प्रकाश 13:10 - घले नयाँ करार

¹⁰ कादेये कोइ कैदने प्रपर्‌दे ख्यङ्‍यलो हम्ब कैदने प्रीय, तरवारदे सेक्‍क पर्‌देख्यङ्‍यलो हम्बने तरवारदेने सेक्‍कीय। परमेश्‍वरजे पवित्र मीयूदे येर सतनम् रब धेरेन् क्‍यूत्‍देबे विश्‍वास चीन्‍न पर्‌तीय।

प्रकाश 13:10 ပူးပေါင်းရင်းမြစ်များ

मत्ती 26:52

येशूदे ङूने यदे, “नदे रङ्से पार्‌ज्‍या सीम्ने चङ्, चेनेयलो पार्‌ज्‍या टेलब मी क्वाने पार्‌ज्‍यादेने नाश चीक्‍कीय।

मत्ती 7:2

चेनेयलो नमयूदे सूजो मीयूने केर्‌बे दोष लैदीय होर्‌बेने नमयूनेये दोष लैदीय। कम्‍ब नापदे नमयूदे नापदीय, होरप्रने नमयूजे लागिये नापदीय।

लूका 21:19

नमयूदे कूम धेरेन् क्यूत्देबे रेन्लो जीया प्रेक्‍क्‍य।

कलस्सी 1:11

नमयू आनन्द क्यूत्देबे कूम सैदीन ख्‍वब मेस्ये रेन्‍न ख्‍वब क्यूरने परमेश्‍वरदे पीनब महिमाजे शक्ति अनुसार‌ बोल्यो क्यूर यबने ङीजे प्रार्थना ख्यङ्।

हिब्रू 6:12

नमयू सोरो म्‍यास्‍सी क्‍यून्‍नब ङीने सेम् अम्‍पर्‌ती, तर सूदे विश्‍वास चीत्‍दे मेस्‍ये धेरेन् क्‍यूत्‍देबे कबुल चीतेब सेयू प्रेत्‍दे, हम्‍ब मीयूदे चेप्रने नमयूदेये चीदो।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 11:18

जात जातजे मीयू सोरो छी-लङ्दे, तर नैजे छी थमयू फ्‍याने तन्‍दे। सीयेब मीयूजे न्याय चेब बील रदे, नैजे त्वो अगमवक्तायू, परमेश्‍वरजे पवित्र मीयू मेस्‍ये परमेश्‍वरने गेसेन् चेब केन्-चीद मीयूने इनाम पीनब बील, मेस्‍ये पृथ्‍वी नोङबयूने नाश चेब बील रदे।”

प्रकाश 14:12

परमेश्‍वरजे आज्ञायू मन्‍देब मेस्‍ये येशूने विश्‍वास चेब परमेश्‍वरजे पवित्र मीयूदे धेरेन् क्‍यूत्‍देबे टूङ पर्‌दीय यब पो अम्‍ब ख्यङ्।

प्रकाश 16:6

चेनेयलो थमयूदे परमेश्‍वरजे पवित्र मीयूने मेस्‍ये अगमवक्तायूने सेक्‍क ख्यङ्, मेस्‍ये नदे थमयूने का थूङ्से पीन ख्यङ्। हम्‍बजे दण्ड थमयूदे प्रेने पर्‌दे ख्यङ्।”

प्रकाश 17:11

हम्‍ब रोला, मीयूङ् त्‍याफे ख्‍य, तर जेम्सेब त्‍वो, हम्‍बब पलो येत्जे मूरुम् ख्यङ्। हम्‍ब मूरुम्यू ङ्यी नङ्जे मूरुम् त्‍या ख्यङ्, तर हम्‍बजे नाश क्‍यूप्‍पीय।

प्रकाश 17:8

नदे तङब हम्‍ब रोला मीयूङ् त्‍याफे ख्‍य, तर जेम्सेब हम्‍ब रोला त्‍वो, जेम्से येतार्‌ने नाश क्‍यूप्‍पजे लागि हम्‍ब रोला अतल कुण्डदे तो-फीने योङ्‍र मल्‍न ख्यङ्। कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयूदे हम्ब रोलाने तङ्देबे हार्‌मन्‍दीय, चेनेयलो हम्‍ब मीयूङ् त्‍याफे ख्‍य मेस्‍ये हम्‍ब जेम्से त्‍वो, तर फेरि ङ्येदे त्‍याफे योङ्‍रीय।

प्रकाश 2:19

नदे चेब काम, नैजे प्रेम, नैजे विश्‍वास, नैजे सेवा मेस्‍ये धेरेन् क्‍यूत्‍देबे सैदीनब पो ङैने था ख्यङ्। अम्‍ब कामयू नदे मालाङ् यली दीनी ङ्येदे थेप् ज्‍य चे ख्यङ्।

प्रकाश 2:2

नैजे कामयू, नदे चेब छेम्‍प्रे मेस्‍ये न-धेरेन् क्‍यून्‍नब ङैने था ख्यङ्, मेस्‍ये नदे दुष्‍ट मीयूजे विरोध चे ख्यङ् तर थमयू रङ्सेदेब ङी मूल स्यूस्स्या ख्यङ् यीय, तर मूल स्यूस्स्या दी, होर मीयूने जाँचदीदेबे थमयू लूच्‍च ख्यङ् यदेबे नमयूदे पत्‍त प्रेक्‍क ख्यङ् यब पो ङैने था ख्यङ्।

प्रकाश 3:10

धेरेन् क्‍यूत्‍देबे नदे ङैजे आज्ञा मन्‍दे ख्यङ्, होरेक्‍यूत्‍देबे अम्‍ब पृथ्‍वीजे मीयू क्वाने जाँच‍तेजे लागि संसारजे का-मुलुक‍ने सकस् रब बीलने ङ नने जूक्‍तीमीय।

प्रकाश 3:3

येरेक्‍यूत्‍देबे नदे च तदे मेस्‍ये लोम्दे, हम्‍ब पोयू ह्‍वे चीत्‍देबे मन्‍दी मेस्‍ये पश्‍चात्ताप ची। कादेये चङ्‍ख क्‍यूत्‍देबे नदे होस् अन्‍चीदेयलो ङ खूमान्‍प्र रीय, मेस्‍ये ङ कन्‍छ्वाब रीय, हम्‍ब नदे था प्रेस्‍स्‍ये त्‍वो।