मर्कूस 4:7 - घले नयाँ करार

⁷ कोइ लूब चोपोङ्‌यू नङ्ने थरी, चो पोङ्‌यू ठोङ्‌रदे मेस्‍ये आबा लूयू उप्कीदे, होर्‌दे हम्‍ब आबा लूयूने चैसेये अन्‍लो।

मर्कूस 4:7 ပူးပေါင်းရင်းမြစ်များ

मत्ती 13:22

चो पोङ्जे नङ्ने पर्‌तीयेब लूजे अर्थ अम्‍ब ख्यङ्। थमयूदे परमेश्‍वरजे वचन ङ्यीन्देबेये अम्‍ब संसारजे सूर्‌त, मेस्‍ये सीर-सम्पत्तिजे मायादे हम्‍ब वचनने चेलाबे काम चीस्‍से अम्‍पीन्, मेस्‍ये हम्‍बदे चै फलये पीन अङ्‍खू।

मत्ती 13:7

सूजो लूयू चोपोङ्यू नङ्ने पर्‌दीयी, तर चोपोङ्यू ठोङ्‍रदेबे हम्‍बने चेलाबे ठोङ्से अम्‍पीन् चीत्‍दे।

मत्ती 13:8

सूजो लू ज्य-सने पर्‌दीइ, मेस्‍ये कोइ लूदे सैत्‍या, कोइ लूदे सोम्‍लङ्, कोइ लूदे सूम्‍च्‍यूगुणा थेप् से ल्‍वोदे।

मर्कूस 4:6

मीया कूम चोर्‌को रब हम्‍ब लू आबायू मीयादे ठोकदे, छ मामो नङ्सेमे अन्‍च्‍वबदे लू आबायू खरी।

मर्कूस 4:8

तर कोइ लू स ज्‍यने थरी, मेस्‍ये फीत्‍दे ठोङ्‌रदेबे सूम्‍च्‍यू, सोम्‍लङ्, मेस्‍ये सै-गुणा से लोदे।”

लूका 12:15

येशूदे थमयूने यदे, “होस्स्यार क्‍यूर्, लोभ रब सेयूप्रे चीन्‍तङ् टूङ्, चेनेयलो मीजे जीयाने ङूजे धन-सम्पत्ति कोलाने ख्यङ्लीने हम्‍बदे तम्दम् जीयाब अम्पीन्।”

लूका 21:34

“तर नमयू रङ्से बारेने होस्स्यार क्‍यूर्, न आनन्द-टूङ, ची, नादू थूङ प्रे अम्‍ब जीयाजे सूर्‌तदे नमयूजे सेम् प्लीक्कने, मेस्‍ये यूयूप्र त्‍याफेने हम्‍ब दिन नमयूफ्‍याने रने।

लूका 8:14

चो पोङ्‌यूजे अन्‍द्रने पर्‌दीयेब थमयू ख्यङ्, ङूदे ङ्‌यीन्क्‍य, तर ङ्‍येदे अम्‍ब जीयाजे चिन्‍ता, धन, सूख-टूङने पल्‍गीदीदेबे ठोङ अम्‍प्रे, मेस्‍ये ङूजे फल ता अम्प्रे।

लूका 8:7

कोइ लू चोपोङ्ने पर्‌दीइ, लूप्रे चोपोङ्ये ठोङ्‌रदे, मेस्‍ये हम्‍बने ठोङ्से अम्‍पीन्।