प्रकाश 11:18 - घले नयाँ करार

¹⁸ जात जातजे मीयू सोरो छी-लङ्दे, तर नैजे छी थमयू फ्‍याने तन्‍दे। सीयेब मीयूजे न्याय चेब बील रदे, नैजे त्वो अगमवक्तायू, परमेश्‍वरजे पवित्र मीयू मेस्‍ये परमेश्‍वरने गेसेन् चेब केन्-चीद मीयूने इनाम पीनब बील, मेस्‍ये पृथ्‍वी नोङबयूने नाश चेब बील रदे।”

प्रकाश 11:18 ပူးပေါင်းရင်းမြစ်များ

मत्ती 5:12

हन्‍छ्वाब तङ्, मेस्‍ये बेस्‍से सूग्, चेनेयलो स्वर्गने नमयूजे इनाम केन् क्‍यूक्क्‍य। चेनेयलो येर्‌बेने नमयूयली खूम्‍जे अगमवक्तायूने थमयूदे सतनम् चे ख्‍य।

लूका 1:50

ङूने फब मीयू फ्‍याने ङूजे कृपा पुस्ता पुस्तासेमे टूनीय।

हिब्रू 9:27

मीयू क्‍वाने त्‍याफे सीब पर्‌तीय यब पो पक्‍क ख्यङ्, होर्‌दे ङ्‍येदे ङूजे न्याय परमेश्‍वरदे चीक्‍क्‍य।

प्रकाश 10:7

तर कन्‍छ्वाब हम्‍ब दिनयूने ङ्यीफे पोलोजे स्वर्गदूतदे रङ्सेप्रे ख्‍यब धूङ्‍कूर्‌ तब मैय, हन्‍छ्वाब रङ्से त्वो अगमवक्तायूने ङूदे बोङ्बे यप्र परमेश्‍वरजे नङ्सू पो पूरा क्‍यूक्‍क्‍य।

प्रकाश 11:2

तर मन्‍दिरजे फीने ख्‍यब य्‍वेजे नाप अन्‍कीन्‍लाची, चेनेयलो हम्‍ब जात-जातजे मीयूने पीने ख्यङ्, मेस्‍ये थमयूजे तोप्दे ङ्यील्‍लङ्दे ल-ङ्‍हीसेमे पवित्र सहरने च्‍योप्‍क्‍य।

प्रकाश 13:10

कादेये कोइ कैदने प्रपर्‌दे ख्यङ्‍यलो हम्ब कैदने प्रीय, तरवारदे सेक्‍क पर्‌देख्यङ्‍यलो हम्बने तरवारदेने सेक्‍कीय। परमेश्‍वरजे पवित्र मीयूदे येर सतनम् रब धेरेन् क्‍यूत्‍देबे विश्‍वास चीन्‍न पर्‌तीय।

प्रकाश 13:16

होर्‌दे केन् मेस्‍ये चीद, फ्‍योबो मेस्‍ये दूख्प्रे, त्वो-त्वोम मेस्‍ये स्वतन्त्र क्यूक्‍कब मीयू क्‍वाजे स्‍येत्‍लाने या थमयूजे प्‍वेने छाप लैदीने च्योल्दे।

प्रकाश 14:10

ङूदेये परमेश्‍वरजे छीजे पीलने चैये अन्‍च्‍यूम्‍लाबे तयार चीदेबे परमेश्‍वरजे छीजे कडा ची थूङ्क्‍य, होर्‌दे पवित्र स्वर्गदूतयू मेस्‍ये थुमाजे खूम्‍ने प्‍ल्‍याङ्नब मी मेस्‍ये गन्‍धकने सकस् पीन्‍क्‍य।

प्रकाश 15:1

ङैदे स्वर्गने सोरो हार्‌मन्देब सूजो च्‍यूनू त्‍या तङ्दे: स्वर्गदूतयू ङ्यीदे पात्‍ता ङ्‍येजे सोरो फत्या सकस्यू ङ्‍यी टेल ख्‍य, चेनेयलो हम्‍ब सकस्यूने परमेश्‍वरजे छी पूरा क्‍यूक्‍क्‍य ख्यङ्।

प्रकाश 15:7

हम्‍ब सोम्‍बो प्राणीयू स्यी नङ्जे त्‍यादे कलङ्नेयली सोम्‍बो क्‍यून्‍नब परमेश्‍वरजे छीदे फ्‍यायेब मर्‌जे पीलयू ङ्यी हम्‍ब स्वर्गदूतयू ङ्यीने पीन्‍दे।

प्रकाश 18:6

ङूदे सूजो मीयूने च चीत्‍दे होरप्रने ङूने ची। ङूदे चेब अन्‍ज्‍य कामजे दोब्बर ङूने ल्‍वाबी। होर्‌दे ङूदे पीलने च पूते ख्‍य हम्‍बजे दोब्बर थेप् कडा ङूजे पीलने पूमी।

प्रकाश 19:15

जात-जातजे मीयूने ट्‍याला चेजे लागि ङूजे ङूर्‌दे छ्‌यरब पार्‌च्‍या त्‍या योङ्‍रीय, मेस्‍ये जङ्जे पीर्‌क चील्‍लीदेबे ङूदे थमयू फ्‍याने राज्‍य चीक्‍क्‍य। होर्‌दे क्‍वेने अङ्‍गुर योन्देबे खू योनप्रने पात्‍ता बोल्यो परमेश्‍वरजे छीजे क्‍वेने ङूदे थमयूने छेय।

प्रकाश 19:18

नमयूदे मूरुम्यूजे, कप्‍तानयूजे, बेस्‍से बोल्यो मीयूजे, होर्‌दे मी टदेबे प्रब तयूजे, तने टदेबे प्रबयूजे, मेस्‍ये त्वो-त्वोमयूजे, स्वतन्त्र मीयूजे, केन्-चीद मीयू क्‍वाजेने स्‍य चीय।”

प्रकाश 19:5

होर्‌दे सिंहासनदे येरे येनब के त्‍या तैरदे, “नम, परमेश्‍वरने फब केन् चीद, त्वो-त्वोमयू क्‍वादेने ङीन परमेश्‍वरजे सार्‌या ची।”

प्रकाश 20:12

होर्‌दे सीयेब केन्-चीद क्‍वाने सिंहासनजे खूम्‍ने मेर्‌नब ङैदे तङ्दे, मेस्‍ये किताबयू ल्‍वादे। सूजो किताबये त्‍या ल्‍वादे। हम्‍ब किताब जीया प्रेब मीयूजे मीन् थायेब किताब ख्यङ्। हम्‍ब किताबने लिख्दीयेब थमयूजे काम अनुसार‌ सीयेबयूजे न्याय क्‍यूत्‍दे।

प्रकाश 20:15

जीया प्रेब मीयूजे मीन् थाब किताबने सू-सूजे मीन् लिख्दीयेब अम्‍प्रे, हम्‍बयूने प्‍ल्‍याङ्नब मी भोप्‍प्रोने छाबीदे।

प्रकाश 22:12

येशूदे य ख्यङ्, ले, जेम्से ङ छ्‍योट्‍टोने रेन ख्यङ्। रङ्सेदे चेब काम अनुसार‌ मीयू क्‍वानेने पीनब इनाम ङैप्रे ख्यङ्।