प्रकाश 2:1 - घले नयाँ करार

¹ एफिससजे मण्डलीजे दूतने अम्‍ब पो लिख्दी: रङ्सेजे स्‍येत लाने कर्‌चेन् ङ्यी टेब मेस्‍ये मर्‌दे बन्‍दीयेब साम्दान ङ्यीजे अन्‍द्रने प्रबदे अम्‍ब पोयू य-ख्यङ्।

प्रकाश 2:1 ပူးပေါင်းရင်းမြစ်များ

मत्ती 18:20

चेनेयलो केने मी ङ्ही या सोम् ङैजे मीन्‍ने रूप् क्‍यूक्क्‍य, हैयाने ङ थमयूजे अन्द्रने क्‍यूक्क्‍य।”

मत्ती 28:20

ङैदे नमयूने आज्ञा चीतेब पोयू टक्कने थमयूने मन्‍देने लोम्मी। होर्‌दे ले, ङ येतार्‌ने, संसारजे आखिरीसेमेने नमयूप्रे क्यूक्‍क्य।”

यूहन्‍ना 5:35

यूहन्‍ना प्‍ल्‍याङ्नब मेस्‍ये ओथ्याङ् बत्तीप्र ख्‍य, मेस्‍ये नमयू ङूजे ओथ्याङ्ने तेदिन आनन्द चेने सूग्‍दे।

मूल स्यूस्स्यायूजे कामजे किताब 18:19

थमयू एफिससने फ्‍योरदे, होर्‌दे पावलदे थमयूने हैयाने पङ्‍गीदेबे रङ्सेब सभा-कीम् त्‍याने क्‍योइदेबे यहूदीयूप्रे स्‍वाल्-जवाफ चीत्दे।

मूल स्यूस्स्यायूजे कामजे किताब 18:21

थमयूप्रे छूर्‌दीब ङूदे यदे, “परमेश्‍वरजे इच्‍छा क्‍यूल्‍लो ङ फेरि नमयूट्‍याने ल्‍वारीय होर्‌दे ङू क्‍यू-जहाजने टदेबे एफिससदे गीलीदे।

मूल स्यूस्स्यायूजे कामजे किताब 19:1

अपोल्‍लोस कोरिन्‍थने ख्यङ्ब नङ्जे नेयू योङ्देबे पावल एफिससने रदे। हैयाने ङूदे कोइ-कोइ स्यूस्स्यायूने तूदे।

२ कोरिन्थी 6:16

मूर्तियूप्रे परमेश्‍वरजे मन्दिरजे चे मतलब? चेनेयलो ङीन ब सोम्‍बो ख्‍यब परमेश्‍वरजे मन्दिर ख्यङ्। परमेश्‍वरदे येरे य ख्यङ्:- “ङ थमयूप्रे टूङ्‍क्य, मेस्‍ये थमयूजे अन्द्रने ती-छो प्रीय, होरदे ङ थमयूजे परमेश्‍वर क्‍यूक्‍क्‍य, मेस्‍ये थमयू ङैजे मीयू क्‍यूक्‍क्‍य।”

प्रकाश 1:16

ङूजे स्‍येत्-लादे कर्‌चेन्‍यू ङ्‍यी चूङ्न ख्‍य, मेस्‍ये पट्टी-ङ्हीने छ्‍यर धर ख्‍यब तरवार ङूजे ङूर्‌दे योङ्न ख्‍य। नो-गूङ्ने प्‍ल्‍यानब मीयाप्र ङूजे त्‍वाये प्‍ल्‍यान ख्‍य।

प्रकाश 1:20

ङैजे स्‍येत लाने नदे तङब अम्‍ब कर्‌चेन् ङ्यी मेस्‍ये मर्‌दे बन्‍दीयेब अम्‍ब साम्दान ङ्यीजे नङ्सू पो येर ख्यङ्: कर्‌चेन् ङ्यीदे मण्डली ङ्यीने लेब-दूतयू जन्‍तीय मेस्‍ये साम्दान ङ्यीदेब मण्डलीयू ङ्यीने जन्‍तीय।”

प्रकाश 12:1

स्वर्गने हार्‌मन्‍देब च्‍यूनू त्‍या तङ्दे: मीयाजे कोला ह्‍वेब मदी त्‍या तङ्दे, ङूजे तोप् नङ्ने लीनी ख्‍य, मेस्‍ये ङूदे टने बाह्र ओटा कर्‌चेन्जे मुकुट कूये ख्‍य।

प्रकाश 2:12

होर्‌दे पर्गाममजे मण्डलीजे दूतने अम्‍ब लिख्दी: पट्टी-ङ्हीने छ्‍यर धर ख्‍यब तरवार टेलबदे अम्‍ब पो य ख्यङ्,

प्रकाश 2:18

होर्‌दे थिआटीराजे मण्डलीजे दूतने अम्‍ब पो लिख्दी: अम्‍ब पो परमेश्‍वरजे चदे य ख्यङ्, ङूजे म्‍या मीजे उम्‍दप्र, ङूजे तोप् टेल्‍कीदीदेबे हीतेब चीरीप्र ख्यङ्।

प्रकाश 2:8

होर्‌दे स्मुर्नाजे मण्डलीजे दूतने अम्‍ब पो लिख्दी: अम्‍ब पो पात्‍ता खूम् मेस्‍ये पात्‍ता ङ्येदे ख्यबदे य ख्यङ्, ङू सीये ख्‍य, मेस्‍ये फेरि सोम्‍बो क्‍यूत्‍दे।

प्रकाश 3:1

सार्डिसजे मण्डलीजे दूतने अम्‍ब पो लिख्दी: परमेश्‍वरजे आत्‍मा ङ्यी मेस्‍ये कर्‌चेन् ङ्यी ख्‍यबदे अम्‍ब पो य ख्यङ्। नैजे काम ङैने था ख्यङ्। न सोम्‍बो क्‍यून्‍नब मीन्त्‍यामे ख्यङ्, तर न सीये ख्यङ्।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।