प्रकाश 14:10 - घले नयाँ करार

¹⁰ ङूदेये परमेश्‍वरजे छीजे पीलने चैये अन्‍च्‍यूम्‍लाबे तयार चीदेबे परमेश्‍वरजे छीजे कडा ची थूङ्क्‍य, होर्‌दे पवित्र स्वर्गदूतयू मेस्‍ये थुमाजे खूम्‍ने प्‍ल्‍याङ्नब मी मेस्‍ये गन्‍धकने सकस् पीन्‍क्‍य।

प्रकाश 14:10 ပူးပေါင်းရင်းမြစ်များ

मत्ती 20:22

तर येशूदे जवाफ पीन्दे, “नमयू च स्‍येन हम्‍ब नमयूदेने अन्स्‍ये। कम्‍ब ढोल्‍कने ङैदे थूङ मल्‍न ख्यङ्, हम्‍ब नमयूदे थूङ खूया?” थमयूदे यदे, “खूइय।”

मत्ती 25:41

“होर्‌देङ्‍येदे ङूदे योन्देयोर् टूङब मीयूने यीय, ‘श्राप प्रेब मीयू! ङैट्‌यादे चीन्तङ् प्र, मेस्‍ये शैतान मेस्ये ङूजे दूतयूजे लागि तयर चीतेब कलङ्बेये अन्सीबब मीने प्र।

मत्ती 26:39

ङू छीत्‍या तीलाने गीलीदे च्येने पून्‍छ्‌याल क्‍यूत्‍देबे प्रार्थना चीत्‍दे, “पाइ, खूदेयलो, अम्‍ब पील ङैट्‌यादे हर्‌दीमी। होरेयली ङैजे इच्‍छाने दी, तर नैजे इच्‍छा अनुसार क्‍यूस्स्‍य।”

मर्कूस 8:38

अम्‍ब पापी मेस्‍ये वेश्य पुस्ताने सूदे ङ मेस्‍ये ङैजे शिक्षाने त्‍वाय, मीजे चदेये पजे महिमा टेल्‍देबे पवित्र स्‍वर्गदूतयूप्रे रब ङूने रङ्से मी यने त्‍वाय।”

मर्कूस 9:44

[नरकने पूयूये कलङ्बेये अन्‍सीब, प्ल्याङ्नब मीये कलङ्बेये अन्‍सीब।]

मूल स्यूस्स्यायूजे कामजे किताब 10:22

थमयूदे यदे, “ङीने अँने कर्नेलियस मीन् ख्यब कप्‍तान त्‍यादे कूल्‍बे ख्यङ्, ङू सोर्‌तो, मेस्ये परमेश्‍वरजे डर येब मी ख्यङ्। यहूदीयू क्वादेने गेसेन् चेब मी ख्‍यङ्, पवित्र स्वर्गदूत त्‍या ङूटयाने रदेबे नने ङूजे कीम्‍ने कोदेबे नैजे अर्ती ङ्यीनब आज्ञा ङूदे प्रे ख्यङ्।”

२ थेसलोनिकी 1:7

मेस्‍ये नम सकस् प्रेबयूने ङीयूप्रे आनन्द क्यूस्‍स्‍ये पीन्क्‍य। अम्‍ब हन्‍छ्वाब क्‍यूक्‍क्‍य, कन्‍छ्वाब प्रभु येशू रङ्सेजे शक्तिशाली स्वर्गदूतयूप्रे प्ल्याङ्नब मीने स्‍वर्गदे रब अम्‍ब टक्कने चीक्‍क्‍य।

यहूदा 1:7

होर्‌प्रने सदोम मेस्ये गमोरा सहरयू मेस्‍ये हम्‍बजे ती-छो ख्‍यब सहरयूजे मीयू वेश्य काम चीत्‍देबे नोङ्बीन ख्यङ्, थमयू कलङ्बेये अन्‍सीबलाबे प्‍ल्‍याङ्नब मीजे दण्ड भोक्‍तीदेबे नमूना क्यूर ख्यङ्।

