मत्ती 5:3 - घले नयाँ करार

³ “आत्माने चीद क्‍यूरब मीयूदे असी प्रेक्‍क्‍य, चेनेयलो स्वर्गजे राज्‍य हम्‍बयूजेने ख्‍यङ्।

मत्ती 5:3 ပူးပေါင်းရင်းမြစ်များ

मत्ती 11:25

येशूदे हन्‍छ्वाब यदे, “ओ पाइ, स्वर्ग मेस्ये पृथ्वीजे प्रभु, ङ नने धन्यवाद पीन्‍क्‍य, चेनेयलो नदे अम्‍ब पो बुद्धि मेस्ये चलाख ख्‍यब मीयूदे अङ्‍कोस्‍य यदेबे नङ्सू हीत्‍दे, तर पीचयूने हम्‍ब तम्‍मीदे

मत्ती 11:6

तम्दम्‍ने ङैजे बारेने शङ्का अन्चेब मीयूदे असी प्रेक्‍क्‍य।”

मत्ती 13:16

तर नमयूजे म्‍यादे असी प्रेक्‍क्‍य, चेनेयलो हम्‍बदे तङ्क्‍य, होर्‌दे नमयूजे ङ्‍यीनब नयूदे असी प्रेक्‍क्‍य चेनेयलो हम्‍बदे तैय।

मत्ती 19:14

तर येशूदे यदे, “पीचयूने ङैट्‌याने रस्‍येपीन्, थमयूने अन्-कालाची। चेनेयलो स्वर्गजे राज्‍य येरप्रयूजेने ख्यङ्।”

मत्ती 24:46

नोबो ल्‍वारब होरप्रने त्‍वोदे चीन्‍नब तूरदे यलो हम्‍ब त्‍वोदे धन्यवाद प्रेक्क्‍य।

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मत्ती 3:2

“रङ्से पापजे पश्‍चात्ताप चीत्‍देबे परमेश्‍वरतेले ल्‍वाख, चेनेयलो स्वर्गजे राज्‍य रेक ख्‍यङ्।”

मत्ती 8:11

ङ नमयूने यीय, पूर्व मेस्ये पश्‍चिमदे कूम मीयू रीय, मेस्‍ये स्वर्गजे राज्‍यने अब्राहाम, इसहाक, याकूबप्रे भात्यार् चने टूङ्क्‍य।

मर्कूस 10:14

तर अम्‍ब तङ्देबे येशू प्रो लङ्दे मेस्‍ये रङ्से स्यूस्स्यायूने यदे, “ङै ट्‌याने चीद पीचयूने रस्‍येपीन्। थमयूने अङ्‍कालाची चेनेयलो परमेश्‍वरजे राज्‍य यरप्रयूजेने ख्यङ्।

लूका 11:28

तर ङूदे यदे, “बरू नमयूदे असी प्रे ख्यङ्, सूदे परमेश्‍वरजे वचन ङ्‍यीन्क्य मेस्‍ये मन्‍दीय।”

लूका 18:14

“ङ नमयूने यीय, अम्‍ब मी हम्‍ब त्‍याब यली धर्मी ठर्‌दीदेबे रङ्से कीम्तेले गीली। चेनेयलो सू रङ्सेदेने केन् त्‍वोक्‍क्य, हम्‍ब चीद क्‍यूर पर्‌दीय, तर सू रङ्सेने चीद चीक्‍क्‍य, हम्‍ब केन्चीम्मीय।”

लूका 22:29

केर्‌बे ङैजे पदे ङैने राज्‍य त्‍या पीन्‍दे, ङैदेये नमयूने पीन्क्‍य,

लूका 22:30

ङैजे राज्‍यने नमयू ङैप्रे टेबलने टूङ्देबे चथूङ चीक्‍क्‍य, मेस्‍ये सिंहासन‍ने टूङ्देबे इस्राएलजे बाह्र कुलजे न्याय चीक्‍क्‍य।”

लूका 4:18

“परमप्रभुजे आत्मा ङै फ्‍याने ख्यङ्, चेनेयलो दूख्‍प्रेबयूने सूगब खबर स्‍य्‍वेजे लागि ङूदे ङैने अभिषेक चे ख्यङ्। झ्यालखानजे मीयू योम्‍बेजे लागि, कनयूने म्‍या तङ्ला चेजे लागि, अन्-‍न्यायने पर्‌दीनब मीयूने छूर्‌देमेजे लागि,

यूहन्‍ना 20:29

येशूदे ङूने यदे, “नदे ङैने तङ्देबे विश्‍वास चे औ? सूदे अन्‍तङ्लीने ङैने विश्‍वास चे ख्यङ्, थमयूदे कूम असी प्रेक्‍क्‍य।”

याकूब 1:10

मेस्‍ये फ्‍योबोयू दूख्‍प्रे क्‍यूप्‍पलीने सूग खूस्‍य, चेनेयलो मीब स्‍यूजे मीन्‍ताप्र रूल्‍बीय।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

याकूब 2:5

ङैजे छेब अत-अची च्योन्‌यू चेलाबे ङ्‍यीनो, संसारजे दूख्‍प्रेयूने परमेश्‍वरदे विश्‍वासने फ्‍योबो चीम्‍मेने, मेस्‍ये परमेश्‍वरने प्रेम चेब मीयूजे लागि पीन्‍क्‍य यदेबे चेब कबुलजे राज्‍यने हक लादेब क्‍यूरने सेल तेया?

प्रकाश 19:9

होर्‌दे हम्‍ब स्वर्गदूतदे ङैने यदे, “अम्‍ब पो लिख्दी, थुमाजे ङ्येन्‍ने भात्यार्‌ चजे लागि निम्‍तो प्रेबयूदे असी प्रेक्‍क्‍य।” ङूदे फेरि ङैने यदे, “अम्‍ब पो परमेश्‍वरजे सत्य वचनयू ख्यङ्।”

प्रकाश 22:14

जीया पीनब तङ्बोजे सी चब हक प्रेने मेस्‍ये हम्‍ब सहरजे ख्‍योयूदे नङ्ने क्‍योब प्रेदे यदेबे रङ्सेजे कोला ठूदेबे सफा येनब मीयूदे असी प्रेक्‍क्‍य।

प्रकाश 3:17

“ङ फ्‍योबो ख्यङ्, ङैप्रे कोलानेयली सम्पत्ति ख्यङ्, मेस्‍ये ङैने चैये हर्‌जो त्‍वो” यदेबे नदे य ख्यङ्, तर न दूख्‍या, ङ्‍येमत्‍या, दूख्‍प्रेब, म्‍या अन्‍तङब मेस्‍ये च्‍यङ्ली ख्‍यब पो नने था त्‍वो।