मत्ती 5:9 - घले नयाँ करार

⁹ थून्ला चीम्‍मेब मीयूदे असी प्रेक्‍क्‍य, चेनेयलो थमयूने परेमेश्‍वरजे च-चीमीयू यीय।

मत्ती 5:9 ပူးပေါင်းရင်းမြစ်များ

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

रोमी 12:18

क्‍यूर खूलो खोत्‍ताप्रेने थून्‍देबे टूङ्।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

रोमी 8:14

परमेश्‍वरजे आत्‍मादे तनब लम्‍ने प्रबयू परमेश्‍वरजे छगूम्-पूर्‌गूम् ख्यङ्।

लूका 6:35

तर रङ्से शत्रुयूनेये प्रेम ची, मेस्‍ये थमयूने ज्‍य ची। फेरि प्रेब आशा अन्‍चील्‍लाबे छेर् पीन्, मेस्‍ये नमयूजे इनाम केन् क्यूक्क्य, होर्‌दे न पात्‍ता फ्‍याजे छगूम्-पूर्‌गूम् ठर्‌दीय, चेनेयलो येशूदे बैगुनी मेस्ये रङ्से मतलब्‍त्या पूरा चेब फ्‍यानेये कृपा चीक्‍क्‍य।

२ कोरिन्थी 13:11

अत-अची च्योन्‌यू, जेम्‍से अम्‍ब पोयू यदेबे लिख्‍देने बन्‍द चीक्‍क्‍य। सिद्ध क्यूरने बोङ् चीदो, ङैजे पो ङ्यीनो, त्‍या त्‍याप्रे थून्‍देबे टूङो, शान्तिने टूङो, मेस्‍ये प्रेम, शान्ति पीनब परमेश्‍वर नमयूप्रे क्‍यूक्‍क्‍य।

कलस्सी 3:13

त्‍यादे त्‍याजे पो सैदीदे टूङ्, कोदेये कोइ मीजे विरुद्धने गल्‍ती तनब पो ख्यङ्लो त्‍यादे त्‍याने क्षमा पीन्। केर्‌बे प्रभुदे नमयूने क्षमा पीन्‍दे होरप्रने नमयूदेये क्षमा पीन् पर्‌दीय।

मत्ती 5:48

स्वर्गने नमयूजे प सिद्ध ख्‍यप्रने नमयूये सिद्ध क्‍यूर पर्‌दीय।”

२ कोरिन्थी 5:20

येरेक्‍यूत्‍देबे ङी ख्रीष्‍टजे राजदूतयू ख्यङ्, मेस्‍ये परमेश्‍वर ङीप्रे क्‍यूत्‍देबे बिन्‍ती चीन्‍न ख्यङ्। परमेश्‍वरप्रे मिलापने ख यदेबे ख्रीष्‍टजे मीन्‍ने ङी नमयूने बिन्‍ती चीक्क्य।

मूल स्यूस्स्यायूजे कामजे किताब 7:26

नैदेरेदे इस्राएलीयू ङ्‍ही रङ्से रङ्सेने च्‍यफा चीन्‍नब बीलने ङू रदेबे थमयूने मिलाप चीम्‍मेने बोङ् चीत्‍दे, ‘मीयू, नमयूब अत-च्योन् न, चेने त्‍यादे त्‍याने अन्-‍न्याय चे?’

मत्ती 5:45

मेस्‍ये स्वर्गने टूङब रङ्से पजे च-चीमीयू नमयू क्यूक्क्य। परमेश्‍वरदे ज्‍य प्रे अन्ज्‍य मीयूने मीया प्‍ल्‍यामीय, मेस्‍ये धर्मी होर्‌दे पाप चेब मी ङ्‍हीनेने झीरी रस्‍येपीन्क्‍य।

१ कोरिन्थी 6:6

तर च्‍योन् त्‍या सूजो च्‍योन्जे विरुद्धने अड्‍डने प्रीय यलो, हम्‍बये परमेश्‍वरने विश्‍वास अन्‍चेबयूजे खूम्‍ने!

फिलिप्पी 4:2

ङ इयोदिया मेस्‍ये सुन्‍तुखेने प्रभुजे मीन्‍ने सेम्‌त्‍या क्यूरो यदेबे बिन्‍ती चीक्‍क्‍य।

लूका 20:36

थमयू फेरि अन्सीब, चेनेयलो थमयू स्‍वर्गदूतयूप्र क्‍यूक्‍क्‍य, मेस्‍ये सीबदे सोम्‍बो क्‍यूरब च-चीमी क्‍यूरबदे परमेश्‍वरजे च-चीमी क्‍यूक्‍क्‍य।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

रोमी 8:16

अम्‍ब परमेश्‍वरजे छगूम्-पूर्‌गूम् ख्यङ् यब पवित्र आत्‍मादे ङीनजे आत्‍माप्रे गवाही पीनब ख्यङ्।

रोमी 8:19

सृष्‍टि चेब साप्‍ता सेयूदे ङूजे च-चीमीयूने परमेश्‍वरदे फेरि कलङ् तम्मीय यदेबे सोरो आशा चीत्‍देबे रेन्‍न ख्यङ्।