प्रकाश 14:2 - घले नयाँ करार

² होर्‌दे होङ् बोङ बीलने योङब केप्र मेस्‍ये मू-प्र्याङ्ब योङ केप्रने, स्वर्गदे के त्‍या योङ्‍रब ङैदे तदे। ङैदे तब हम्‍ब के वीणा तपब मीयूदे तप्‍नब बीणाजे केप्र ख्‍य।

प्रकाश 14:2 ပူးပေါင်းရင်းမြစ်များ

१ कोरिन्थी 13:1

कादेये मीयूदे क्‍यमब मेस्‍ये स्‍वर्गदूतदे क्‍यमब केने ङ क्‍यम्‍लीने, ङैजे सेम्ने प्रेम त्‍वोदे यली, ङैदे क्‍यमब पो सीत्‍तीने तेरब छील्‍लीङ् मेस्‍ये झ्‍याइ झ्‍याइ चेब छ्‌योलोम्प्रत्‍या क्‍यूक्‍क्‍य।

प्रकाश 1:10

प्रभुजे दिनने पवित्र आत्‍मा ङै फ्‍याने र ख्‍य, मेस्‍ये, ङैजे ङ्यलम्दे धूङ्‍कूर्‌जेप्र केन् केत्‍यादे येरे येनब ङैदे तदे,

प्रकाश 1:15

ङूजे तोप्यू प्‍ल्‍याङ्नब मीजे भोप्‍प्रोने खार्‌दीदेबे टल्‍कीदीयेब चीरीस्प्र ख्‍य, मेस्‍ये ङूजे के क्‍यू गीन्‍दी बोङ् बीलने योङब आवाजप्र ख्‍य।

प्रकाश 11:12

होर्‌दे स्वर्गदे येरे यब के केन् त्‍या थमयूदे तदे, “अन्‍तो ख।” मेस्‍ये थमयूजे शत्रुयूदे लेन्‍नूब मूक्‍पने थमयू स्वर्गतेले गीली।

प्रकाश 11:15

होर्‌देङ्‍येदे ङ्यीफे पलोजे स्वर्गदूतदे रङ्से धूङ्‍कूर्‌ तप ङ्येदे येरे यब केन्-केन् के स्वर्गने तदे, “अम्‍ब संसार क्‍वाने ङीनजे प्रभुजे मेस्‍ये ङूजे ख्रीष्‍टजे राज्‍य क्‍यूर ख्यङ्, मेस्‍ये प्रभुदे येतार्‌ने राज्‍य चीक्‍क्‍य।”

प्रकाश 15:2

प्‍ल्याङब मीप्रे च्‍यूम्येब सीसजे समु‍द्रप्र ङैदे तङ्दे। होयाने रोला, मेस्‍ये हम्‍बजे मूर्ति फ्‍याने, मेस्‍ये हम्‍ब रोलाजे मीन्जे नम्‍बर्‌ फ्‍याने ट्‌याबयूदे रङ्से लाने परमेश्‍वरदे पीनब वीणा टेल्‍देबे हम्‍ब सीसजे समुद्र नने मेर्‌न ख्‍य।

प्रकाश 18:22

बीणा तपयूजे, प्रू प्‍वेयूजे, मूरली तपयूजे, मेस्‍ये धूङ्‍कूर्‌ तपयू क्‍वाजे के बेबिलोनने कलङ्बेये तस्‍ये त्‍वो। मेस्‍ये सीप ख्‍यब मीयू कलङ्बेये नेप्रे क्यूस्स्ये त्‍वो, मेस्‍ये रान्‍दा थाब के कलङ्बेये तस्‍ये त्‍वो।

प्रकाश 5:8

कन्‍छ्वाब ङूदे हम्‍ब मूठ लाने कीन्‍दे, हन्‍छ्वाब हम्‍ब सोम्‍बो प्राणी स्यी मेस्‍ये नूस्‍यूदे स्यी धर्म-गुरुयू ङूजे खूम्‍ने पून्‍छ्‌यल् क्‍यूत्‍दे। तपब वीणा मेस्‍ये धूपदे फ्‍यायेब मर्‌जे तीयाँयू थमयू क्‍वाजे लाने ख्‍य, अम्‍बब परमेश्‍वरजे पवित्र मीयूजे प्रार्थना ख्यङ्।

प्रकाश 6:1

कन्‍छ्वाब थुमादे हम्‍ब लग छाप ङ्यी नङ्ने पात्‍ता खूम्‍जे छाप ल्‍वाबेब ङैदे तङ्दे, हन्‍छ्वाब हम्‍ब सोम्‍बो प्राणीयू स्यी नङ्ने त्यादे मू गर्‌जेदेप्र आवाजदे “ख!” यब ङैदे तदे।

प्रकाश 8:7

पहिलो‍जे स्वर्गदूतदे रङ्सेप्रे ख्‍यब धूङ्‍कूर्‌ तप्‍दे। सोर्‌ब मेस्‍ये प्ल्याङ्नब मी काप्रे च्‍यूम्‍देबे रदे, मेस्‍ये पृथ्‍वीने हम्‍ब तल्‍रदे। होर्‌दे हम्‍ब पृथ्‍वीजे भा सोम्‍ने भा त्‍या, तङ्बोयूजे भा सोम्‍ने भा त्‍या मेस्‍ये ङ्येछ्‌याङ् क्‍यून्‍नब रेम्यू क्‍वाने ल्‍यागदे।