मर्कूस 1:8 - घले नयाँ करार

⁸ ङैदे नमयूने क्‍यूदे बप्‍तिस्मा पीन ख्यङ्, तर ङूदे नमयूने पवित्र आत्मादे बप्‍तिस्मा पीन्क्‍य।”

मर्कूस 1:8 ပူးပေါင်းရင်းမြစ်များ

मत्ती 3:11

“पश्‍चात्ताप चीत्‍देबे परमेश्‍वरतेले ल्‍वारजे लागि ङैदे नमयूने क्‍यूजे बप्‍तिस्मा पीन्‍क्‍य, तर ङ यली ङ्येदे रब झन् ङ यली थेप् शक्तिशाली ख्‍यङ्, ङूजे पूङ्‍गीजे तन फाब लायकजेये ङ त्‍वो। ङूदे नमयूने पवित्र आत्माप्रे मीदे बप्‍तिस्मा पीन्‍क्‍य।

मर्कूस 1:7

ङूदे मीयूने येरे यदेबे स्‍य्वेत्‍दे, “ङ यली ङ्‌येदेरब ङू थेप् शक्तिशाली ख्यङ्, मेस्‍ये ङ कूत्‍तू क्‍यूत्‍देबे ङूजे पूङ्‌गीजे थब फा लायक‍जे त्‍वो।

मर्कूस 1:9

हम्‍ब दिनने येशू गालीलजे नासरतदे रदे, मेस्‍ये यूहन्‍नादे यर्दन होङ्ने ङूने बप्‍तिस्मा पीन्‍दे।

लूका 3:16

होर्‌दे यूहन्‍नादे हम्‍ब मीयू क्वानेने जवाफ पीन्‍दे, “ङैदे नमयूने क्‍यूदे बप्‍तिस्‍मा पीन्क्‍य, तर ङ यली शक्तिशाली मीत्‍या रेन ख्यङ्, ङूजे पैङ्‍गीजे थब फाब लायकजे ङ त्वो। ङूदे नमयूने पवित्र आत्‍मा मेस्ये मीदे बप्‍तिस्‍मा पीन्क्‍य।

यूहन्‍ना 1:26

यूहन्‍नादे थमयूने जवाफ पीन्‍दे, “ङैदे ब क्‍यूदे बप्‍तिस्मा पीन्‍क्‍य, तर नमयूजे अन्द्रने अन्‍स्‍येब मीत्‍या ख्यङ्,

यूहन्‍ना 1:33

ङैदे ङूने अन्‍स्‍ये ख्‍य, तर सूदे ङैने क्‍यूजे बप्‍तिस्मा पीन् यदेबे कूल्‍बे ख्‍य, ङूदे ङैने यदे, ‘सूफ्‍याने नदे पवित्र आत्मा रेनब मेस्‍ये टूङ्‍रब तङ्क्य, पवित्र आत्मादे बप्‍तिस्मा पीनब ङूने क्‍यूक्‍क्‍य।’

मूल स्यूस्स्यायूजे कामजे किताब 1:5

चेनेयलो यूहन्‍नादे क्‍यूदे बप्‍तिस्मा पीन्‍दे, जेम्सेजे तेदिनने नमयूजे बप्‍तिस्मा पवित्र आत्‍मादे क्‍यूक्‍क्‍य।

मूल स्यूस्स्यायूजे कामजे किताब 10:45

यहूदी तेब मीयू फ्‍यानेये पवित्र आत्माजे बर पीनब तङ्देबे पत्रुसप्रे रब विश्‍वास चेब यहूदीयू बेस्‍से हार्‌मन्‍दीकदे।

मूल स्यूस्स्यायूजे कामजे किताब 2:17

‘आखिरी दिनयूने येर क्‍यूक्‍क्‍य यदेबे परमेश्‍वरदे यख्यङ्, ङ टक्क मीयू फ्‍याने ङैजे आत्मा फम्‍मीय, मेस्‍ये नमयूजे च चीमीयूदे अगमवाणी क्‍यम्‍क्‍य, नमयूजे स्‍योर्‌बयूदे दर्शन तङ्क्‍य, मस्‍ये नमयूजे कम्‍बयूदे मङ् मङ्क्‍य।

मूल स्यूस्स्यायूजे कामजे किताब 2:4

होर्‌दे थमयू क्वाने पवित्र आत्‍मादे फ्‍यादे, मेस्‍ये पवित्र आत्मादे येमेब आवाज अनुसार थमयूदे सूजो केयूने क्‍यम मे‍दे।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।