मर्कूस 13:9 - घले नयाँ करार

⁹ “नमयू रङ्से चेलाबे होस्स्यार क्‍यूर्‌, चेनेयलो थमयूदे नमयूने अड्‌डने चूङ्देबे कूबीय होर्‌दे सभा-कीम्‌यूने कूबदेबे खान्‍दीय। हाकिमयू प्रे मूरुम्यूजे खूम्‍ने मेर्‌स्‍ये पीन्‍क्‍य। नमयूदे थमयूने ङैजे बारेने गवाही पीन पर्‌दीय।

मर्कूस 13:9 ပူးပေါင်းရင်းမြစ်များ

मत्ती 5:22

तर ङ नमयूने यीय, सू-सूदे रङ्से अत-च्‍योन्प्रे छी चीक्‍क्‍य, ङूने मारङ् क्‍याय, मेस्‍ये सूदे रङ्से अत-च्‍योन्‍ने अन्‍ज्‍य चीक्‍क्‍य, ङूदे पात्‍ता केन् सभाने जवाफ पीन पर्‌दीय। सूदे रङ्से अत-अची च्‍योन्‍ने ‘न मूर्ख’ यीय, हम्‍ब नरकजे मीने छापीय।

मर्कूस 1:44

“ले, नदे अम्‍ब पो सूनेये अन्‍स्‍योल्‍लाची, तर रङ्से प्रदेबे पूस्‍र्‌या ट्‌याने तम्‍ब मेस्‍ये प्रमाणजे लागि न तम् क्‍यूरे ख्यङ् यदेबे मीयूने तम्‍ब मोशाजे आज्ञाने ख्‍यप्रने बलि चेर्‌दी।”

मर्कूस 13:5

येशूदे थमयूने जवाफ पीन्‍दे, “चेलाबे होस्स्यार क्‍यूत्‍देबे टूङ्, सूदेये नमयूने छेल्‍ले अन्खूस्‍य।

मर्कूस 13:8

जात जातयूजे अन्‍द्रने विरुद्ध क्‍यूक्‍क्‍य, मेस्‍ये राज्‍य राज्‍य अन्‍द्रने विरुद्ध क्‍यूक्‍क्‍य हन्‍छ्वाब का-मुलुकने सूङ्‌गू रीय, होर्‌दे अनिकाल क्‍यूक्‍क्‍य। अम्‍ब पीच प्रे-मैब मदीने बीद लादे प्रने सकस्‍जे सुरु ख्यङ्।

मर्कूस 6:11

कादेये कोइ नेने नमयूने स्वागत अन्क्यूत्देयलो, या नमयूजे पो अन्-ङ्‌यीन्लो, हम्‍ब नेदे नमयू योङ्‌रब थमयूजे विरुद्धने गवाही तनने रङ्सेजे तोप्‍जे धूलो फ्रूप्‍पी।”

लूका 9:5

कैयाने नमयूने स्वागत अन्‍ची नमयू हम्‍ब सहरदे फीने योङ्‍रब रङ्से तोप्‍जे धूलो थमयूजे विरुद्धने गवाहीजे लागि फ्रूप्‍की।”

यूहन्‍ना 15:20

ङैदे नमयूने यब वचन ह्‍वे ची, ‘त्वो कीम् नोबो यली केन् अन्‍क्‍यूर्‌।’ थमयूदे ङैने सतनम् चीत्‍दे यलो नमयूनेये सतनम् चीक्क्य। थमयूदे ङैजे वचन मन्‍दीलो नमयूजे वचनये मन्‍दीय।

यूहन्‍ना 16:2

थमयूदे नमयूने यहूदी सभा-कीम्‍यूदे योम्‍बीय। तम्दम्ने येर सेमे रेन ख्यङ्, कन्‍छ्वाब नमयूने सेब मीदे परमेश्‍वरजे सेवा चीन्‍न ख्यङ् यदेबे मन्‍क्‍य।

मूल स्यूस्स्यायूजे कामजे किताब 21:11

ङूदे ङी ट्‌याने रदेबे पावलजे कूच्यू टेल्‍देबे रङ्से ला-तोप् ख्‍यादेबे यदे, “पवित्र आत्मादे येरे य-ख्यङ्, ‘यरूशलेम प्रदेयलो यहूदीयूदे अम्‍ब कूच्यूजे नोबोने येर्‌बेने ख्‍याय, मेस्‍ये यहूदी तेब मीयूजे लाने सूम्‍दीपीय’।”

मूल स्यूस्स्यायूजे कामजे किताब 7:54

कन्‍छ्वाब थमयूदे स्तिफनसजे अम्‍ब पो तदे, हन्‍छ्वाब थमयू छीदे मूत्‍दे क्‍यूत्‍देबे स कीटीटी चीत्‍दे।

मूल स्यूस्स्यायूजे कामजे किताब 9:16

चेनेयलो ङैजे मीन्जे कारण ङूदे कोला सकस् भोक्‍ते पर्‌दीय, हम्‍ब ङ ङूने तम्‍मीय।”

फिलिप्पी 1:29

चेनेयलो ख्रीष्‍टने विश्‍वास चेब पोत्‍यामे पीने दी, तर ख्रीष्‍टजे लागि दु:ख भोक्‍ते पर्‌तीय यब पोये नमयूने पीने ख्यङ्,

२ थेसलोनिकी 1:5

परमेश्‍वरजे धार्मिक न्यायजे साक्षी अम्‍बने ख्यङ्, यी नमयू परमेश्‍वरजे राज्‍यजे लागि लायक‍जे क्यूर खूस्‍य हम्‍बजे लागि नमयू छरङ् भोक्‍तीन ख्यङ्।

२ यूहन्‍ना 1:8

होस्स्यार क्‍यूत्‍देबे टूङ्, चैजे लागि नमयू काम फर्‌न ख्यङ्, हम्‍ब काम अन्क्‍यापीलाची तर पूरा इनाम प्रेख्‍वब क्‍यूरो।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।

प्रकाश 2:13

कैयाने शैतान टूङब सिंहासन ख्यङ्, हैयानेने न टूङ ख्यङ् यदेबे ङैने था ख्यङ्। होरेक्‍यूल्‍ली नमयूदे ङैने विश्‍वास चीन्‍न ख्यङ्। ङैजे भरपर्‌तेब साक्षी एन्‍टिपास ख्‍य, शैतान टूङब नेने ङू सेक्‍कब सेमेनेये नमयू रङ्सेदे ङैफ्‍याने विश्‍वास चीन्‍नूदे।