फिलिप्पी 1:11 - घले नयाँ करार

¹¹ परमेश्‍वरजे महिमा मेस्‍ये सार्‌याजे लागि नमयूजे जीया येशू ख्रीष्‍टदे फल लोस्ये पीनब सोरो ज्‍य स्वभावयूदे फ्यानब क्‍यूस्‍स्‍य।

फिलिप्पी 1:11 ပူးပေါင်းရင်းမြစ်များ

मत्ती 5:16

येरप्रने नमयूजे ओथ्याङ् मीयूजे खूम्‍ने चेम्कीदीस्य, मेस्‍ये नमयूजे ज्‍य काम थमयूदे तङ्स्‍य होर्‌दे स्वर्गने ख्‍यब नमयूजे पजे महिमा क्‍यूस्स्‍य।

यूहन्‍ना 15:16

नमयूदे ङैने अन्‍सेल्, तर ङैदे नमयूने सेल्‍दे मेस्‍ये नमयू प्रदेबे येतार्‌ने क्‍यून्‍नब फल लोलाबे चेने ङैदे भर्‌न चीत्‍दे, येरेचील्‍लो नमयूदे पप्रे ङैजे मीन्‍ने च स्‍येय, हम्‍ब पदे नमयूने पीन्‍क्‍य।

यूहन्‍ना 15:2

ङैप्रे क्‍यून्‍नब हाँगायू नङ्ने कम्‍बदे सी अम्‍पीन् हम्‍ब हाँगाने ङूदे चदेबे छाबीय मेस्‍ये सी ल्‍वब हाँगायू क्‍वानेने थेप् ल्‍वोस्‍य यदेब ङूदे हम्‍ब हाँगाजे टयू टेप्‍पीय।

यूहन्‍ना 15:8

नमयू ङैजे स्यूस्स्या ख्यङ् यदेबे तनने नमयूदे कूम फल पीन्‍देयलो हम्‍ब फलदेने ङैजे पजे महिमा क्‍यूक्‍क्‍य।

रोमी 15:28

येरेक्‍यूत्‍देबे अम्‍ब काम चे चन्‍कमेस्‍ये लङ्ब भेटी थमयूजे लाने पीन्‍देबे नमयू ट्‌याने रदेबे स्‍पेन प्रीय।

रोमी 6:22

तर जेम्से नमयू पाप चेब काम क्‍यापीदेबे परमेश्‍वरजे त्वो-त्वोम क्‍यूर ख्यङ्, होर्‌दे नमयूदे प्रेब फाइदाब पवित्र क्‍यूरब ख्यङ्, अम्‍बदे नमयूने कलङ्बेये अन्सीबब जीया पीन्‍क्‍य।

१ कोरिन्थी 10:31

येरेक्‍यूत्‍देबे नमयूदे या चैनू या थूङ्नू या चने-चील्‍लीने साप्‍ताने परमेश्‍वरजे महिमाजे लागि ची।

२ कोरिन्थी 9:10

लू थरब मीने लू मेस्‍ये चजे लागि चसे पीनब परमेश्‍वरदे नमयूने थरब लू पीन्‍क्‍य, मेस्‍ये हम्‍ब लूने थेप् थेप् चीम्‍मीय, होरदे नमयूने थेप् थेप् पीन ख्‍वब चीम्‍मीय।

एफिसी 1:12

ङीन जतीदे ख्रीष्‍ट फ्‍याने मीयूङ्ने भर् ये ख्यङ्, परमेश्‍वरदे रङ्से महिमाजे लागि जै-जै चेने सेल्‍दे।

एफिसी 1:14

परमेश्‍वरजे रङ्से सम्पत्ति, या ङीनयूदे ङीनजे पूरा उद्धार अम्‍प्रेत्‍दासेमे ख्रीष्‍टजे महिमाजे जै-जै चेजे लागि पवित्र आत्मा ङीनजे हक प्रेबजे बैना ख्यङ्।

