मत्ती 3:2 - घले नयाँ करार

² “रङ्से पापजे पश्‍चात्ताप चीत्‍देबे परमेश्‍वरतेले ल्‍वाख, चेनेयलो स्वर्गजे राज्‍य रेक ख्‍यङ्।”

मत्ती 3:2 ပူးပေါင်းရင်းမြစ်များ

मत्ती 10:7

‘स्वर्गजे राज्‍य ट्‌यारङ्ने फ्‍योर ख्‍यङ्’, यदेबे मीयूने स्‍य्‍वे।

मत्ती 11:20

कम्ब कम्ब सहरयूने येशूदे कूम शक्तिशाली कामयू चे ख्‍य, हम्‍ब सहरजे मीयूने ङूदे दोष चेने सुरु चीत्‍दे, चेनेयलो थमयूदे पश्‍चात्ताप चीत्‍देबे परमेश्‍वरतेले अन्‍ल्‍वार।

मत्ती 12:41

न्यायजे दिनने निनवे सहरजे मीयू दीनीजे पुस्‍ताजे मीयूप्रे-प्रे मेर्‌क्‍य, मेस्‍ये दीनीजे पुस्ताजे मीयूने दोष चीक्‍क्‍य, चेनेयलो योनादे प्रचार चीप्‍प निनवेजे मीयूदे पश्‍चात्ताप चीत्‍देबे परमेश्‍वरतेले ल्‍वार ख्‍य, तर ले, योनायली थेप् केन् मीत्‍या अने ख्यङ्।

मत्ती 13:11

येशूदे जवाफ पीन्‍दे, “स्वर्ग-राज्यजे नङ्सू पोयूजे ज्ञान नमयूने स्‍येसे पीन्‍दे, तर थमयूने ब अम्‍पीन ख्यङ्।

मत्ती 13:24

येशूदे फेरि थमयूने सूजो उखान त्‍या स्‍योत्‍दे: “स्वर्गजे राज्‍य अम्‍ब मीप्र ख्यङ्, ङूदे रङ्सेजे रङ्ने सोरो ज्‍य लू थरीदे।

मत्ती 13:31

येशूदे फेरि सूजो उखान थमयूने यदे, “स्वर्गजे राज्‍य रोयोजे ल-प्र ख्यङ्। हम्‍ब ल मीत्‍यादे टेल्‍गीदेबे रङ्से रङ्ने थरीदे।

मत्ती 13:33

येशूदे थमयूने सूजो उखान यदे, “स्वर्गजे राज्‍य क्‍यङ् बूलाबे चेब खमिरप्र ख्यङ्, हम्‍ब मदीत्‍यादे खमिर टेल्‍देबे पच्‍चीस किलो ताने च्‍यूम्‍देबे क्‍यूप्रे च्‍योप्‍दे, होर्‌दे हम्‍ब ता छ्‌योङ्ब टक्कने अम्‍पूरता नैत्‍याने येत्‍दे!”

मत्ती 13:47

“फेरि स्वर्गजे राज्‍य समुद्रने छाब जालप्र ख्यङ्, हम्‍ब जालने परीपरीजे ङयू पर्‌दीय।

मत्ती 13:52

होर्‌दे येशूदे थमयूने यदे, “येरेक्‍यूत्‍देबे स्वर्गराज्‍यजे शिक्षा प्रेब पन्‍डेयू क्वाने कीम् त्याजे मालिकप्र ख्यङ्। ङूदे रङ्से बेङेदे कूम लूजे सर् मेस्ये ङीङ् सामानयू फीने योन्‍क्‍य।”

मत्ती 18:23

“येरेक्‍यूत्‍देबे स्वर्गजे राज्‍य मूरूम् त्‍याप्रे तुलना चे खूइय, ङूदे रङ्से त्वो‌यूप्रे हिसाब स्‍यब सेम् चीत्‍दे।

मत्ती 20:1

‘‘स्वर्गजे राज्‍य रङ्जे नोबो त्‍याप्र ख्यङ्, ङू नप्‍मून्‍देने रङ्से अङ्‍गुरजे रङ्ने मेलाने काम फर मीयू मलने फीने योङ्‍गीदे।

