मर्कूस 7:2 - घले नयाँ करार

² येशूजे कोइ स्यूस्स्यायूदे अशुद्ध या ला अन्‍ठूलाबे चसे चेनब थमयूदे तङ्दे।

मर्कूस 7:2 ပူးပေါင်းရင်းမြစ်များ

मत्ती 15:2

“नैजे स्यूस्स्यायूदे मेमेयूजे छ्‌यप् चेने अम्‍मन्‍दे? चेनेयलो थमयू चसे च यली खूम् रङ्से ला अन्‍ठू।”

मर्कूस 7:5

होर्‌दे फरिसीयू मेस्‍ये यहूदी पन्‍डेयूदे येशूने लोत्‍दे, “मेमेयूदे चीदेब पेने नैजे स्यूस्स्यायूदे चेने अम्‍मन्‍दे, मेस्‍ये ला अन्‍ठूला चेने च?”

लूका 11:38

तर ङूदे कङ् चयली खूम् ला अन्‍ठ्वब तङ्देबे हम्‍ब फरिसी छाक्‍के पर्‌दीकदे।

मूल स्यूस्स्यायूजे कामजे किताब 10:28

होर्‌दे पत्रुसदे थमयूने यदे, “सूजो जात‍जे मीयूप्रे यहूदीयूदे सङ्गत चेने, या थमयूने त्‍वने प्रब यहूदीजे लागि कोला अन्ज्‍य क्यूक्क्य यब पो नमयूने थाने ख्यङ्, होरनेयली परमेश्‍वरदे ङैने कम्‍ब मीनेये पवित्र त्वब या अशुद्ध अम्‍मन्‍लाची यदेबे तन ख्यङ्।

मूल स्यूस्स्यायूजे कामजे किताब 11:8

“तर ङैदे यदे, ‘अँह प्रभु, पवित्र त्वब अशु‍द्ध चैसेये ङैजे ङूर्‌ने कलङ्बेये अन्चङ ख्‍यङ्।’

रोमी 14:14

ङ प्रभू येशूप्रे क्‍यूरब कारणदे, चसेयू रङ्सेदेने चूर अन्‍क्‍यूर यब पो पक्क ख्यङ्, तर सूदे हम्‍ब चसे चूर मन्‍क्‍य, ङूने हम्‍ब चसे चूर क्‍यूक्‍क्‍य।

हिब्रू 10:29

नमयू रङ्सेदेने ह्‍वे ची: परमेश्‍वजे चने तोप्दे छ्‌यब, रङ्सेने पवित्र चीम्‍मेब करारजे काने अशुद्ध चेब मेस्‍ये अनुग्रह पीनब आत्‍माजे न प्‍वेब मीयूदे झन् सोरो अन्‍ज्‍य दण्‍ड प्रेब क्‍यूक्‍क्‍य।

प्रकाश 21:27

तर थुमाजे जीयाजे किताबने मीन् लिख्दीयेबयू त्‍यामे होने क्‍योब प्रेक्‍क्‍य, सूजो अशुद्ध सेयू, ङ्येत्‍या काम फरबयू, लूच्‍च क्‍यमबयू कम्‍ब तर्‌तीप्‍देये हम्‍ब सहर नङ्ने क्‍योब प्रेस्‍स्‍ये त्‍वो।