प्रकाश 14:13 - घले नयाँ करार

¹³ होर्‌दे स्वर्गदे रब येर के त्‍या ङैदे तदे, “अम्‍ब लिख्दी: जेम्सेमेस्‍ये प्रभुने विश्‍वास चीत्‍देबे सीबब मीयूदे असी प्रेक्‍क्‍य।” पवित्र आत्‍मादे य ख्यङ्, “अँ, थमयूदे रङ्से रङ्सेजे छेम्प्रेदे सम्च प्रे‍क्क्य, चेनेयलो थमयूदे चेब काम थमयूप्रे-प्रेने प्रीय।”

प्रकाश 14:13 ပူးပေါင်းရင်းမြစ်များ

मत्ती 3:17

हन्‍छ्वाब स्वर्गदे येर आवाज त्‍या तैरदे, “अम्‍ब ङैजे छेब च ख्‍यङ्, ङू तङ्देबे ङ सोरो सूग ख्‍यङ्।”

लूका 16:25

“तर अब्राहामदे यदे, ‘च, याद ची, नदे रङ्से जीयाने ज्‍य-ज्‍य पोयू भोक्‍दीदे, होरप्रने लाजरसदे छरङ्जे-छरङ् त्‍या भोक्‍दीदे। ङू जेम्से अने आरामने ख्यङ्, मेस्‍ये नदेब छरङ् प्रेन्‍न ख्यङ्।

लूका 16:9

ङ नमयूने यीय, रङ्से लागि संसारजे धनदे ख्‍योन्‍यू बन्‍दी, मेस्‍ये कन्‍छ्वाब हम्‍ब धन जेङ्‍गीय, हन्‍छ्वाब थमयूदे नमयूने आनन्द टूङब नेने स्वागत चीस्स्‍य।

रोमी 14:8

कादेये ङीन सूली प्रभूजे लागि सूय मेस्‍ये सीबलीने प्रभूजे लागिने सीबीय। होरेक्‍यूत्‍देबे ङीन सीलीने सूलीने प्रभूजेने ख्यङ्।

१ कोरिन्थी 15:18

होरेयलो ख्रीष्‍टने विश्‍वास चीत्‍देबे सीयेबयूये क्‍वाने नाश क्‍यूरे ख्यङ्।

१ कोरिन्थी 15:20

तर तम्दम्ने परमेश्‍वरदे ख्रीष्‍टने सीयेबदे सोम्‍बो चीम्‍मीक ख्यङ्। सीयेबयू नङ्ने पात्‍ता खूम् सोम्‍बो क्‍यूरब ङूने ख्यङ्।

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

२ कोरिन्थी 5:8

ङीने पक्‍क ख्यङ्, क्‍यूत्‍देयलो ङी अम्‍ब नाश क्यूप्पब ङ्व पोङ्यीदेबे स्वर्गने प्रभुप्रे टूङ्बस्ये मन ख्यङ्।

फिलिप्पी 2:17

नमयूदे परमेश्‍वरने चेर्‌तेब विश्‍वासजे भेटीप्रने ङैदे ङैजे ङ्वजे का बलिजे रूप्‍ने पीन पर्‌तीलीने ङैजे सेम् सूग्क्य, मेस्‍ये नमयू क्‍वाप्रेने ङ सूग्क्य।

१ थेसलोनिकी 4:14

चेनेयलो येशू सीइदेबे फेरि सोम्‍बो क्‍यूत्‍दे यब पो ङीन विश्‍वास चीक्‍क्‍य, मेस्‍ये होरप्रने परमेश्‍वरने विश्‍वास चीत्‍देबे सीयेबयूने येशू रब ङूप्रेने परमेश्‍वरदे कूबीय।

१ थेसलोनिकी 4:16

चेनेयलो प्रभु रङ्सेजे गर्‌जेदेब हुकुमप्रे, पात्‍ता केन् स्‍वर्ग दूतजे आवाज मेस्‍ये परमेश्‍वरजे धूङ्‍कूर्‌जे आवाज प्रे-प्रे स्‍वर्गदे मो तेल्‍लीय, मेस्‍ये ख्रीष्‍टने विश्‍वास चीत्‍देब सीयेबयूने खूम् सोम्‍बो चीत्‍देबे लङ्क्‍य।

१ थेसलोनिकी 5:10

ङीन सोम्‍बो क्‍यून्‍नूलीने या सीबलीने ङीन क्‍वाने ङू प्रेने जीया च खूस्‍य यदेबे ङू ङीनजे लागि सीये ख्यङ्।

१ तिमोथी 5:24

कोइ-कोइ मीयूजे पापब चेलाबे तङब क्‍यूक्‍क्‍य मेस्‍ये थमयू खूम्‍ने गल्‍ती चेब ठर्‌दीय। तर कोइजे पाप ङ्‍येदेम तङ्क्‍य।

१ तिमोथी 5:25

हेरप्रने ज्‍य कामयू चेलाबेने तङ्क्‍य, कम्‍ब तङ अङ्ख्‍व ख्यङ्, हम्‍बये नङ्सू चे अन्खू।