मत्ती 22:2

“स्वर्गजे राज्‍यने मूरुम् त्‍याप्रे तुलना चे खूइय, ङूदे रङ्से चजे ङ्‍येन्‌ने भत्यार् तयार चीत्‍दे,

मत्ती 23:13

“धिक्‍कार पन्‍डे मेस्ये फरिसीयू, नमयू, कप्‍टी ख्यङ्! चेनेयलो नमयूदे मी क्‍योबने यदेबे स्वर्ग राज्‍यजे ख्‍यो थाय। नमयू रङ्सेये अन्क्‍योब, क्‍योब मैब मीयूनेये क्योबस्ये अम्पीन्।

मत्ती 25:1

“होर्‌दे स्वर्गजे राज्‍य कन्‍या च्‍यूप्रे तुलना चे खूइय। थमयूदे रङ्से-रङ्से बत्ती टेल्‍देबे दूल त्‍वने योङ्‍गीदे।

मत्ती 25:14

“चेनेयलो अम्‍ब मी प्र ख्यङ्, ङू फी देश प्रने रङ्से त्‍वोयूने कोदेबे रङ्सेजे मन्‍द्रमूली थमयूने जिम्मा पीन्‍दे।

मत्ती 4:17

हम्‍ब बीलदेछोमेस्‍ये येशूदे प्रचार चीत्‍देबे यदे, “पश्‍चात्ताप चीत्‍देबे परमेश्‍वरतेले ल्‍वाख, चेनेयलो स्वर्गजे राज्‍य ट्‌यारङ्ने रेन ख्‍यङ्।”

मत्ती 4:23

होर्‌दे थमयूजे सभा-कीम्‌यूने गीलीदेबे मीयूने येशूदे पोयू लोम-तन चीते-चीते, परमेश्‍वरजे राज्‍यजे सूगब खबर स्‍योदे-स्‍योदे, मीयूजे पीरीपीरीजे बीद मेस्‍ये ङ्व नवयू तम् चीते-चीते पूरा गालीलभरी ट्वादे।

मत्ती 5:10

धार्मिकताजे लागि सतनम् भोक्‍तेब मीयूदे असी प्रेक्‍क्‍य, चेनेयलो स्वर्गजे राज्‍य थमयूजेने ख्‍यङ्।

मत्ती 5:3

“आत्माने चीद क्‍यूरब मीयूदे असी प्रेक्‍क्‍य, चेनेयलो स्वर्गजे राज्‍य हम्‍बयूजेने ख्‍यङ्।

मत्ती 6:10

नैजे राज्‍य रस्‍य। नैजे इच्‍छा स्वर्गने कर ख्‍य, होरप्रने अम्‍ब पृथ्वीनेये पूरा क्‍यूस्‍स्‍य।

मत्ती 6:33

तर नदे खूम् परमेश्‍वरजे राज्‍य मेस्‍ये ङूजे धार्मिकता मल्, होर्‌दे अम्‍ब साप्‍ता कूरूने परमेश्‍वरदे नमयूजे लागि थप्‍दीमीय।

मर्कूस 1:15

येशूदे यदे, “बील पूरा क्‍यूरे ख्यङ्, मेस्‍ये परमेश्‍वरजे राज्‍य ट्‌याने फ्‍योर ख्यङ्। होरेक्‍यूत्‍देबे नमयूदे पश्‍चात्ताप चीत्‍देबे पाप चेब काम क्यापी, मेस्‍ये सूगब खबरने विश्‍वास ची।”

मर्कूस 1:4

बप्‍तिस्मा पीनब यूहन्‍नादे पाप क्षमा चेने पश्‍चात्ताप चेब बप्‍तिस्माजे बारेने हम्‍ब नेजे मीयू क्‍वानेने स्‍य्वेदे स्‍य्वेदे मी अन्‍टोङब चनमन नेने फ्‍योरदे।

मर्कूस 6:12

होर्‌दे थमयू योङ्देबे गीली मीयूदे पश्‍चात्ताप चीस्‍स्‍य यदेब वचन स्‍योत्‍दे।

लूका 1:16

ङूदे इस्राएलजे कूम छगूम्-पूर्‌गूम्यूने थमयूजे परमप्रभु परमेश्‍वरतेले ल्‍वारेब काम चीक्‍क्य।

