मर्कूस 5:7 - घले नयाँ करार

⁷ होर्‌दे ङूदे के योन्देबे यदे, “ओ पात्‍ता केन् परमेश्‍वरजे च येशू, ङैने नदे च चे मे? ङ परमेश्‍वरने कसम चदेबे नने बिन्‍ती चीक्‍क्‍य ङैने छरङ् अम्‍पीन्‍लाची।”

मर्कूस 5:7 ပူးပေါင်းရင်းမြစ်များ

मत्ती 16:16

सिमोन पत्रुसदे जवाफ पीन्‍दे, “न सोम्‍बो परमेश्‍वरजे च ख्रीष्‍ट ख्यङ्।”

मत्ती 26:63

तर येशू पारा अम्‍पूल्‍लाबे टूङ्दे। पात्‍ता केन् पूस्‍र्‌यादे ङूने यदे, “सोम्‍बो परमेश्‍वरजे मीन्‍ने कसम चदेबे यीय, ङीने स्‍य्‍वे, न परमेश्‍वरजे च ख्रीष्‍ट औ?”

मत्ती 4:3

हन्‍छ्वाब जाँच चेब शैतान येशू ट्‌याने रदेबे यदे, “न परमेश्‍वरजे च यलो अम्‍ब लूङ्‍यूने क्‍यङ् क्‍यूर् यदेबे आज्ञा पीन्।”

मत्ती 8:29

थमयूदे येरे यदेबे पारा पूत्‍दे, “ओ परमेश्‍वरजे च, ङीयूप्रे नैजे चेकाम? ङीजे न्याय चेब बील अन्‍क्‍यूट्‍टबने न ङीयूने छरङ् पीनने अयाने रऔ?”

मर्कूस 1:24

हम्‍ब मीदे येरे यदेबे पारा पूत्‍दे, “नासरतजे येशू, नदे ङीने च चे मे? न ङीने नाश चेने र औ? न परमेश्‍वरजे पवित्र च यदेबे ङैदे स्‍ये ख्यङ्।”

मर्कूस 14:61

तर येशू पारा अम्पूल्लाबे टूङ्दे, मेस्‍ये चै जवाफ ये अम्‍पीन्। फेरि पात्‍ता केन् पूस्‍र्‌यादे येशूने लोत्‍दे, “न क्‍वादेने मन्‍देब परमेश्‍वरजे च ख्रीष्‍ट औ?”

मर्कूस 3:11

कन्‍छ्वाब अशुद्ध आत्मायूदे ङूने तङ्दे, हन्‍छ्वाबने ङूजे खूम्‍दे पून्‍छ्‌यल् क्‍यूत्‍देबे येरे पारा पूत्‍दे, “न परमेश्‍वरजे च ख्यङ्।”

मर्कूस 5:6

होर्‌दे कन्‍छ्वाब ङूदे येशूने चीन्तङ्देने तङ्दे हन्‍छ्वाबने छो ग्येरदे, मेस्‍ये येशूने स्‍यूव पीन्‍दे।

मर्कूस 5:8

चेनेयलो येशूदे ङूने, “ओ अशुद्ध आत्मा, हम्‍ब मी नङ्ने अन्टूङ्लाबे फीने योङ्‌ख यदेबे य ख्‍य।”

लूका 1:32

ङू पात्‍ता केन् क्यूक्क्य, मेस्‍ये पात्‍ता केन् परमेश्‍वरजे च यीय, मेस्‍ये परमप्रभु परमेश्‍वरदे ङूने ङूजे मेमे दाऊद मूरुम्जे सिंहासन पीन्क्‍य।

लूका 4:34

“येशू नासरी, नैजे ङीप्रे चे काम? न ङीयूने नाश चेने रऔ?, न परमेश्‍वरजे पवित्र मी यदेबे ङैने था ख्यङ्।”

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

लूका 8:28

ङूदे येशूने तङ्दे, मेस्‍ये के योन्देबे ङूजे खूम्‍ने पून्‍छ्‌यल् क्‍यूत्‍देबे के केन् योन्‍देबे यदे, “ओ पात्‍ता फ्‍याजे परमेश्वरजे च येशू, नैजे ङैप्रे चे काम? बिन्‍ती चीक्‍क्य, ङैने सतनम् अन्‍चील्‍लाची।”

