प्रकाश 15:4 - घले नयाँ करार

⁴ ओ परमप्रभु नैप्रे मी-क्‍वाने फ ख्यङ्। होर्‌दे नैजे मीन्‍ने मी-क्‍वादेने महिमा चे ख्यङ्। चेनेयलो नत्‍यामे पवित्र ख्यङ्। जात-जातजे मीयू क्‍वाने रदेबे नने पूस्‍तीय, चेनेयलो नैजे ज्‍य न्याय चेब काम टक्कदेने तङ ख्यङ्।”

प्रकाश 15:4 ပူးပေါင်းရင်းမြစ်များ

रोमी 15:9

मेस्‍ये यहूदी तेब मीयूदे ङूजे कृपा प्रेने परमेश्‍वरजे महिमा चीस्‍स्‍य। येरे लिख्दीये ख्‍य, “येरेक्‍यूत्‍देबे यहूदी तेब मीयूजे अन्‍द्रने ङ नैजे सार्‌या चीक्‍क्‍य, मेस्‍ये नैजे मीन्‍ने जै-जै चीक्‍क्‍य।”

१ पत्रुस 1:16

धर्मशास्‍त्रने येरे लिख्दीये ख्यङ्, “नमयू पवित्र क्‍यूरो, चेनेयलो ङ पवित्र ख्यङ्।”

प्रकाश 11:15

होर्‌देङ्‍येदे ङ्यीफे पलोजे स्वर्गदूतदे रङ्से धूङ्‍कूर्‌ तप ङ्येदे येरे यब केन्-केन् के स्वर्गने तदे, “अम्‍ब संसार क्‍वाने ङीनजे प्रभुजे मेस्‍ये ङूजे ख्रीष्‍टजे राज्‍य क्‍यूर ख्यङ्, मेस्‍ये प्रभुदे येतार्‌ने राज्‍य चीक्‍क्‍य।”

प्रकाश 14:7

होर्‌दे के केन् योन्‍देबे ङूदे यदे, “परमेश्‍वरने गेसेन् ची, ङूने महिमा पीन्, चेनेयलो परमेश्‍वरदे न्याय चेब बील फ्‍योर ख्यङ्। स्वर्ग, पृथ्‍वी, समुद्र मेस्‍ये क्‍यूजे मूरुम्यू बन्देबने स्‍यूव पीन्।”

प्रकाश 16:5

होर्‌दे क्‍यूजे जिम्मा प्रेब स्वर्गदूतदे येरे येनब ङैदे तदे, “नदे न्याय चीप्‍प ठीक न्याय चे ख्यङ्, पवित्र परमेश्‍वर न खूम्‍ये ख्‍य मेस्‍ये चूजोये ख्यङ्। चेनेयलो येर्‌बेने नदे न्याय चे ख्यङ्।

प्रकाश 16:7

होर्‌दे “परमप्रभु परमेश्‍वर पात्‍ता केन् ख्यङ्, नदे चेब न्याय ठीक, मेस्‍ये सत्य ख्यङ्।” यब के त्‍या चाक्‍क्‍यादे योङ्‍रब ङैदे तदे।

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 19:8

पीर्‌मने चकिलो मेस्‍ये सफा मल्मल्जे कोला ह्‍वेजे लागि पीन्‍दे।” चकिलो मल्मल्जे कोलाब परमेश्‍वरजे पवित्र मीयूजे धर्मी काम ख्यङ्।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।

प्रकाश 4:8

हम्‍ब प्राणी स्यीजेने येन् र्‌वा-र्‌‍वा ख्‍य, मेस्‍ये हम्ब येन्‌‍यूजे नङ्ने फीने का-मुलुकने म्‍या-म्‍यादे फ्‍यान ख्‍य। थमयूदे नो-मून् अन्‍रोक्‍तीलाबे येरे यदेबे प्रू पून्‍नीय, “पवित्र, पवित्र, पवित्र परमप्रभु पात्‍ता नङ्ने केन् शक्ति ख्‍यब परमेश्‍वर, ङू खूम्‌ये ख्‍य, चूजोये ख्यङ्, मेस्‍ये ङ्‍येदेये रीय।”

प्रकाश 6:10

मेस्‍ये थमयूदे के केन् योन्‍देबे पार पूत्‍दे, “पात्‍ता केन् शक्ति ख्‍यब पवीत्र मेस्‍ये सत्य प्रभु, न कलङ्सेमे पृथ्‍वीने ख्‍यबयूजे न्याय अन्‍चील्‍लाबे टूङ? मेस्‍ये कलङ्सेमे ङीने सेबयूजे खी अम्फालाबे टूङ?”