प्रकाश 15:7

हम्‍ब सोम्‍बो प्राणीयू स्यी नङ्जे त्‍यादे कलङ्नेयली सोम्‍बो क्‍यून्‍नब परमेश्‍वरजे छीदे फ्‍यायेब मर्‌जे पीलयू ङ्यी हम्‍ब स्वर्गदूतयू ङ्यीने पीन्‍दे।

प्रकाश 16:19

होर्‌दे हम्‍ब पात्‍ता केन् सहर भा सोम् क्‍यूत्‍देबे स्‍यायी, मेस्‍ये देश-देश सहरयू टक्कने हूली मेस्‍ये नाश क्‍यूरी। परमेश्‍वरने पात्‍ता केन् बेबिलोन ह्‍वेरदे, मेस्‍ये ङूदे रङ्सेजे सोरो फत्‍या छीदे चीदे फ्‍यायेब पील हम्‍बने थूङ्से पीन्‍दे।

प्रकाश 18:3

चेनेयलो जात जातजे मीयू क्‍वादेने हम्‍बदे चेब अशुद्ध वेश्य कामजे ची थूङ ख्यङ्, मेस्‍ये पृथ्‍वीने ख्‍यब मूरुम्यूदे ङूप्रे वेश्य काम चे ख्यङ्, होर्‌दे पृथ्‍वीने छोङ् चेब मीयूदे हम्‍ब बेबिलोनने क्‍यूरब मोज-मजादेने फ्‍योबो क्‍यूर प्रे ख्यङ्।”

प्रकाश 18:6

ङूदे सूजो मीयूने च चीत्‍दे होरप्रने ङूने ची। ङूदे चेब अन्‍ज्‍य कामजे दोब्बर ङूने ल्‍वाबी। होर्‌दे ङूदे पीलने च पूते ख्‍य हम्‍बजे दोब्बर थेप् कडा ङूजे पीलने पूमी।

प्रकाश 19:15

जात-जातजे मीयूने ट्‍याला चेजे लागि ङूजे ङूर्‌दे छ्‌यरब पार्‌च्‍या त्‍या योङ्‍रीय, मेस्‍ये जङ्जे पीर्‌क चील्‍लीदेबे ङूदे थमयू फ्‍याने राज्‍य चीक्‍क्‍य। होर्‌दे क्‍वेने अङ्‍गुर योन्देबे खू योनप्रने पात्‍ता बोल्यो परमेश्‍वरजे छीजे क्‍वेने ङूदे थमयूने छेय।

प्रकाश 19:20

होर्‌दे हम्‍ब रोला जूङ्‍कदे, मेस्‍ये ङूप्रे-प्रेने ङूजे शक्तिदे हार्‌मन्‍देत्‍या काम चेब लूच्‍च अगमवक्तानेये जूङ्‍कदे। अम्‍ब हार्‌मन्देब काम तन्‍देबे हम्ब लूच्‍च अगमवक्तादेने हम्‍ब रोलाजे छाप प्‍वेब मेस्‍ये हम्‍बजे मूर्तिने पूजा चेबयूने धोका पीन ख्‍य। अम्‍ब ङ्‍ही सोम्‍बो ख्यङ्बने प्‍ल्‍याङ्नब गन्‍धकजे मी-भोप्प्रोने छापीदे।

प्रकाश 20:10

थमयूने धोका पीनब हम्‍ब शैतानने प्‍ल्‍याङ्नब गन्‍धकजे मीजे भोप्‍प्रोने छाबीदे, हम्‍ब रोला मेस्‍ये लूच्‍च अगमवक्ताये हम्‍ब नेने ख्‍य। थमयूदे हम्‍ब नेने नोमून् येतार्‌ने सकस् भोक्‍तीनीय।

प्रकाश 20:14

मृत्‍यू मेस्‍ये पातलने प्‍ल्‍याङ्नब मी भोप्‍प्रोने छाबीदे। अम्‍ब प्‍ल्‍याङ्नब मी भोप्‍प्रोने छाबेब दोस्रो मृत्‍यू ख्यङ्।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।