प्रकाश 1:1 - घले नयाँ करार

¹ अम्ब प्रकाशजे वचन येशू ख्रीष्‍टजे ख्यङ्। जेम्से छ्‍योट्‍टोने क्यूट्‍टमेब पो परमेश्‍वरदे रङ्सेजे सेवा चेबयूने तम्‍मेजे लागि येशूने पीन्‍दे। अम्‍ब पोयू येशूदे रङ्सेजे दूत कूल्‍पीदेबे रङ्सेजे त्वो यूहन्‍नाने तम्‍मीदे।

प्रकाश 1:1 ပူးပေါင်းရင်းမြစ်များ

यूहन्‍ना 12:49

चेनेयलो ङैदे रङ्सेजे तर्फदे अन्‍क्‍यम्, तर ङैदे च य पर्‌दे मेस्‍ये ङैदे च क्‍यम पर्‌दे यदेबे ङैने कूल्‍बेब प रङ्सेदेने ङैने आज्ञा पीन ख्यङ्।

यूहन्‍ना 15:15

जेम्‍सेमेस्‍ये ङ नमयूने त्वो अन्-‍य, चेनेयलो ङूजे नोबोदे च चीक्‍क्‍य त्वो-त्वोमदे अन्‍स्‍ये। तर ङैदे नमयूने ख्‍योन् य ख्यङ्, चेनेयलो पदे स्‍योम्‍मेब पो ङैदे च तदे होरप्रने हम्‍ब क्‍वाने नमयूने स्‍योम्‍मे ख्यङ्।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 3:32

ङूदे रङ्सेदे तङब मेस्‍ये तब गवाही यीय, होरेयलीने ङूदे यब गवाही सूदेये अम्पत्‍ती।

यूहन्‍ना 8:26

ङैदे नमयूजे बारेने य पर्‌दे मेस्ये न्याय चेपर्‌देब कूम ख्यङ्। तर ङैने कूल्‍बेब सत्य ख्यङ्, मेस्‍ये ङूदे स्‍य्‍वेब पोयू ङ संसारजे मीयूने यीय।”

रोमी 16:25

ङीन परमेश्‍वरजे महिमा चीदे। ङैजे सूगब खबरदे स्य्वेप्रने परमेश्‍वरदे नमयूने बोल्यो चीम्मे खूइय। हम्‍ब ख्रीष्‍ट येशूजे बारेने क्‍यूरब वचनदे नम यहूदी देब मीयूजे लागि जूग्-जूग्मेस्‍येने नङ्सूने फूयेब परमेश्‍वरजे योजना तम्मे ख्यङ्।

गलाती 1:12

चेनेयलो अम्‍ब कोइ मीदे पीन्‍देबे ङैदे प्रेब दी, ङैने अम्‍ब कोइदे लोम्‍मेबये दी, तर येशू ख्रीष्‍ट रङ्सेदेने ङैने अम्‍ब तम्‍मीदे मेस्‍ये ङैदे प्रेत्‍दे।

एफिसी 3:3

परमेश्‍वरदे रङ्सेजे नङ्सू योजना पूक्‍देबे ङैने तम्‍मीदे। अम्‍बजे बारेने ङैदे नमयूने खूम्‍ने चिट्ठी ठून्‍यात्‍या लिख्दीक ख्यङ्।

तीतस 1:1

परमेश्‍वरजे त्वो मेस्ये येशू ख्रीष्‍टजे मूल स्यूस्स्या पावलदे, परमेश्‍वरदे सेलबयूजे विश्‍वास मेस्ये ङूने सेम् पर्‌तेब जीया अनुसार थमयूजे तम्दम्जे ज्ञान थेप् चेने,

प्रकाश 1:19

येरेक्‍यूत्‍देबे नैजे म्‍यादे च तङ्क्‍य, मेस्‍ये चूजो च-ख्यङ्, होर्‌देङ्येदे च-क्यूट्‍टीय, हम्‍ब लिख्दी।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 17:1

