फिलिप्पी 2:17 - घले नयाँ करार

¹⁷ नमयूदे परमेश्‍वरने चेर्‌तेब विश्‍वासजे भेटीप्रने ङैदे ङैजे ङ्वजे का बलिजे रूप्‍ने पीन पर्‌तीलीने ङैजे सेम् सूग्क्य, मेस्‍ये नमयू क्‍वाप्रेने ङ सूग्क्य।

फिलिप्पी 2:17 ပူးပေါင်းရင်းမြစ်များ

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 21:13

तर पावलदे जवाफ पीन्‍दे, “नमयू येर्‌बे ङूदेबे ङैजे सेम् चैने ङूसे पीन स्व? चेनेयलो प्रभु येशूजे मीन्‍जे कारण कैद प्रपर्‌देत्‍या दी, तर यरूशलेमने सीबनेये ङ तयार ख्यङ्।”

रोमी 12:1

येरेक्यूत्देबे अत-अची च्योन्‌यू, परमेश्‍वरजे कृपाने विचार चीत्देबे ङ नमयूने बिन्ती चीक्‍क्य, नमयूजे आत्मादे पूस्तेजे लागि रङ्से रङ्से ङ्वने पवित्र मेस्ये परमेश्‍वरने सेम् पर्‌तेब लायकजे सोम्बो बलिजे रूप्‍ने चेर्‌तीपी।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

२ कोरिन्थी 12:15

ङ सोरो सूग्‍देबे नमयूजे लागि साप्‍ताने पीन्‍क्‍य, मेस्‍ये ङैजे जीयाये नमयूजे लागि पीन्‍क्‍य। कादेये ङैदे नमयूने कूम प्रेम चीत्‍दे यलो च नमयूदे ङैने छीत्‍या प्रेमचे औ?

२ कोरिन्थी 4:12

येर्‌बे ङीने येतार्‌ने कालजे ङूर्‌ने सबब काम क्यूर ख्यङ्, तर अम्‍बदे चीत्‍देबे नमयूदे जीया प्रे ख्यङ्।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

२ कोरिन्थी 7:4

ङैदे नमयू फ्‍याने सोरो भर्‌परते ख्यङ्। नमयूदे चीत्‍देबे ङ केन् त्‍वे प्रेख्यङ्। नमयूदे ङैजे सेम्‍ने कूम सान्त्वना पीन ख्यङ्। ङीदे कूम सकस्यू प्रेप्‍प ङैजे सेम् सोरो सूग ख्यङ्।

फिलिप्पी 1:20

ङ केर्‌बेनेयली त्‍वा पर्‌तीस्‍ये त्‍वो यदेबे ङैदे केन् इच्छा मेस्ये आशा चे ख्यङ्, तर ङैदे कूम आँट प्रेक्क्य मेस्ये येतारनेप्र चूजो ङ सीली सूलीये ङैजे जीयाने ख्रीष्‍टजे गेसेन् क्यून्‍नीय।

फिलिप्पी 2:18

होरप्रने नमयूये ङैप्रे सूग्‍न पर्‌तीय मेस्‍ये तङ-पर्‌तीय।

फिलिप्पी 2:30

चेनेयलो नमयूदे ङैजे लागि तोङ्मे अम्‍प्रेब काम जेन्‍ला चेने ख्रीष्‍टजे काम फर्‌ब ङू कालजे ङूर्‌सेमेने फ्योइदे।

फिलिप्पी 4:18

ङैदे प्रेपर्‌ते यली थेप्ने प्रेक्‍क ख्यङ्। नमयूदे एपाफ्रोडिटसजे लाने चङ्बेब हम्‍ब दान परमेश्‍वरने सेम् पर्‌तेब, लेम् बस्न रब मेस्‍ये सूग्‍लाबे चेब बलिप्र ङैदे प्रेत्‍देबे बेस्‍से सूग ख्यङ्।

कलस्सी 1:24

जेम्‍से नमयूजे लागि ङैदे छरङ् प्रेल्‍लीने ङ सूग्‍क्‍य, मेस्‍ये ख्रीष्‍टदे भोक्‍ते पर्‌तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्‍तीदे पूरा चीक्‍क्‍य।

१ थेसलोनिकी 2:8

येरेक्‍यूत्‍देबे बेस्‍से कूम प्रेम चीत्‍देबे ङीयूदे नमयूने परमेश्‍वरजे सूगब खबर त्‍यामे दी, तर ङीजे प्राणये पीनने तयार ख्‍य, चेनेयलो नमयू ङीजे लागि सोरो छेब क्‍यूर ख्‍य।

२ तिमोथी 4:6

चेनेयलो ङब बलि क्यूर मल्न ख्यङ्। जेम्‍से नमयूप्रे छूर्‌दीदे प्रब ङैजे दिन ट्‌याराङ् फ्‍योर ख्यङ्।

१ पत्रुस 2:5

येशू ख्रीष्‍टने क्‍यूत्‍देबे नमयूये परमेश्‍वरजे खूम्‍ने सेम् पर्‌तेब आत्‍माजे बलि पीनब पवित्र पूस्‍र्‌या क्‍यूरने नमयू सोम्‍बो पत्‍थर्‌यूप्र क्यूत्‍देबे आत्‍माजे मन्‍दिर बन्‍दीलीम् चीक्‍की।

१ यूहन्‍ना 3:16

ख्रीष्‍टदे ङीनजे लागि रङ्से प्राण पीन्‍दे, अम्‍बदेने प्रेम यब च यदेबे ङीनदे कोय। ङीनदेये रङ्से अत-अची च्योन्‌यूजे लागि रङ्से प्राण पीन पर्‌तीय।