प्रकाश 14:8 - घले नयाँ करार

⁸ होर्‌दे सूजो स्वर्गदूत त्‍या, या दोस्रो स्वर्गदूतब येरे यदेबे ङ्ये-ङ्ये गीली, “पतन क्‍यूरी! जात जातजे मीयूने रङ्सेदे चेब वेश्य कामजे ची थूङ्से पीनब सोरो केन् बेबिलोन सहरजे पतन क्‍यूरी।”

प्रकाश 14:8 ပူးပေါင်းရင်းမြစ်များ

प्रकाश 11:8

कम्‍ब सहरने थमयूजे प्रभु क्रूसने खील् ठोक्‍दीदेबे पील्‍क ख्‍य, हम्‍ब सहर केन्जे लम् ङने थमयूजे लासयू फोल्‍नीय, नमूनाजे रूप्‍ने हम्‍ब सहरजे मीन् सदोम मेस्‍ये मिश्री यीय।

प्रकाश 16:19

होर्‌दे हम्‍ब पात्‍ता केन् सहर भा सोम् क्‍यूत्‍देबे स्‍यायी, मेस्‍ये देश-देश सहरयू टक्कने हूली मेस्‍ये नाश क्‍यूरी। परमेश्‍वरने पात्‍ता केन् बेबिलोन ह्‍वेरदे, मेस्‍ये ङूदे रङ्सेजे सोरो फत्‍या छीदे चीदे फ्‍यायेब पील हम्‍बने थूङ्से पीन्‍दे।

प्रकाश 17:18

नदे तङब हम्‍ब मदीब पृथ्‍वीने ख्‍यब मूरुम्यू फ्‍याने हुकुम चील्‍लेब हम्‍ब पात्‍ता केन् सहर ख्यङ्।

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”