फिलिप्पी 2:16 - घले नयाँ करार

¹⁶ जीया पीनब परमेश्‍वरजे वचनने बोङ्बे चूङ्नू, येरे चील्‍लो ङैदे सीत्‍तीने अन्-ग्येक, मेस्‍ये ङैदे चेब छेम्‍प्रे खेर अङ्‍गीली यदेबे ख्रीष्‍ट रब दिन‍ने ङ केन् त्‍वे खूइय।

फिलिप्पी 2:16 ပူးပေါင်းရင်းမြစ်များ

मत्ती 10:27

ङैदे नमयूने मून्दूङ्ने च यीय, हम्‍ब नमयूदे ओथ्याङ्ने येबी, मेस्‍ये नमयूजे ङ्यलम् नदे च तैय, हम्‍ब कीम्जे धूरीयूदे उर्‌ती प्वी।

लूका 12:8

“ङ नमयूने यीय, सूदे ङैने मीयूजे खूम्‍ने ङैजे प्रभु यदेबे स्वीकार चीक्क्य, ङूने मीजे चदेये परमेश्‍वरजे दूतयूजे खूम्‍दे रङ्सेजे यदेबे स्वीकार चीक्क्य।

यूहन्‍ना 6:63

जीया पीनब परमेश्‍वरजे आत्मा ख्यङ्। अम्‍ब काम मीजे बोङ्दे चेने अङ्ख्‍वब पो ख्यङ्। ङैदे नमयूने यब वचनयू आत्मा मेस्‍ये जीया ख्यङ्।

यूहन्‍ना 6:68

सिमोन पत्रुसदे जवाफ पीन्‍दे, “प्रभु, ङी सू त्‍याने प्र? कलङ्बेये अन्सीबब जीयाजे वचन नैप्रे ख्यङ्,

मूल स्यूस्स्यायूजे कामजे किताब 13:26

“ओ, अब्राहामजे छगूम्-पूर्‌गूम्, मेस्‍ये नमयू नङ्ने परमेश्‍वरने मन्‍देब च्योन्‌यू, अम्‍ब मुक्तिजे खबर परमेश्‍वरदे ङीन क्वाजे लागि चङ्बे ख्यङ्।

१ कोरिन्थी 1:8

ङीनजे प्रभु येशू ख्रीष्‍ट रब बीलने नदे नमयूने दोष त्वब चीम्‍मेने आखिरीसेमेने बोल्‍यो चीत्‍देबे येम्‍मीय।

१ कोरिन्थी 9:26

येरेक्‍यूत्‍देबे उदेश्य त्‍व सीत्‍तीने ङ अन्-ग्य। मूड्कीदे उन्‍दूने खान्‍देब मीदेप्र ङ मूड्कीदे अङ्‍खान्दी।

२ कोरिन्थी 1:14

केर्‌बे दीनी नमयूदे ङीयूने तेतेत्‍यामे स्‍येख्यङ्, होर्‌प्रने ङीनजे प्रभु येशू ल्‍वारब दिनने नमयूदे ङीयूने चेलाबे स्‍येखूइय, मेस्‍ये ङीयूदे नमयूजे लागि केर्‌बे त्‍वे प्रेक्‍क्‍य, होरप्रने नमयूदे ङीयूजे लागि त्‍वे प्रेक्‍क्‍य।

गलाती 2:2

परमेश्‍वरदे य-अनुसार ङ गीलीदे, मेस्‍ये ङैदे यहूदी तेबयूने प्रचार चेब हम्ब सूगब खबर थमयूजे खूम्‍ने स्‍योत्‍दे। तर ङैदे चैजे लागि यदेबे ग्येक ख्य या ग्येबीन ख्यङ् हम्‍ब थेन्‍ने अन्क्यूस्स्य यदेबे अगुवाप्र क्‍यूरबयूने आलाक्के ङैदे अम्‍ब पो स्‍योत्‍दे।

गलाती 4:11

नमयूजे लागि ङैदे चेब छरङ् थेन्‍ने चीन्‍नइ च यदेबे ङैने सूर्‌त रेन ख्यङ्।

फिलिप्पी 1:10

येरेक्‍यूल्‍लोत्‍यामे नमयूदे पात्‍ता ज्‍य च ख्यङ् हम्‍ब स्‍ये खूइय, मेस्‍ये ख्रीष्‍ट रब दिन‍ने शुद्ध मेस्‍ये दोष त्‍वब क्‍यूर खूस्‍य।

फिलिप्पी 1:6

नमयूजे अन्‍द्रने ज्‍य काम सुरू चेब परमेश्‍वर‍देने येशू ख्रीष्‍ट रब दिन‍ने हम्‍ब पूरा चीक्‍क्‍य यदेबे ङैने पक्‍क ख्यङ्।

१ थेसलोनिकी 2:19

कन्‍छ्वाब ङीनजे प्रभु येशू रीय, हन्‍छ्वाब ङूजे खूम्‍ने ङीनजे आशा या सूगब या गेसेन्जे मुकुट चने यली नमयूने ते स्व?

१ थेसलोनिकी 3:5

अम्‍ब कारणदे ङैदे कूम टेम अङ्ख्‍व क्‍यूत्‍देबे नमयूजे विश्‍वास था प्रेने तिमोथीने कूल्‍बे ख्‍य। मीने परिक्षा चेब शैतानदे नमयूने फस्तीबीदेबे ङीदे चीदेब छरङ्, काम अन्‍लादे क्‍यूप्‍पीयीच मन्‍देबे ङीयू सोरो फैन ख्‍य।

हिब्रू 4:12

चेनेयलो परमेश्‍वरजे वचन सोम्‍बो मेस्‍ये काम फर ख्‍वब ख्यङ्, मेस्‍ये पट्टी-ङ्हीदेने छ्‍यर धर ख्‍यब तरवार यली थेप् छ्‌यर ख्यङ्। अम्‍बदे प्राण मेस्‍ये आत्‍माने हम्‍बजे जोर्‌न्‍या जोर्‌न्‍या होर्‌दे नोङ्‍र्‌याजे नङ्ने ख्‍यब स्यीम्ने भा-भा चीत्‍देबे ती-छो भोङ् चेब, सेम्जे पो मेस्‍ये इच्छाने जाँचते खूइय।

१ पत्रुस 1:23

जीया पीनब मेस्‍ये येतार्‌ने टूनब परमेश्‍वरजे वचनदे, नाश क्‍यूत्‍देबे प्रब दी तर कलङ्बेये नाश अन्‍क्‍यूप्पब लूदे पीनब सर्‌ जीया टेल्‍देबे जन्मेदे ख्यङ्।

१ यूहन्‍ना 1:1

हम्‍ब जीया पीनब वचन सुरुमेस्‍येने ख्‍य, हम्‍ब वचन ङीदे तैक ख्यङ्, ङीजे रङ्से म्‍यादेने तङ्‍क ख्यङ्, ङीदे लेत्‍दे मेस्‍ये ङीजे लादे छूत्‍दे,

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।