प्रकाश 14:17 - घले नयाँ करार

¹⁷ होर्‌दे स्वर्गने ख्‍यब मन्दिर नङ्दे सूजो स्वर्गदूत त्‍या फीने योङ्‍रदे। ङूप्रेये छ्‌यरब कोरे त्‍या ख्‍य।

प्रकाश 14:17 ပူးပေါင်းရင်းမြစ်များ

प्रकाश 11:19

परमेश्‍वरजे स्वर्गने ख्‍यब मन्‍दिरजे ख्‍यो पूक्‍पीदे, मेस्‍ये मन्‍दिर नङ्ने ख्‍यब ङूजे करारजे बेङे तङ्दे। क्‍यूलीङ् क्‍याब तङ्दे। फत्या के मेस्ये मू तेरब केयू तदे। सूङ्‍गू गीली मेस्‍ये सोर्‌ब केन् केन् रदे।

प्रकाश 14:16

येरे मूक्‍प फ्‍याने टूङबदे पृथ्‍वी फ्‍याने रङ्से कोरे चील्‍लीदे, होर्‌दे पृथ्‍वीजे बली खैन्‍दे।

प्रकाश 14:18

होर्‌देङ्येदे प्ल्याङब-मीफ्‍याने हक प्रेब सूजो स्वर्गदूत त्‍या चाक्‍क्‍यदे योङ्‍रदे। होर्‌दे ङूदे के केन् योन्‍देबे हम्‍ब छ्‌यरब कोरे टेलब स्वर्गदूतने यदे, “हम्‍ब नैजे छ्‌यरब कोरे चील्‍लीदेबे, पृथ्‍वीने गूर्‌-गूर्‌ लोनब अङ्‍गुरने चदेबे फूङ् ची, चेनेयलो पृथ्‍वीजे अङ्‍गुरयू क्‍वाने ताये ख्यङ्।”

प्रकाश 16:1

होर्‌दे मन्दिरजे नङ्दे योङ्‍रब के केन् त्‍यादे हम्‍ब स्वर्गदूतयू ङ्यीने येरे येनब ङैदे तदे: “नमयू प्रदेबे परमेश्‍वरजे छीदे फ्‍यानब पील ङ्यी पृथ्‍वीने फैम्‍पी।”

प्रकाश 16:17

होर्‌दे पलो ङ्यीजे स्वर्गदूतदे रङ्सेप्रे टेल्‍नब पील उन्दूफ्‍याने फैम्‍पीदे, मेस्‍ये मन्‍दिरजे सिंहासनदे येरे यब के केन् त्‍या योङ्‍रदे “जेम्से जङ्‍गदे।”