प्रकाश 18:10 - घले नयाँ करार

¹⁰ हम्‍बदे प्रेब दण्ड तङ्देबे थमयू फदेबे चीन्‍तङ्ने मेर्‌देबे येरे यीय, “होमाइ! होमाइ! पात्‍ता केन् सहर, न शक्तिशाली बेबिलोन! खात्याने नदे प्रे-पर्‌तेब दण्ड नेफ्‍याने पर्‌दीरदे।”

प्रकाश 18:10 ပူးပေါင်းရင်းမြစ်များ

प्रकाश 11:8

कम्‍ब सहरने थमयूजे प्रभु क्रूसने खील् ठोक्‍दीदेबे पील्‍क ख्‍य, हम्‍ब सहर केन्जे लम् ङने थमयूजे लासयू फोल्‍नीय, नमूनाजे रूप्‍ने हम्‍ब सहरजे मीन् सदोम मेस्‍ये मिश्री यीय।

प्रकाश 14:8

होर्‌दे सूजो स्वर्गदूत त्‍या, या दोस्रो स्वर्गदूतब येरे यदेबे ङ्ये-ङ्ये गीली, “पतन क्‍यूरी! जात जातजे मीयूने रङ्सेदे चेब वेश्य कामजे ची थूङ्से पीनब सोरो केन् बेबिलोन सहरजे पतन क्‍यूरी।”

प्रकाश 16:19

होर्‌दे हम्‍ब पात्‍ता केन् सहर भा सोम् क्‍यूत्‍देबे स्‍यायी, मेस्‍ये देश-देश सहरयू टक्कने हूली मेस्‍ये नाश क्‍यूरी। परमेश्‍वरने पात्‍ता केन् बेबिलोन ह्‍वेरदे, मेस्‍ये ङूदे रङ्सेजे सोरो फत्‍या छीदे चीदे फ्‍यायेब पील हम्‍बने थूङ्से पीन्‍दे।

प्रकाश 17:12

“नदे तङब हम्‍ब रूक् च्‍यूब मूरुम्यू च्‍यू ख्यङ्, थमयूदे चूजोसेमे मूरुम् क्‍यूत्‍देबे हुकुम चील्‍ले अम्‍प्रे ख्यङ्। तर थमयूदे हम्‍ब रोलाप्रे तेदिन‍त्‍या मूरुम् क्‍यूत्‍देबे हुकुम चील्‍ले प्रेक्‍क्‍य।

प्रकाश 18:18

मेस्‍ये हम्‍ब पात्‍ता केन् सहर मीदे भस्सम् क्यूरेब म्यूयूङ् तङ्देबे येरे पारा पूत्‍दे, “हम्‍ब पात्‍ता केन् सहरप्र सूजो कम्‍ब सहर ख्यङ् स्‍व?”

प्रकाश 18:19

होर्‌दे थमयूदे रङ्से-रङ्से टने धुलो पूत्‍देबे ङूये ङूये मेस्‍ये अन्सूग्देबे बीगन फाये-फाये येरे पारा पूत्‍दे, “होमाइ! होमाइ! हम्‍ब पात्‍ता केन् सहर, हैयाजे समुद्रने क्‍यू जहाज ख्‍यब मीयू क्‍वाने हम्‍ब सहरजे सिर्-‌सम्पत्तिदे फ्‍योबो क्‍यूरे ख्‍य। हम्‍ब खात्याने नाश क्‍यूरे ख्यङ्।

प्रकाश 18:21

होर्‌दे बेस्‍से शक्ति ख्‍यब स्वर्गदूत त्‍यादे थ्‍वाच्ये रान्‍दाप्र लूङ्त्‍या तो प्‍लेत्‍दे, मेस्‍ये समु‍द्रने येरे यदेबे छापीदे, “येर्‌बेने पात्‍ता केन् सहर‌ बेबिलोन बेस्‍से बोङ्बे छाबीय, मेस्‍ये हम्‍ब सहर‌ फेरि कलङ्बेये तङ प्रेस्‍स्‍ये त्‍वो।

प्रकाश 18:8

‘येरेक्‍यूत्‍देबे तीयानेने सीब पर्‌तेब, शोक् चे पर्‌तेब मेस्‍ये अनिकाल क्‍यूरब सोरो फत्या सकस्यू ङू फ्‍याने रीय। मेस्‍ये प्ल्याङ्नब मीदे ङूने भस्सम् चीक्‍कीय, चेनेयलो ङूजे न्याय चेब परमप्रभु परमेश्‍वर शक्तिशाली ख्यङ्।”