फिलिप्पी 1:12 - घले नयाँ करार

¹² अत-अची च्योन्‌यू, तम्दम्‍ने ङै फ्‍याने पर्‌तीरब पोयूदे चीत्‍देबे सूगब खबर कूम मीयूदे ङ्यीन्‍न प्रे-ख्यङ् यब पो नमयूदे था प्रे खूस्‍स्‍य यदेबे ङ मन्‍न ख्यङ्,

फिलिप्पी 1:12 ပူးပေါင်းရင်းမြစ်များ

लूका 21:13

तर नमयूजे लागि हम्‍ब बीलने ङैजे गवाही पीनब ज्‍य मौका क्यूक्क्य

मूल स्यूस्स्यायूजे कामजे किताब 8:4

होर्‌दे हम्‍ब स्वा-स्वा थरेबदे का-मुलुक‍ने गीलीदेबे वचन प्रचार चीत्‍दे।

रोमी 8:28

ङीनदे स्‍ये ख्यङ्, परमेश्‍वरने प्रेम चेब मीयू मेस्‍ये ङूजे इच्छा अनुसार क्‍वब मीयूजे लागि साप्‍ता पोनेने ङूदे भलो चीम्‍मीय।

रोमी 8:37

दी, ङीनने प्रेम चेब ख्रीष्‍टदे ङीनने अम्‍ब साप्‍ता पोयू यली थेप् ट्‌यास्‍ये पीन ख्यङ्।

फिलिप्पी 1:5

चेनेयलो पात्‍ता खूम्‍ब दिन‍दे-छो चूजोसेमे सूगब खबर स्‍य्‍वेबने नमयूदे तोङ्मीन ख्यङ्।

फिलिप्पी 1:7

नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

फिलिप्पी 2:22

तिमोथी कर खालजे मी ख्यङ् यदेबे नमयूदे स्‍येने ख्यङ्, केर्‌बे पने रङ्से चदे तोङ्मीय होरप्रने तिमोथी ङैप्रे क्‍यूत्‍देबे सूगब खबर स्‍य्‍वेब कामने तोङ्मे ख्यङ्।

फिलिप्पी 4:15

सूगब खबर स्‍योत्‍देबे माकेडोनिया पोङ्‍गीब पात्‍ता खूम् नमयूदे त्‍यामे ङैने तोङ्मीदे, सूजो मण्डलीयू सूदेये अन्‍तोङ्मी यदेबे नम फिलिप्पीजे मण्डलीयूने था ख्यङ्,

फिलिप्पी 4:3

ङैप्रे-प्रे काम फरब विश्‍वासी ख्‍योन्, ननेये ङ बिन्‍ती चीक्‍क्‍य, अम्‍ब मदीयूने तोङ्मी, चेनेयलो अम्‍ब मदीयूदे सूगब खबर स्‍य्‍वेब कामने ङैप्रे, क्‍लेमेसप्रे मेस्‍ये जीयाजे किताबने मीन् ख्‍यब सूजो ङै प्रे-प्रे काम फरब ख्योन्‌यूप्रेये सोरो छेम्‍प्रे चीक्‍क ख्यङ्।

१ तिमोथी 2:8

येरेक्‍यूत्‍देबे पतीयूदे का-मुलुकनेने पवित्र ला लङ्देबे छी अन्‍चील्‍लाबे मेस्‍ये स्वाल्-जवाफ अन्‍चील्‍लाबे प्रार्थना चीस्‍स्‍य यब ङ सेम् चीक्‍क्‍य।

२ तिमोथी 2:9

हम्‍ब सूगब खबरजे लागि ङैदे सकस् भोक्‍तीन ख्यङ् मेस्‍ये अपराध चीक्‍कब मीप्र सङ्लोदे ख्‍याये ख्यङ्। तर परमेश्‍वरजे वचन सङ्लोदे ख्‍या अन्खू।

२ तिमोथी 4:17

तर यहूदी तेब मीयू क्‍वादेने ङ्‍यीन प्रेस्‍स्‍य यदेबे प्रभू ङैप्रे-प्रे क्‍यूत्‍दे, मेस्‍ये पूरा रूप्ने वचन प्रचार चेब शक्ति ङैने पीन्‍दे। येर्‌बे ङूदे ङैने डेन्‍याजे ङूरदे जूक्‍दीमीदे।