प्रकाश 18:11 - घले नयाँ करार

¹¹ पृथ्‍वीने छोङ् चेबयू हम्‍ब सहरजे लागि ङूय मेस्‍ये अन्सूग्देबे बीगन फाय, चेनेयलो सूदेये थमयूजे छोङ्जे सेयू फेरि कलङ्बेये कीन्‍स्ये त्‍वो,

प्रकाश 18:11 ပူးပေါင်းရင်းမြစ်များ

मत्ती 22:5

“तर थमयूदे ख्यालने अन्चील्‍लाबे त्‍या रङ्सेजे रङ्तेले, सूजो रङ्सेजे छोङ् चेनेतेले गीलीदे।

यूहन्‍ना 2:16

धोङ्‍र सोङब मीयूने ङूदे यदे, “अन्-यादे अम्‍ब सेयू साप्‍ताने कूप। ङैजे पजे कीम्‍ने कीन-सोङ चेब कीम् अन्‍चील्‍लाची।”

२ पत्रुस 2:3

थमयूदे लूच्‍च पोयू यदेब लोभ तन्‍क्‍य, होर्‌दे नमयूप्रे फाइद कीन्‍क्‍य। थमयूदे प्रेब दण्डजे पो खूम्‍ने पक्‍क क्‍यूक्‍क ख्यङ् मेस्‍ये थमयूजे नाश क्‍यूरब पो पक्‍क ख्यङ्।

प्रकाश 18:15

अम्‍ब सेयूजे छोङ् चेब मीयूदे हम्‍ब केन् सहरने छोङ् चीत्‍देबे फ्‍योबो क्‍यूर ख्‍य, हम्‍ब सहर फ्‍याने सकस् पर्‌ती रब थमयू फदेबे चीन्‍तङ्ने मेर्‌दे, मेस्‍ये येरे यदेबे थमयूदे के केन् योन्‍देबे ङूय मेस्‍ये रप् चीत्देबे,

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 18:23

नैजे छोङ् चेब मीयू पृथ्‍वीजे केन्-केन् मीयू ख्‍य, मेस्‍ये नैजे ङा-थूक्‍दे जात-जातजे मीयूने ठग्‍दीक ख्‍य होरेक्‍यूत्‍देबे बेबिलोन‍ने बत्तीजे ओथ्याङ् फेरि कलङ्बेये क्यूस्स्ये त्‍वो, होर्‌दे दुलहा मेस्‍ये पीर्‌-मजे सूगब के कलङ्बेये तस्‍ये त्‍वो।

प्रकाश 18:3

चेनेयलो जात जातजे मीयू क्‍वादेने हम्‍बदे चेब अशुद्ध वेश्य कामजे ची थूङ ख्यङ्, मेस्‍ये पृथ्‍वीने ख्‍यब मूरुम्यूदे ङूप्रे वेश्य काम चे ख्यङ्, होर्‌दे पृथ्‍वीने छोङ् चेब मीयूदे हम्‍ब बेबिलोनने क्‍यूरब मोज-मजादेने फ्‍योबो क्‍यूर प्रे ख्यङ्।”

प्रकाश 18:9

ङूप्रे वेश्य काम चेबयू मेस्‍ये मोज-मजाने टूङब पृथ्‍वीजे मूरुम्यूदे हम्‍ब सहर मीदे भस्सम् चीप्पेब म्यूयूङ् तङ्देबे हम्‍बजे लागि ङूय मेस्‍ये अन्सूग्देबे बीगन फाय।