यूहन्‍ना 20:31

तर येर लिख्दीये ख्यङ्, यी नमयूदे येशू परमेश्‍वरजे च मुक्ति पीनब ख्रीष्‍ट ख्यङ् यदेबे विश्‍वास ची, मेस्‍ये विश्‍वास चेबदे ङूजे मीन्‍ने नमयूदे जीया प्रेस्‍स्‍य।

मूल स्यूस्स्यायूजे कामजे किताब 16:17

हम्‍ब मदी पावलप्रे ङीजे ङ्‍ये-ङ्‌ये रदे मेस्‍ये येरे यदेबे पारा पूत्‍दे, “अम्‍ब मीयू पात्‍ता केन् परमेश्‍वरजे सेवा चेबयू ख्यङ्। थमयूदे नमयूने मुक्तिजे बारेने स्‍योन्‍न ख्यङ्।”

मूल स्यूस्स्यायूजे कामजे किताब 19:13

तर कोइ-कोइ तीछो ट्वाब यहूदी ङा-थूक् चेबयूदे छेत्-आत्मा लादीकब मीयूने प्रभु येशूजे मीन् गोम्‍देबे येरे यदे, “पावलदे प्रचार चेब येशूजे मीन्‍ने ङ नने योङ्ब यदेबे आज्ञा चीक्‍क्‍य।”

मूल स्यूस्स्यायूजे कामजे किताब 8:36

होर्‌दे थमयू लम्‍ने प्रेनूब छीत्‍या क्‍यू ख्‍य नैत्‍याने फ्‍योरदे। हम्‍ब नपुंसकदे यदे, “ले, अने क्‍यू टूङ्, ङैने बप्‍तिस्मा पीनने चेदे रोक्‍ते खूइय?”

रोमी 16:20

शान्ति पीनब परमेश्‍वरदे छ्‌योटो शैतानने नमयूजे तोप् त्‍यङ्दे प्‍लीक्‍य। ङीनजे प्रभू येशू ख्रीष्‍टजे अनुग्रह नमयूप्रे क्यूस्स्य।

हिब्रू 2:14

हम्‍ब च-चीमीयू स्‍य-काजे ङ्व क्‍यूरबदे येशूये थमयूप्रने स्‍य-काजे ङ्व टेल्‍देबे जन्मीदीदे, येर्‌बे ङू रङ्से सीबदेबे, सीबला चेब शक्ति ख्‍यब शैतानने ङूदे नाश चीस्‍स्‍य,

हिब्रू 7:1

अम्‍ब मल्‍कीसेदेक शालेमजे मूरुम् मेस्‍ये पात्‍ता केन् परमेश्‍वरजे पूस्‍र्‌या ख्‍य। मूरूमयूने ट्‌यादेबे अब्राहाम ल्‍वारीनूब मल्‍कीसेदेकदे ङूने तूदेबे असी पीन्‍दे।

याकूब 2:19

तीत्‍यात्‍या परमेश्‍वर ख्यङ् यदेबे नमयूदे विश्‍वास चे ख्यङ् यलो, अम्‍ब पो सोरो ज्‍यने, छेत् आत्‍मायूये विश्‍वास चीक्‍क्‍य मेस्‍ये फदे स्‍य लूतूतू फ्रीक्‍क्‍य।

२ पत्रुस 2:4

परमेश्‍वरदे पाप चेब स्‍वर्गदूतयूनेये अन्‍क्यापी, तर थमयू नरकने छाबीदे, मेस्‍ये न्याय चेब दिनसेमेजे लागि सङ्लोदे ख्‍यादेबे नरकजे मून्‍दूङ्ने हीदे ख्यङ्।

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

यहूदा 1:6

रङ्सेने कन्‍छ्वा हक पीने ख्‍य हम्‍बयली फीने टूङ्देबे रङ्से टूङब ने पोङ्देबे प्रब स्वर्गदूतयूनेये ङूदे न्यायजे दिनने दण्ड पीनने कलङ्बेये प्‍लीम्ब अम्‍प्रेल्‍लाबे ख्‍यादेबे मून्‍दूङ्ने स्योप्के ख्यङ्।

प्रकाश 12:12

येरेक्‍यूत्‍देबे नम स्वर्गने टूङबयू सूग्। तर पृथ्‍वी मेस्‍ये समुद्रने धिक्कार! चेनेयलो रङ्सेजे बील तूनत्‍या ख्यङ् यब था प्रेत्‍देबे शैतान सोरो छी-लङ्देबे नमयू ख्‍यनेने मो र ख्यङ्।”