प्रकाश 19:15 - घले नयाँ करार

¹⁵ जात-जातजे मीयूने ट्‍याला चेजे लागि ङूजे ङूर्‌दे छ्‌यरब पार्‌च्‍या त्‍या योङ्‍रीय, मेस्‍ये जङ्जे पीर्‌क चील्‍लीदेबे ङूदे थमयू फ्‍याने राज्‍य चीक्‍क्‍य। होर्‌दे क्‍वेने अङ्‍गुर योन्देबे खू योनप्रने पात्‍ता बोल्यो परमेश्‍वरजे छीजे क्‍वेने ङूदे थमयूने छेय।

प्रकाश 19:15 ပူးပေါင်းရင်းမြစ်များ

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

प्रकाश 1:16

ङूजे स्‍येत्-लादे कर्‌चेन्‍यू ङ्‍यी चूङ्न ख्‍य, मेस्‍ये पट्टी-ङ्हीने छ्‍यर धर ख्‍यब तरवार ङूजे ङूर्‌दे योङ्न ख्‍य। नो-गूङ्ने प्‍ल्‍यानब मीयाप्र ङूजे त्‍वाये प्‍ल्‍यान ख्‍य।

प्रकाश 12:5

का-मुलुक देशजे मीयूने जङ्जे पीर्‌गदे हुकुम चील्‍लेब च त्‍या हम्‍ब मदीदे प्रेत्‍दे। हम्‍ब पीच परमेश्‍वर ट्‌याने प्‍लेकीदेबे परमेश्‍वरजे सिंहासान खूम्‍ने कूदीदे।

प्रकाश 14:10

ङूदेये परमेश्‍वरजे छीजे पीलने चैये अन्‍च्‍यूम्‍लाबे तयार चीदेबे परमेश्‍वरजे छीजे कडा ची थूङ्क्‍य, होर्‌दे पवित्र स्वर्गदूतयू मेस्‍ये थुमाजे खूम्‍ने प्‍ल्‍याङ्नब मी मेस्‍ये गन्‍धकने सकस् पीन्‍क्‍य।

प्रकाश 19:21

होर्‌दे सूजो लम ख्‍यब मीयूब त-फ्‍याने टबजे ङूर्‌दे योङ्‍रब पार्‌च्‍यादे सेक्‍कदे, मेस्‍ये थमयूजे स्‍य ययू क्‍वादेने कलाबे चदे।

प्रकाश 2:12

होर्‌दे पर्गाममजे मण्डलीजे दूतने अम्‍ब लिख्दी: पट्टी-ङ्हीने छ्‍यर धर ख्‍यब तरवार टेलबदे अम्‍ब पो य ख्यङ्,

प्रकाश 2:16

येरेक्‍यूत्‍देबे पश्चात्ताप ची, कादेये अन्‍चीत्‍देयलो ङ नमयू ट्‌याने छ्‌योटोने रीय, मेस्‍ये ङैजे ङूर्‌दे योङरब पार्‌च्‍यादे थमयूप्रे जीङ्क्‍य।

प्रकाश 2:27

मेस्‍ये जङ्जे पीर्‌गदे सजे तीयाँयू पर्‌बेप्र ङूदे थमयू फ्‍याने हक चील्‍लीय, केर्‌बे ङैनेये ङैजे पदे हक चील्‍लीस्ये पीन ख्यङ्।