लूका 11:20

तर परमेश्‍वरजे ला औँलादे ङ छेत्‌यू योङ्क्‍य यलो, परमेश्‍वरजे राज्‍य नमयू ट्‌याने रेक ख्यङ्।

लूका 13:3

ङ नमयूने यीय, होरे दी, तर नमयूदे पश्‍चाताप अन्‍चीत्देयलो नमयू क्वाने होरप्रने नाश क्‍यूक्‍क्‍य।

लूका 13:5

होरे दी, तर ङ नमयूने यीय, “नमयूदे पश्‍चात्ताप अन्‍चीत्‍दे यलो, नमयू क्वाने होरप्रने नाश क्‍यूक्‍क्‍य।”

लूका 15:10

ङ नमयूने यीय, येर्‌बेने पश्‍चात्ताप चेब पापी त्‍याजे लागि परमेश्‍वरजे स्वर्गदूतयूजे खूम्‍ने सोरो आनन्द क्‍यूक्‍क्‍य।”

लूका 15:7

ङ नमयूने यीय, येर्‌बे पश्‍चाताप चे अम्पर्‌देब सील्‍लङ्दे उनीस् धर्मी मीयूजे लागि यली पश्‍चाताप चेब पापी त्‍याजे लागि स्वर्गने अझ थेप् आनन्द क्यूक्क्य।

लूका 16:30

“तर ङूदे यदे, ‘दी, पाइ अब्राहाम, सीयेबदे कोइ मीत्‍या थमयू ट्‌याने प्रलोब थमयूदे पश्‍चाताप चे-ख्यङ्दे।’

लूका 21:31

होरप्रने नमयूये कलङ् अम्‍ब पो क्‍यूरब तङ्क्‍य, हन्‍छ्वाब परमेश्‍वरजे राज्‍य ट्‌याने र मेख्यङ् यदेबे से।

लूका 24:47

होर्‌दे यरूशलेमदेमेस्‍ये सुरु चीत्‍देबे साप्‍ता थर्‌जे मीयूने ख्रीष्‍टजे मीन्‍ने पश्‍चाताप मेस्ये पाप क्षमाजे प्रचार क्‍यूर पर्‌दीय।

लूका 6:20

होर्‌दे ङूदे रङ्सेजे स्यूस्स्यायू तेले लेत्‍देबे यदे: “नम दूखीयूदे असी प्रे ख्यङ्, चेनेयलो परमेश्‍वरजे राज्‍य नमयूजेने ख्यङ्।

लूका 9:2

येशूदे थमयूने परमेश्‍वरजे राज्‍यजे प्रचार चेने मेस्‍ये नबयू तम् चेने कूल्‍बीदे।

मूल स्यूस्स्यायूजे कामजे किताब 11:18

अम्‍ब पो तमेस्‍ये थमयू पारा अम्‍पूल्‍लाबे टूङ्दे मेस्‍ये येरे यदेबे थमयूदे परमेश्‍वरजे सार्‌या चीत्‍दे, “जेम्से परमेश्‍वरदे सूजो मीयूनेये जीया प्रेजे लागि पश्चाताप चेब मौका पीन टूङ्।”

मूल स्यूस्स्यायूजे कामजे किताब 17:30

होरेक्‍यूत्‍देबे थाने त्‍व अन्स्येदेबे चीक्‍कब काम‍ने परमेश्‍वरदे ध्‍यान् अम्‍पीन्, तर जेम्से टक्क नेने मी क्वानेने ‘रङ्से-रङ्सेजे पापजे पश्‍चात्ताप चेब आज्ञा पीन ख्यङ्।

मूल स्यूस्स्यायूजे कामजे किताब 2:38

पत्रुसदे थमयूने यदे, “पश्‍चात्ताप ची, मेस्‍ये नमयूजे पाप-क्षमाजे लागि येशू ख्रीष्‍टजे मीन्‍ने नमयू क्वादेने बप्‍तिस्मा कीन्, मेस्‍ये नमयूदे पवित्र आत्माजे बर प्रेक्‍क्‍य।

मूल स्यूस्स्यायूजे कामजे किताब 20:21

यहूदीयूदे मेस्‍ये ग्रीकयूदे पश्‍चात्ताप चीत्‍देबे परमेश्‍वरतेले ल्‍वरस्‍य मेस्‍ये ङीनजे प्रभु येशू ख्रीष्‍ट फ्‍याने विश्‍वास चीस्‍स्‍य यदेबे ङैदे गवाही पीने ख्यङ्।

