प्रकाश 16:11 - घले नयाँ करार

¹¹ थमयूने सोरो सकस् मेस्‍ये सोरो नब मयू रदेबे स्वर्गने ख्‍यब परमेश्‍वरने थमयूदे ले तप्‍दे। तर थमयू रङ्सेदे चीक्‍कब अन्‍ज्‍य काम क्यादेबे पश्‍चात्ताप चे अन्ङ्‍यीन्।

प्रकाश 16:11 ပူးပေါင်းရင်းမြစ်များ

२ तिमोथी 3:13

तर दुष्‍ट मेस्ये ठग्दे मीयूदे सूजोने ठग्‍दीब रङ्सेये ठग्दीगीय, मेस्ये थमयू झन् थेप् दुष्‍ट क्‍यूप्पीय।

प्रकाश 11:13

हन्‍छ्वाब सूङ्‍गू केन् गीली, मेस्‍ये सहरजे भा च्‍यूने भात्‍या हूली, मेस्‍ये सूङ्‍गू रदेबे हजार ङ्यी मी सेक्‍कदे। सूजो सोम्‍बो ख्‍यबयू फदे मेस्‍ये स्वर्गजे परमेश्‍वरने महिमा पीन्‍दे।

प्रकाश 16:2

होर्‌दे पहिलो स्वर्गदूत गीलीदेबे ङूदे टेल्‍नब पील पृथ्‍वीने फैम्‍पीदे, मेस्‍ये अम्‍बदे चीत्‍देबे हम्‍ब रोलाजे छाप ख्‍यब मीयू, मेस्‍ये हम्‍ब रोलाजे मूर्तिने पूस्‍तेब मीयूने सोरो नब ङ्येत्‍या मयू योङ्‍रदे।

प्रकाश 16:21

होर्‌दे ङ्यील्‍लङ् ङ्यील्‍लङ् किलो क्‍यूरब सोरो फत्‍या केन् केन् सोर्‌बयू मूदे मो-मीयू फ्‍याने तल्‍रदे, मेस्‍ये सोर्‌बदे सोरो फत्या सकस्यू पीन्‍देबे मीयूदे परमेश्‍वरने ले तप्‍दे, चेनेयलो अम्‍ब सकस् सोरोने फत्‍या ख्‍य।

प्रकाश 16:9

मीयूने सोरो ठ्वब मीयाजे रप्दे ल्याकदे, मेस्‍ये हम्‍ब सोरो फत्या सकस्यू फ्‍याने हक ख्‍यब परमेश्‍वरजे मीन्‍जे थमयूदे न पूत्‍दे। तर थमयूदे पश्‍चात्ताप चे अन्ङ्‍यीन् मेस्‍ये परमेश्‍वरने महिमा पीन अन्ङ्‍यीन्।

प्रकाश 2:21

ङैदे हम्‍ब मदीने पश्चात्ताप चेब मौका पीन्‍दे, तर हम्‍ब मदीदे वेश्य काम क्‍यादेबे पश्चात्ताप चे अन्ङ्‍यीन्।