प्रकाश 18:15 - घले नयाँ करार

¹⁵ अम्‍ब सेयूजे छोङ् चेब मीयूदे हम्‍ब केन् सहरने छोङ् चीत्‍देबे फ्‍योबो क्‍यूर ख्‍य, हम्‍ब सहर फ्‍याने सकस् पर्‌ती रब थमयू फदेबे चीन्‍तङ्ने मेर्‌दे, मेस्‍ये येरे यदेबे थमयूदे के केन् योन्‍देबे ङूय मेस्‍ये रप् चीत्देबे,

प्रकाश 18:15 ပူးပေါင်းရင်းမြစ်များ

मर्कूस 11:17

होर्‌दे येशूदे मीयूने शिक्षा पीन्‍देबे यदे, “च येरे लिख्दीये ते? ‘ङैजे कीम् टक्क मीयूजे प्रार्थना चेब कीम् यदेबे यीय’ तर नमयूदे अम्‍बने खूमान्‌यू टूङ ने चे ख्यङ्।”

मूल स्यूस्स्यायूजे कामजे किताब 16:19

जेम्से मालिकयूदे थमयूजे नोर‌्‌ कमेदेबे लम् मलेब पो था प्रेत्‍देबे थमयूदे पावल मेस्‍ये सिलासने चूङ्देबे बजारजे चोक्ने न्याय चेने हुकुम चील्‍लेबयू ट्‍याने स्‍येङ्‍गीदे।

प्रकाश 18:12

सूदेये थमयूजे मर्‌, चाँदी, रत्‍न, मोती मेस्‍ये मल्‍मल्जे कोलायू, बैजनी कोलायू, रेसम्जे कोला मेस्‍ये चकिलो मल्‍लम् रङ्जे कोलायू, मेस्‍ये साप्‍ता किसिमजे लेमत्‍या बस् रब स्‍यङ्, साप्‍ता किसिमजे हात्तीजे दाह्रादे बन्देब सेयू, मेस्‍ये कूम लू पर्‌देब स्‍यङ्जे, चीरीजे, जङ्जे मेस्‍ये लूङ्‍गार्‌जे सेयू कीन्से त्वो,

प्रकाश 18:13

मेस्ये लेपेछ, मसला, स्‍यूक्‍प, बस् रब मूर्‌गू, धूप कर्‌, ची, मूर्‌गू, ता-यूङ्, ह्‍व, कीत-म्हीयू, स्वान्‌यू, मी-टब तयू, रथयू, त्वो-त्वोमयू मेस्ये मीयूये कीन्‍स्ये त्वो।

प्रकाश 18:14

थमयूदे यीय, “बेबिलोन नैजे सेम्दे मेब ज्‍य सेयू नैट्‌यादे योङ्ये ख्यङ्। सीर्‌-सम्पत्ति मेस्ये मान् गेसेन् क्‍वाने नदे मल्‍क ख्यङ्। जेम्से हम्‍ब फेरि कलङ्बेये प्रेस्‍स्‍ये त्‍वो।”

प्रकाश 18:19

होर्‌दे थमयूदे रङ्से-रङ्से टने धुलो पूत्‍देबे ङूये ङूये मेस्‍ये अन्सूग्देबे बीगन फाये-फाये येरे पारा पूत्‍दे, “होमाइ! होमाइ! हम्‍ब पात्‍ता केन् सहर, हैयाजे समुद्रने क्‍यू जहाज ख्‍यब मीयू क्‍वाने हम्‍ब सहरजे सिर्-‌सम्पत्तिदे फ्‍योबो क्‍यूरे ख्‍य। हम्‍ब खात्याने नाश क्‍यूरे ख्यङ्।

प्रकाश 18:3

चेनेयलो जात जातजे मीयू क्‍वादेने हम्‍बदे चेब अशुद्ध वेश्य कामजे ची थूङ ख्यङ्, मेस्‍ये पृथ्‍वीने ख्‍यब मूरुम्यूदे ङूप्रे वेश्य काम चे ख्यङ्, होर्‌दे पृथ्‍वीने छोङ् चेब मीयूदे हम्‍ब बेबिलोनने क्‍यूरब मोज-मजादेने फ्‍योबो क्‍यूर प्रे ख्यङ्।”