प्रकाश 1:11

“नदे च तङ्न ख्यङ्, हम्‍ब किताब त्याने लिख्दी, होर्‌दे अम्‍ब एफिसस, स्मुर्ना, पर्गामम, थिआटीरा, सार्डिस, फिलाडेल्फिया मेस्ये लाउडिकिया मण्डलीयू ङ्यीनेने चङ्पी।”

प्रकाश 10:4

कन्‍छ्वाब हम्‍ब मू ङ्यीफे गर्‌जेदेब आवाजदे रङ्से-रङ्से आवाज योन्‍दे, ङ लिख्दे मल्‍न ख्‍य, हन्‍छ्वाब स्वर्गदे येरे यब आवाज ङैदे तदे, “हम्‍ब मू ङ्यीफे गर्‌जेदेब आवाजदे यब पोने नङ्सू हीन्, मेस्‍ये हम्‍ब अन्‍लीख्‍दीलाची।”

प्रकाश 11:15

होर्‌देङ्‍येदे ङ्यीफे पलोजे स्वर्गदूतदे रङ्से धूङ्‍कूर्‌ तप ङ्येदे येरे यब केन्-केन् के स्वर्गने तदे, “अम्‍ब संसार क्‍वाने ङीनजे प्रभुजे मेस्‍ये ङूजे ख्रीष्‍टजे राज्‍य क्‍यूर ख्यङ्, मेस्‍ये प्रभुदे येतार्‌ने राज्‍य चीक्‍क्‍य।”

प्रकाश 11:19

परमेश्‍वरजे स्वर्गने ख्‍यब मन्‍दिरजे ख्‍यो पूक्‍पीदे, मेस्‍ये मन्‍दिर नङ्ने ख्‍यब ङूजे करारजे बेङे तङ्दे। क्‍यूलीङ् क्‍याब तङ्दे। फत्या के मेस्ये मू तेरब केयू तदे। सूङ्‍गू गीली मेस्‍ये सोर्‌ब केन् केन् रदे।

प्रकाश 16:17

होर्‌दे पलो ङ्यीजे स्वर्गदूतदे रङ्सेप्रे टेल्‍नब पील उन्दूफ्‍याने फैम्‍पीदे, मेस्‍ये मन्‍दिरजे सिंहासनदे येरे यब के केन् त्‍या योङ्‍रदे “जेम्से जङ्‍गदे।”

प्रकाश 19:9

होर्‌दे हम्‍ब स्वर्गदूतदे ङैने यदे, “अम्‍ब पो लिख्दी, थुमाजे ङ्येन्‍ने भात्यार्‌ चजे लागि निम्‍तो प्रेबयूदे असी प्रेक्‍क्‍य।” ङूदे फेरि ङैने यदे, “अम्‍ब पो परमेश्‍वरजे सत्य वचनयू ख्यङ्।”

प्रकाश 2:1

एफिससजे मण्डलीजे दूतने अम्‍ब पो लिख्दी: रङ्सेजे स्‍येत लाने कर्‌चेन् ङ्यी टेब मेस्‍ये मर्‌दे बन्‍दीयेब साम्दान ङ्यीजे अन्‍द्रने प्रबदे अम्‍ब पोयू य-ख्यङ्।

प्रकाश 2:7

सूजे त ख्‍वब न ख्यङ्, पवित्र आत्मादे मण्डलीयूने यब पो ङूदे चेलाबे ङ्‍यीन्‍स्‍य। सूदे ट्‌याय, स्वर्गने ख्‍यब जीया पीनब तङ्बोजे सी ङैदे हम्‍बयूने चस्‍ये पीन्‍क्‍य।

प्रकाश 20:6

पात्‍ता खूम् सोम्‍बो क्‍यूरबयूप्रे सामेल् क्‍यूरबयू असी प्रेबयू ख्यङ् मेस्‍ये पवित्र ख्यङ्। दोस्रो पोलोने क्‍यूरब मृत्‍यूजे शक्तिदे थमयूने चैत्‍याये चे अन्‍खू, तर थमयू परमेश्‍वरजे मेस्‍ये ख्रीष्‍टजे पूस्‍र्‌या क्‍यूत्‍देबे ख्रीष्‍टप्रे हजार त्‍या वर्षसेमे राज्‍य चीक्‍क्‍य।

प्रकाश 21:5

होर्‌दे सिंहासनने देन् छ्‌यानबदे ङैने यदे, “ले, ङैदे साप्‍ताकूरूने सर् चीक्‍क्‍य।” ङूदे येरेये यदे, “अम्‍ब पोयू लिख्दी, चेनेयलो अम्‍ब पोयू भर्‌पर्‌तेब मेस्‍ये सत्य ख्यङ्।”

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।

प्रकाश 6:11

थमयू क्‍वानेने कोला कर्‌ त्‍या-त्‍या पीन ख्य, थमयूप्रे-प्रे काम फरबयू मेस्‍ये अत-अची च्योन्‌यूये थमयूप्रने सेक्‍क पर्‌तेब संख्या पूरा अन्‍क्‍यूत्‍दासेमे खात्‍यात्‍या गैन-सङ् यदेबे थमयूने यदे।