प्रकाश 19:2 - घले नयाँ करार

² चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 19:2 ပူးပေါင်းရင်းမြစ်များ

प्रकाश 15:3

थमयूदे परमेश्‍वरजे त्वो मोशाजे मेस्‍ये थुमाजे प्रू येरे यदेबे पून्‍न ख्‍य, “पात्‍ता केन् शक्ति ख्यब परमप्रभु परमेश्‍वर, नैजे काम सोरो केन् मेस्‍ये हार्‌मन्‍देत्‍या ख्यङ्। न जात जातजे पात्‍ता केन् मूरूम्, नैजे योजनायू ठीक मेस्‍ये तम्दम् ख्यङ्।

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 18:3

चेनेयलो जात जातजे मीयू क्‍वादेने हम्‍बदे चेब अशुद्ध वेश्य कामजे ची थूङ ख्यङ्, मेस्‍ये पृथ्‍वीने ख्‍यब मूरुम्यूदे ङूप्रे वेश्य काम चे ख्यङ्, होर्‌दे पृथ्‍वीने छोङ् चेब मीयूदे हम्‍ब बेबिलोनने क्‍यूरब मोज-मजादेने फ्‍योबो क्‍यूर प्रे ख्यङ्।”

प्रकाश 6:10

मेस्‍ये थमयूदे के केन् योन्‍देबे पार पूत्‍दे, “पात्‍ता केन् शक्ति ख्‍यब पवीत्र मेस्‍ये सत्य प्रभु, न कलङ्सेमे पृथ्‍वीने ख्‍यबयूजे न्याय अन्‍चील्‍लाबे टूङ? मेस्‍ये कलङ्सेमे ङीने सेबयूजे खी अम्फालाबे टूङ?”