मर्कूस 10:52 - घले नयाँ करार

⁵² होर्‌दे येशूदे ङूने यदे, “प्र, नैजे विश्‍वासदे न तम्क्‍यूरे ख्यङ्”, हन्‍छ्वाबने ङूजे म्‍या तङ ख्‍व क्‍यूत्‍दे मेस्‍ये लम्ने येशूजे ङ्‌ये-ङ्‌ये गीलीदे।

मर्कूस 10:52 ပူးပေါင်းရင်းမြစ်များ

मत्ती 11:5

म्‍या अन्‍तङयूदे तङ प्रेक्‍क्‍य, मेस्‍ये प्र अङ्ख्‍वब खोन्‍ङ्याल्यायू प्र ख्‍व क्‍यूक्क्‍य। कुष्‍ठबीदजे मीयू शुद्ध चीक्‍क ख्‍यङ्। न-अन्तब मीयू न तख्‍वब क्‍यूर ख्‍यङ्। सीयेब मीयू सोम्‍बो क्‍यूत्‍देबे लङ ख्‍यङ्, मेस्‍ये दूख्‍प्रेब मीयूने सूगब खबर प्रचार चीन्‍न ख्‍यङ्।

मत्ती 12:22

होर्‌दे छेत् लादीकदेबे म्‍या अन्‍तङ मेस्ये लर क्‍यून्‍नब मीत्‍या येशू ट्‌याने रेत्‍दे। येशूदे ङूने तम् चीम्‍मे ङ्येदे हम्‍ब लर पो क्‍यम मेस्‍ये म्‍या तङ ख्‍वब क्‍यूत्‍दे।

मत्ती 15:28

होर्‌दे येशूदे ङूने जवाफ पीन्‍दे, “ओ मो, नैजे विश्‍वास केन् टोङ्। नैजे सेम्दे मेनब पूरा क्यूस्स्य।” ङूजे चीमी हन्‍छ्वाबने तम्क्‍यूरी।

मत्ती 21:14

म्‍या अन्तङब मेस्‍ये खोन्‍ड्‍याल्यायू मन्दिरने येशूट्‌याने रदे, मेस्‍ये येशूदे थमयूने तम् चीम्मीदे।

मत्ती 8:3

येशूदे ला तान्तीदेबे ङूने छूत्‍दे मेस्‍ये यदे, “न तम् क्‍यूप्‍पस्‍य मन ख्‍यङ्।” यबीतीक्‍ने ङूजे बीद तम् क्‍यूरी।

मत्ती 9:22

ङ्‍यलम् प्लीङ् ल्‍वादेबे लेप्‍प येशूदे हम्‍ब मदीने तङ्दे, मेस्‍ये यदे, “बोङ् ची चीमी, नैजे विश्‍वासदे न तम् चीम्‍मे ख्‍यङ्।” हम्‍ब मदी हन्‍छ्वाबने तम् क्‍यूरी।

मर्कूस 1:31

येशू ङू ट्‌याने गीलीदेबे ङूजे ला चूङ्देबे लङ्दे, मेस्‍ये खङ्सीङ् अन्‍रक्‍यूरी। होर्‌दे ङूदे थमयूजे सेवा चीत्‍दे।

मर्कूस 5:34

होर्‌दे येशूदे ङूने यदे, “चीमी, नैजे विश्‍वासदे बीद तम् क्‍यूरे ख्यङ्। चैये अम्‍मन्‍लाबे प्र। नैजे बीद तम् क्‍यूस्स्‍य।”

मर्कूस 8:25

होर्‌दे येशूदे फेरि ङूजे म्‍याने ला हीत्‍दे, मेस्‍ये ङूदे इसारा थूङ् लेत्‍दे। ङूजे रङ्से म्‍यादे तङ ख्‍व क्‍यूत्‍दे मेस्‍ये साप्‍ता थोक‍ने चेलाबे तङ खूदे।

लूका 7:50

येशूदे हम्‍ब मदीने यदे, “नैजे विश्‍वासदे नने बच्‍दीमे ख्यङ्, “शान्‍ति क्यूत्देबे प्र।”

लूका 9:48

थमयूने यदे, “सूदे ङैजे मीन्‍ने अम्‍ब बल्‍खने ग्रहण चीक्क्य, ङूदे ङैने ग्रहण चीक्क्य, मेस्‍ये सूदे ङैने ग्रहण चीक्क्य, ङूदे ङैने कूल्‍बेबनेये ग्रहण चीक्क्य। चेनेयलो नमयू नङ्ने सू पात्‍ता चीद ख्यङ्, हम्‍बने पात्‍ता केन् क्‍यूक्‍क्‍य।”

यूहन्‍ना 9:32

संसारजे सुरु क्यूरमेस्‍येने येर जन्मेदीबने म्‍या अन्‍तङब मीजे म्‍या पूक्‍मेब पो कलङ्बेये अन्‍त।

यूहन्‍ना 9:39

होर्‌दे येशूदे यदे, “ङ न्यायजे लागि अम्‍ब संसारने रदे, अन्‍तङब मीयूदे तङ्स्‍य मेस्‍ये तङ ख्यङ् यब मीयू अन्‍तङ क्‍यूप्‍पस्‍य।”

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’