फिलिप्पी 2:13 - घले नयाँ करार

¹³ चेनेयलो नमयू फ्याने परमेश्‍वरदे येतार्‌ने काम चीन्‍न ख्यङ्। ङूदेने नमयूने ङूजे उदेश‍य पूरा चेने सेम् मेस्‍ये बोङ् पीन्क्य।

फिलिप्पी 2:13 ပူးပေါင်းရင်းမြစ်များ

लूका 12:32

“हुल चीद अम्फलाची! चेनेयलो परमेश्‍वर पदे नमयूने रङ्सेजे राज्‍य पीन्दीङ् रख्यङ्।

लूका 2:14

“पात्‍ताफ्‍याजे स्‍वर्गजे परमेश्‍वरने महिमा, मेस्‍ये पृथ्वीने कम्‍ब मीयूप्रे ङू बेस्‍से सूग ख्यङ्, हम्‍ब मीयूने शान्‍ति!”

यूहन्‍ना 3:27

यूहन्‍नादे जवाफ पीन्‍दे, “परमेश्‍वरदे अम्‍पीन्‍दासेमे मीदे चैसेये प्रे अन्खू।

यूहन्‍ना 6:45

‘धर्मशास्त्रने अगमवक्तायूदे येर्‌बे लिख्दीये ख्यङ्, ‘परमेश्‍वरदे मीयू क्‍वानेने लोम्‍मीय।’ येर्‌बे परमेश्‍वर पजे शिक्षा ङ्यीनब मेस्‍ये लोमब क्वाने ङैट्‌याने रीय।

यूहन्‍ना 6:65

होर्‌दे फेरि ङूदे यदे, “येरेक्‍यूत्‍देबे ङैदे नमयूने य ख्यङ् ‘कादेये पदे ङै ट्‌याने रब सेम् अम्पीन्‍दासेमे सूमीये ङै ट्‌याने र अन्खू।”

मूल स्यूस्स्यायूजे कामजे किताब 11:21

प्रभुजे शक्ति थमयूप्रे ख्य मेस्ये कूम मीयूदे विश्‍वास चीत्‍देबे प्रभुजे स्यूस्स्या क्यूत्दे।

रोमी 12:3

चेनेयलो परमेश्‍वरदे पीनब अनुग्रहदे ङ नमयू खोत्‍तानेने यीय, नमयूजे गज्‍ज्‍य यली थेप् केन् अन्‍त्‍वोल्‍लाची, तर परमेश्‍वरदे पीनब विश्‍वासजे नाप अनुसार रङ्से कर ख्य होरत्‍या रङ्सेने मन्।

रोमी 9:11

मेस्‍ये चोङ्ल्‍यायू ख्‍वाजेने केल्‍रबने, थमयूदे ज्‍य या अन्‍ज्‍य काम चेयली खूम्ने, परमेश्‍वरजे सेलब काम मीयूजे काम लेत्‍देबे दी, तर ङूजे इच्छा अनुसार पक्‍क क्‍यूक्‍क्‍य यदेबे,

रोमी 9:16

येरेक्‍यूत्‍देबे मीदे चेब इच्छा या धम चेब फ्‍याने अम्‍ब भर् अम्‍पर्‌दी, तर परमेश्‍वरजे कृपा फ्‍याने भर् पर्‌दीय।

१ कोरिन्थी 12:6

कामयू कूम थर्‌जे ख्यङ्, तर हम्‍ब परमेश्‍वरदेने क्‍वानेने कूम थर्‌जे काम फरब ख्वब लायकजे चीम्मीय।

१ कोरिन्थी 15:10

तर दीनी ङ कर ख्यङ्, हम्‍ब परमेश्‍वरजे अनुग्रहदेने ख्यङ्, मेस्‍ये ङै फ्‍याने ख्‍यब प्रभुजे अनुग्रह सीत्‍तीने खेर अङ्‍गीली। बरू थमयू क्‍वादेने चेयली थेप् छेम्‍प्रे ङैदे चीत्‍दे। होरेक्‍यूल्‍लीने अम्‍ब ङैदे दी, ङैप्रे ख्‍यब परमेश्‍वरजे अनुग्रहदे ख्यङ्।

२ कोरिन्थी 3:5

चैपोये ङी रङ्सेदे चे ख्यङ् यदेबे पक्‍क रूप्‍ने यजे लागि ङीजे गज्ज्य त्‍वो, तर परमेश्‍वरदे ङीने अम्‍ब गज्ज्य पीन ख्यङ्।

एफिसी 1:11

चेनेयलो साप्‍ता पोने परमेश्‍वरजे योजना मेस्‍ये फैसला क्‍यूर ख्यङ्। परमेश्‍वरदे ङीनने ङूजे खुशीदे ख्रीष्‍टने क्‍यूत्‍देबे रङ्से मी चेने सेल्दे। अम्‍ब योजनाब मीयूङ्ने फैसला चीक्‍क ख्‍य।

एफिसी 1:5

परमेश्‍वरजे इच्‍छा अनुसार ख्रीष्‍ट येशूने क्‍यूत्‍देबे ङूदे ङीनने ङूजे छगूम्-पूर्‌गूम् क्‍यूरने खूम्‍देमेस्‍येने सेल ख्‍य,

एफिसी 1:9

ङूजे पूरा ज्ञान मेस्‍ये बुद्धिने परमेश्‍वरदे रङ्से इच्‍छा पूरा चीत्‍दे मेस्‍ये ख्रीष्‍टने क्‍यूत्‍देबे पूरा चीक्‍क्‍य यदेबे यब नङ्सू योजना ङीनने तम्‍मीदे।

एफिसी 2:8

परमेश्‍वरजे अनुग्रहदेने नमयूदे विश्‍वास चीत्‍देबे उद्धार प्रे ख्यङ्। मेस्‍ये अम्‍ब नमयू रङ्सेदेने धम चीत्‍देबे दी, अम्‍ब परमेश्‍वरदे पीनब बर ख्यङ्-

२ थेसलोनिकी 1:11

अम्‍बकारणदे ङीन्जे परमेश्‍वरदे नमयूने ङूदे क्व अनुसारजे लायकजे जीया चस्‍य, होर्‌दे ङूजे शक्तिदे साप्‍ता ज्य उदेश्य मेस्ये विश्‍वासजे काम पूरा चीम्‍मीस्‍य यदेबे ङी नमयू क्‍वाजे लागि येतार्‌ने प्रार्थना चीन्‍न ख्यङ्।

२ तिमोथी 1:9

परमेश्‍वरदेने ङीनने उद्धार चीम्‍मीदे, रङ्से मी चेने कोदे। अम्‍बब ङीनदे चेब कामदे दी, तर ङूजे रङ्सेजे उदेश्य मेस्‍ये अनुग्रहदे चे ख्यङ्। हम्‍ब ङूदे ख्रीष्‍ट येशूने जूग्‍दे-जूग्‍मेस्‍येने ङीनजे लागि पीने ख्‍य,

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।