हम्‍ब पील ङ्यी टेलब स्वर्गदूतयू ङ्यी नङ्ने स्वर्गदूत त्‍या ङैट्‌याने रदेबे ङैने यदे, “अन्‍छो ख, समुद्रजे क्‍यू फ्‍याने टूनब अन्‍ज्‍य न-मीन् चील्‍लेब हम्‍ब वेश्य मदीने परमेश्‍वरदे केरे दण्ड पीन्‍क्‍य, हम्‍ब ङ नने तम्‍मीय।

प्रकाश 19:10

होर्‌दे ङूने स्‍यूव पीनजे लागि ङ ङूजे तोप्ने पून्‍छ्‌यल् क्‍यूत्‍दे। तर ङूदे ङैने यदे, “नदे येरे चे अन्‍क्‍यूर्‌। ङैये येशूजे गवाही पीनब, न मेस्ये नैजे अत अची च्योन्‌यूप्रने परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्! चेनेयलो येशूजे बारेने पीनब गवाही अगमवाणीजे आत्‍मा ख्यङ्।”

प्रकाश 19:9

होर्‌दे हम्‍ब स्वर्गदूतदे ङैने यदे, “अम्‍ब पो लिख्दी, थुमाजे ङ्येन्‍ने भात्यार्‌ चजे लागि निम्‍तो प्रेबयूदे असी प्रेक्‍क्‍य।” ङूदे फेरि ङैने यदे, “अम्‍ब पो परमेश्‍वरजे सत्य वचनयू ख्यङ्।”

प्रकाश 21:2

होर्‌दे दूलजे लागि पीर्‌मनेप्र ज्‍य चीत्‍देबे परमेश्‍वरदे छ्‌योदेब या पवित्र सहर, सर् यरूशलेम स्वर्गदे मो तल्‍लीनब ङैदे तङ्दे।

प्रकाश 21:9

होर्‌दे हम्‍ब पात्‍ता ङ्‍येजे सोरो फत्या सकस् ङ्यीदे सेम् फ्‍यानब पील ङ्यी टेलब स्वर्गदूतयू ङ्यी नङ्दे स्वर्गदूतत्‍या रदेबे ङैने येरे यदे, “ख, ङ नने थुमाजे मज, ङूजे पीर्‌म तम्‍मीय।”

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,

प्रकाश 22:16

“ङ येशूदे मण्डलीयूजे लागि अम्‍ब गवाही पीनने ङैजे दूत नै-ट्‌याने कूल्‍बे ख्यङ्। ङ दाऊद मूरूम्जे मूल मेस्ये छगूम्-पूर्‌गूम् ख्यङ्, ङ, चकिलो प्‍ल्‍याङब नप्‍मून्‍जे कर्‌चेन् ख्यङ्।”

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 22:8

अम्‍ब पोयू तब मेस्‍ये तङब ङ यूहन्‍ना ख्यङ्। कन्‍छ्वाब ङैदे अम्‍ब पो तदे मेस्‍ये तङ्दे, हन्‍छ्वाब ङैने अम्‍ब पो तम्‍मेब स्वर्गदूतजे तोप्‍ने स्‍यूव पीनने ङ पून्‍छ्‌यल क्‍यूत्‍दे।

प्रकाश 22:9

तर ङूदे ङैने यदे, “नदे येरे चे अन्‍क्‍यूर्‌। न मेस्‍ये अगमवाणी क्‍यमब नैजे अत-च्योन्‌यू होर्‌दे अम्‍ब किताबजे वचन मन्‍देबयूप्रेप्रेजे ङैये परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्!”

प्रकाश 4:1

होर्‌दे ङ्येदे ङैदे लेप्‍प स्वर्गने ख्‍यो त्‍या होङ् क्‍यून्‍नब तङ्दे। ङैदे पात्‍ता खूम् तब आवाज धूङ्‌कूर्‌जेप्र ख्‍य, हम्‍ब आवाजदे ङैप्रे येर्‌बे क्‍यम्‍न ख्‍य- “अन्‍तो ख, होर्‌दे अम्‍ब ङ्येदे च-च क्यूट्‍टीय, हम्‍ब ङ नने तम्‍मीय।”

प्रकाश 5:7

थुमादे खूम सर्‌दीदेबे सिंहासनने देन् छ्‌यानबजे स्‍येत् लादे पीनब हम्‍ब खूस्स्यजे मूठ कीन्‍दे।