एफिसी 2:10

ङीन ज्‍य कामजे लागि ख्रीष्‍ट येशूने क्‍यूत्‍देबे बन्‍दीयेब ङूजे लाजे सीप ख्यङ्। ङीन हम्‍ब अनुसार प्रस्‍य यब कारणदे परमेश्‍वरदे खूम्‍देमेस्‍येने हम्‍ब तयार चीदे ख्‍य।

एफिसी 5:9

चेनेयलो पीरीपीरीजे भलो चेब, न्याय मेस्‍ये सत्य पोब ओथ्याङ्जे फल ख्यङ्,

फिलिप्पी 4:17

ङैदे नमयूट्‍यादे सूजो दान प्रेने दी, तर नमयूदे पीनब दानजे कारणदे परमेश्‍वरदे नमयूने इनाम पीन्स्य मन ख्यङ्।

कलस्सी 1:10

येरे ङूने बेस्‍से सूग्‍ला चेने नमयूदे प्रभुने सेम् पर्‌देब जीया चदेबे सोरो ज्‍य कामयूने फलीफप् क्‍यूत्‍देबे परमेश्‍वरजे ज्ञानने नमयू बोल्यो क्‍यूक्‍के खूस्‍स्‍य।

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

२ थेसलोनिकी 1:12

चेनेयलो ङीनजे परमेश्‍वर मेस्‍ये प्रभु येशू ख्रीष्‍टजे अनुग्रह अनुसार ङीनजे प्रभु येशूजे मीन् नमयूने महिमीत क्यूस्स्य, मेस्‍ये होरप्रने नमयूये ङूने महिमीत क्यूस्स्य।

तीतस 3:14

ङीनजे मीयू ज्‍य काम चेब लोम्स्‍य, येर्‌बे सोरो हर्‌जो पर्‌तेब बीलने थमयूदे सूजोयूने तोङ्मे खूस्‍य। थमयू चेकम्तेब जीया च अम्पर्‌तीस्य।

हिब्रू 12:11

सूधारतेजे लागि दण्डयू पीम्ब खूम्ब ज्‍य अन्‍थे, तर सकस् क्‍यूक्‍क्‍य, होर्‌देङेयेदे सकस्दे खार्‌तीकयूजे लागि हम्‍ब सकस्दे धर्मी जीयाजे लागि शान्‍तिजे इनाम प्रेब चीम्‍मीय।

१ पत्रुस 2:12

यहूदी तेब मीयूजे अन्‍द्रने नमयूजे आनि-बानी सोरो ज्‍य क्‍यूस्‍स्‍य। कोइदे नमयूने अन्‍ज्‍य काम फरब मीयू यदेबे नमयूजे विरुद्ध चीत्‍देबे क्‍यम्‍लीने, थमयूदे नमयूजे सोरो ज्‍य कामयू तङ्स्‍य, मेस्‍ये परमेश्‍वर न्याय चेने रब दिनने थमयूदे परमेश्‍वरजे महिमा चीस्‍स्‍य।

१ पत्रुस 2:5

येशू ख्रीष्‍टने क्‍यूत्‍देबे नमयूये परमेश्‍वरजे खूम्‍ने सेम् पर्‌तेब आत्‍माजे बलि पीनब पवित्र पूस्‍र्‌या क्‍यूरने नमयू सोम्‍बो पत्‍थर्‌यूप्र क्यूत्‍देबे आत्‍माजे मन्‍दिर बन्‍दीलीम् चीक्‍की।

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।

१ पत्रुस 4:14

कादेये ख्रीष्‍टजे मीन्‍ने नमयूदे विश्‍वास चेब क्‍यूत्‍देबे मीयूदे न-पूक्‍ययलो नमयूदे असी प्रेक्‍क्‍य, चेनेयलो महिमा ख्‍यब परमेश्‍वरजे आत्‍मा नमयूप्रे टूङ्क्‍य।