलो छाडा क्‍यूत्‍देबे प्रब मेस्‍ये वेश्य काम चेयूजे न्याय परमेश्‍वरदे चीक्‍क्‍य।

१ पत्रुस 2:8

मेस्ये, “लूङ्त्‍या ख्यङ्, हम्‍ब लूङ्दे मीयूजे तोप् च्‍या-थूङ्बस्ये पीन्‍क्‍य, पोलोम्त्‍या ख्यङ् हम्‍बदे थमयूने ग्‍यर्‌बस्ये पीन्‍क्‍य।” चेनेयलो थमयूदे परमेश्‍वरजे वचन अम्‍मन्‍दी मेस्‍ये ग्‍यर्‌बीय। येर क्‍यूरजे लागि थमयूने सेल्‍देबे हीते ख्‍य।

२ पत्रुस 2:15

सोझो लम् पोङ्‍गीदेबे हम्बयू अन्‍ज्‍य लम्तेले गीले ख्यङ्। अन्‍ज्‍य कामजे फाइदाने सोरो ज्‍य थेब बओरजे च बालामजे लम्ने थमयू लादे ख्यङ्।

यहूदा 1:11

थमयूने धिक्‍कार ख्यङ्! चेनेयलो थमयू कयिनदे चेप्र चे ख्यङ्, मेस्‍ये फाइदाजे लागि बालामदे चेप्र गल्‍ती चीत्‍देबे लूच्‍च लम्‍ने प्रीय होर्‌दे कोरहदे विरोध चेप्र थमयूदे चीत्‍दे मेस्‍ये थमयू हम्‍बप्रने नाश क्‍यूक्‍क्‍य।

प्रकाश 2:20

तर नैजे विरुद्धने ङैप्रे अम्‍ब पो ख्यङ्: ईजेबेल यब मदीदे चेब अन्‍ज्‍य काम नदे सैदीन ख्यङ्। ङू रङ्सेदे रङ्सेने अगमवाणी क्यमब मदी य ख्यङ्, अम्‍ब मदीदे ङैजे सेवा चेब मीयूने वेश्य काम चील्‍ली क्‍यूक्‍क्‍य, मूर्तियूने चेर्‌दीयेब चसे चली क्‍यूक्‍क्‍य यब पो लोम्‍मीदेबे उक्‍सीतीन ख्यङ्।

प्रकाश 2:4

तर नैजे विरुद्धने ङैप्रे अम्‍ब पो ख्यङ्, पात्‍ता खूम् चीन्‍नब प्रेम नदे क्‍याबे ख्यङ्।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 22:15

होर्‌दे सहरजे फीनेब क्‍योयू, ङा-थूक् चेयू, वेश्य काम चेयू, मी सेब काम चेयू, मूर्ति पूजा चेयू, मेस्‍ये लूच्‍च चेब सेम् पर्‌तेयू मेस्‍ये हम्‍ब अनुसार‌ काम फरबयू क्‍यूक्‍क्‍य।