प्रकाश 13:6 - घले नयाँ करार

⁶ परमेश्‍वरजे विरुद्धने न-प्‍वेने, ङूजे मीन्, ङू टूङब ने, मेस्‍ये स्वर्गने टूङबयू क्‍वाजे न-प्‍वेजे लागि हम्‍बदे रङ्से ङूर्‌ पूक्‍दे।

प्रकाश 13:6 ပူးပေါင်းရင်းမြစ်များ

मत्ती 12:34

ओ र्‌वेजे पीचयू! नमयू अन्ज्‍य ख्यङ्यलो सोरो ज्‍य पो केर्‌बे क्‍यम खूइय? चेनेयलो सेम्ने च ख्‍य हम्‍ब पोयूने ङूर्‌दे योङ्‍रीय।

मत्ती 15:19

चेनेयलो सेम्‍देने अन्‍ज्‍य ह्‍वे चेब, मी सेब, मीजे मजप्रे प्रब, वेश्य काम चेब, ख्‍वब, लूच्‍च गवाही पीनब, मेस्‍ये मीजे बतनम् चेब अन्ज्‍य पोयू फीने योङ्‍रीय।

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

रोमी 3:13

“थमयूजे ङूर्‌ अङ्उप्‍केब तूर्‌सप्र ख्यङ्, थमयूदे रङ्सेजे लीदे लूच्‍च क्‍यम ख्यङ्।” “थमयूजे बोली र्‌वेजे तूक्‍प्र ख्यङ्।”

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

कलस्सी 2:9

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्।

हिब्रू 9:2

परमेश्‍वरने पूस्‍तेबजे लागि पवित्र पाल-कीम् ख्‍य, हम्‍ब पवित्र पाल-कीम्जे पात्‍ता खूम्‍ने ख्‍यब कोठा नङ्ने सामदान, टेबल मेस्‍ये परमेश्‍वरने चेर्‌तीयेब क्‍यङ्यू ख्‍य, हम्‍ब नेने पवित्र ने य ख्‍य।

हिब्रू 9:24

अम्‍ब तम्दम्जे पवित्र पाल-कीम्जे नमूना चीत्‍देबे मीजे लादे बन्‍दीयेब पवित्र नेने ख्रीष्‍ट अन्‍क्‍योइ, तर ङू स्‍वर्ग नङ्ने क्‍योइदे, मेस्‍ये ङू ङीनजे लागि परमेश्‍वरजे खूम्‍ने क्यूर ख्यङ्।

प्रकाश 11:12

होर्‌दे स्वर्गदे येरे यब के केन् त्‍या थमयूदे तदे, “अन्‍तो ख।” मेस्‍ये थमयूजे शत्रुयूदे लेन्‍नूब मूक्‍पने थमयू स्वर्गतेले गीली।

प्रकाश 12:12

येरेक्‍यूत्‍देबे नम स्वर्गने टूङबयू सूग्। तर पृथ्‍वी मेस्‍ये समुद्रने धिक्कार! चेनेयलो रङ्सेजे बील तूनत्‍या ख्यङ् यब था प्रेत्‍देबे शैतान सोरो छी-लङ्देबे नमयू ख्‍यनेने मो र ख्यङ्।”

प्रकाश 15:5

अम्‍ब प्रू प्‍वेजन्‍क ङ्येदे ङैदे लेत्‍दे, मेस्‍ये स्वर्गने ख्‍यब गवाहीजे पल कीम् होङ् क्यूरेब तङ्दे।

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 21:3

होर्‌दे सिंहासनदे येरे यब के केन्त्या ङैदे तदे, ले, “परमेश्‍वरजे टूङ ने मीयूप्रे क्यूर ख्यङ्। परमेश्‍वर थमयूप्रे-प्रे टूङ् ख्यङ्, मेस्‍ये थमयू ङूजे मी क्‍यूक्‍क्‍य, मेस्‍ये परमेश्‍वर थमयूजे परमेश्‍वर क्‍यूत्‍देबे थमयूप्रे टूङ्क्‍य।

प्रकाश 4:1

होर्‌दे ङ्येदे ङैदे लेप्‍प स्वर्गने ख्‍यो त्‍या होङ् क्‍यून्‍नब तङ्दे। ङैदे पात्‍ता खूम् तब आवाज धूङ्‌कूर्‌जेप्र ख्‍य, हम्‍ब आवाजदे ङैप्रे येर्‌बे क्‍यम्‍न ख्‍य- “अन्‍तो ख, होर्‌दे अम्‍ब ङ्येदे च-च क्यूट्‍टीय, हम्‍ब ङ नने तम्‍मीय।”

प्रकाश 4:4

हम्‍ब सिंहासनजे ख्‍यूर्‌ने नूस्‍स्‍यूदे स्यी सिंहासन ख्‍य, मेस्‍ये टने क्‍वब मर्‌जे मुकुटयू मेस्‍ये कोला कर्‌यू ह्‍वेब नूस्‍स्‍यूदे स्यी धर्मजे गुरुयू हम्‍ब सिंहासनयूने टूनब ङैदे तङ्दे।

प्रकाश 5:13

होर्‌दे स्वर्गने, पृथ्‍वीने, पातलने, समुद्र, मेस्‍ये होने ख्‍यब प्राणीयू क्‍वादेने येरे प्रू पून्‍नब ङैदे तदे, “सिंहासनने देन् छ्‌यानबने मेस्‍ये थुमाने जै-जै, गेसेन्, महिमा मेस्‍ये शक्ति येतार्‌ने क्‍यून्‍नूस्‍य।”

प्रकाश 7:15

येरेक्‍यूत्‍देबे, “थमयू परमेश्‍वरजे सिंहासनजे खूम्‍ने ख्यङ्, मेस्‍ये नो-मून् ङूजे मन्दिरने ङूजे सेवा चीन्‍न ख्यङ्, मेस्‍ये सिंहासन्‍ने देन् छ्‌यानब थमयूप्रेप्रे टूङ्देबे रक्षा चीक्‍क्‍य।

प्रकाश 7:9

होर्‌देङ्येदे सूमीदेये चील अन्‍ख्‍वब मी हुल केन् त्‍या ङैदे तङ्दे। थमयूब खलकयू, केयू, मीयू मेस्‍ये जात-जातजे नङ्दे थमयू र-ख्‍य, होर्‌दे थमयू कोला कर् होत्‍देबे लाने खजूर तोङ्बोजे हाँगा टेल्‍देबे सिंहासन मेस्‍ये थुमाजे खूम्‍ने मेर्‌नब ङैदे तङ्दे।