फिलिप्पी 3:15 - घले नयाँ करार

¹⁵ विश्‍वास चीत्‍देबे पाको क्‍यूरेब ङीनयू क्‍वाजे सेम् येरप्रने क्‍यूर पर्‌तीय, मेस्‍ये कोइ पोने नमयूजे सेम् सूजो ख्यङ् यलो परमेश्‍वरदे हम्‍बये नमयूने कोलाबे चीम्‍मीय।

फिलिप्पी 3:15 ပူးပေါင်းရင်းမြစ်များ

मत्ती 5:48

स्वर्गने नमयूजे प सिद्ध ख्‍यप्रने नमयूये सिद्ध क्‍यूर पर्‌दीय।”

लूका 11:13

नमयू दुष्‍ट क्यूत्देबेये रङ्से च-चीमीयूने ज्‍य थोकयू पीनब स्‍येय यलो, नमयूजे स्‍वर्गजे पदे ङूप्रे स्‍यब मीयूने कोला थेप चीत्‍देबे पवित्र आत्मा पीन्क्‍य।”

यूहन्‍ना 6:45

‘धर्मशास्त्रने अगमवक्तायूदे येर्‌बे लिख्दीये ख्यङ्, ‘परमेश्‍वरदे मीयू क्‍वानेने लोम्‍मीय।’ येर्‌बे परमेश्‍वर पजे शिक्षा ङ्यीनब मेस्‍ये लोमब क्वाने ङैट्‌याने रीय।

यूहन्‍ना 7:17

परमेश्‍वरजे इच्छा अनुसार काम चेमेब मीयूदे अम्‍ब शिक्षा परमेश्‍वर तेलेदे रब ख्यङ् या ङैजे रङ्सेजे शिक्षा ख्यङ्, हम्‍ब था प्रेक्‍क्‍य।

रोमी 15:1

ङीन विश्‍वासने बोल्‍यो ख्‍यबयूदे रङ्सेने सूग्ला चेब सेम्‌त्‍या अन्‌-येल्‍लाबे विश्‍वासने बोल्‍यो त्वब मीयूनेये ख्‍याल् चे पर्‌दीय।

१ कोरिन्थी 14:20

अत-अची च्योन्‌यू, पीचजेप्र सेम् अन्‍टेल्‍लाची। अन्‍ज्‍य काम अन्‍स्‍येब पीचप्र क्‍यूर्‌, तर पाको मीजेप्र विचार ची।

१ कोरिन्थी 2:6

होरेक्‍यूल्‍लीने ख्रीष्‍टने विश्‍वास चीत्‍देबे पाको क्‍यूरेब मीयूजे अन्‍द्रने ङी बुद्धिजे प्रचार चीक्क्य, तर हम्‍ब बुद्धि अम्‍ब जूग्‍जे मेस्‍ये अम्‍ब जूग्‍जे हुकुम चील्‍लेबयूजे नाश क्‍यूत्‍देबे प्रब बुद्धिप्रये दी।

गलाती 5:10

ङैदे यब पो यली सूजो पो नमयूदे मन्‍दीस्‍ये त्‍वो यदेबे ङ प्रभुने भर् चीक्‍क्‍य। नमयूने पेर्‌तेब सूने ख्यङ्लीने हम्‍बदे सजाइ प्रेक्‍क्‍य।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

कलस्सी 1:28

ख्रीष्‍टने मीयू क्‍वाने पाको चीत्‍देबे परमेश्‍वरजे खूम्‍ने तम्‍मेखूस्‍य यदेबे मीयू क्‍वानेने बोङ्बे आर्‌तीदेबे, मेस्‍ये पूरा बुद्धिने लोम्‍मीलीम् चीत्‍देबे ख्रीष्‍टजे पोयू ङी बोङ्बे स्‍योक्‍क्‍य।

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

१ थेसलोनिकी 4:9

तर अत-अची च्योन्‌यूजे प्रेमजे बारेने सूदेये नमयूने लिख्दे पर्‌देब हर्‌जो त्‍वो, चेनेयलो त्‍यादे सूजोने प्रेम ची यब परमेश्‍वरजे शिक्षा नमयूदे प्रे ख्यङ्।

२ तिमोथी 3:17

येर्‌बे परमेश्‍वरजे मीयू क्‍वादेने साप्‍‍ता ज्‍य कामयू चेलाबे चे ख्‍वब सिद्ध क्‍यूस्स्‍य।

हिब्रू 5:14

क्‍योङ चसेब ता-मीयूजे लागि ख्यङ्। येर मीयूजे दीमागदे येतार्‌ने ज्‍यप्रे अन्‍ज्‍य छूर्‌ते ख्‍वब तालिम प्रेक्‍कब क्‍यूक्‍क्‍य।

१ यूहन्‍ना 2:5

तर सूदे परमेश्‍वरजे वचन मन्‍दीय, तम्दम्‍ने हम्ब मीने ङूजे प्रेम पूरा क्‍यूक्‍क्‍य। ङीन ङूप्रे ख्यङ् यब पो अम्‍बदेने पक्‍क था प्रेक्‍क्‍य।