मूल स्यूस्स्यायूजे कामजे किताब 26:20

तर सुरुने दमस्‍कसने, होर्‌दे यरूशलेमने मेस्‍ये यहूदियाभरीजे देशयूने टूङब मीयूने, मेस्‍ये यहूदी तेब मीयूनेये पश्‍चात्ताप चीत्‍देबे परमेश्‍वरतेले ल्‍वाख मेस्‍ये रङ्सेजे पापये क्यापीदेबे ज्‍य काम ची यदेबे ङैदे प्रचार चीत्‍दे।

मूल स्यूस्स्यायूजे कामजे किताब 3:19

होरेक्‍यूत्‍देबे पश्‍चात्ताप चीत्‍देबे ल्‍वाख, नमयूजे पाप मेर्‌दीमीस्‍य, मेस्‍ये परमप्रभु नमयूप्रे वास चीत्‍देबे आनन्दजे दिन रस्‍य,

२ कोरिन्थी 7:10

चेनेयलो परमेश्‍वरजे इच्छा अनुसार सेम् नब पोदे मुक्ति प्रेजे लागि पश्‍चात्तापजे सेम् पीन्‍क्‍य, अम्‍ब पोने पश्‍चात्ताप चीन्‍न अम्‍पर्‌ती, तर संसारजे इच्छा अनुसार सेम् नब पोदे सीब पर्‌ते चीक्क्य।

कलस्सी 1:13

ङूदे ङीनने मून्‍दूङ्जे राज्‍यदे अलाक् चीत्‍देबे ङूजे छेब चजे राज्‍यने चेलाबे सेबे ख्यङ्।

२ तिमोथी 2:25

रङ्सेजे विरोध चेयूप्रे चीद क्‍यूत्‍देबे ज्‍य लोम-तन ख्‍वब क्‍यूर पर्‌दीय। होरेक्‍यूल्‍लो कादेये परमेश्‍वरदे थमयूने पश्चात्ताप चीत्‍देबे ल्‍वारब सेम् होर्‌दे सत्य पो चेलाबे क्‍व ख्‍वब सेम् पीन्क्‍य।

हिब्रू 6:1

येरेक्‍यूत्‍देबे ख्रीष्‍टजे बारेने खूम्‍ने ते-ते लोम्‍कब शिक्षायूने पोङ्‍ङ्‍यीदेबे तम्दम् पो मेस्‍ये लूच्‍च पोयू छूर्‌दे ख्‍वब पाको मीप्र क्‍यूरे। कालजे ङूरने सब ब कामयू अम्‍फर्‌‍‍लाबे पश्चात्ताप चेब मेस्‍ये परमेश्‍वरने विश्‍वास चेब खूम्‍जे पोयूनेत्‍यामे फेरि लादीन दी।

२ पत्रुस 3:9

रङ्सेदे चेब कबुल पूरा चेने प्रभु ग-ख्यङ् यदेबे कोइ-कोइदे मन्‍लीने प्रभुदे गलाबे अन्‍ची, तर सूत्‍याये नाश अन्क्यूस्स्य, मेस्‍ये मी-क्‍वादेने पश्चात्ताप चीस्‍स्‍य यब सेम् क्‍यूत्‍देबे नमयूजे लागि प्रभु धेरेन् चीत्‍देबे टून ख्यङ्।

प्रकाश 2:21

ङैदे हम्‍ब मदीने पश्चात्ताप चेब मौका पीन्‍दे, तर हम्‍ब मदीदे वेश्य काम क्‍यादेबे पश्चात्ताप चे अन्ङ्‍यीन्।

प्रकाश 2:5

येरेक्‍यूत्‍देबे कोलासेमे नमयू खेर गीले ख्यङ्, हम्‍ब ह्‍वे ची, मेस्‍ये पश्‍चात्ताप चीत्‍देबे ल्‍वाख, होर्‌दे नदे खूम चेप्रने हम्‍ब काम फेरि ची। कादेये नदे पश्‍चात्ताप अन्‍चीत्‍देयलो ङ ने-ट्‌याने रदेबे नैजे सामदान हम्‍ब नेदे योम्‍बीय।