मत्ती 22:3 - घले नयाँ करार

³ मेस्‍ये भत्यार्‌ने निम्तो पीनेब मीयूने कोब यदेबे रङ्से त्‍वोयू कूल्‍बीदे, तर थमयूदे रब सेम् अन्‍ची।

मत्ती 22:3 ပူးပေါင်းရင်းမြစ်များ

मत्ती 21:34

होर्‌दे सी थ्‍व बील फ्‍योरदे, रङ्जे नोबोदे अध्‍याने फरब मीयूट्‌याने रङ्से भाजे सी स्‍यने त्‍वोयू कूल्‍पीदे।

मत्ती 23:37

“यरूशलेम, ओ यरूशलेम, नदे अगमवक्तायूने सेक्‍य मेस्‍ये परमेश्‍वरदे कूल्‍बेब मीयूने लूङ्दे ठरीय! केर्‌बे कमदे रङ्से काच्यूयूने येन्‍नङ्ने रूप् पूक्‍य, होरप्रने ङैदे कूम खेप् नैजे बल्‍खयूने रूप् प्‍वेब सेम् चीत्‍दे, तर नदे अन्ङ्यीन्।

मत्ती 3:2

“रङ्से पापजे पश्‍चात्ताप चीत्‍देबे परमेश्‍वरतेले ल्‍वाख, चेनेयलो स्वर्गजे राज्‍य रेक ख्‍यङ्।”

मत्ती 9:15

येशूदे थमयूने यदे, “कन्‍छ्वासेमे दूल जन्‍तीयूप्रे क्‍यूक्क्‍य, च थमयू शोक् चीक्क्‍या? तर हम्‍ब दिन‌रीय कन्‍छ्वाब दूल थमयू ख्‍यनेदे कूबीय, हन्‍छ्वाब थमयू बर्त टूङ्क्‍य।

लूका 13:34

“यरूशलेम, ओ यरूशलेम, नदे अगमवक्तायूने सेक्‍क्‍य, मेस्‍ये ने-ट्‌याने कूल्‍बेबयू फ्याने लूङ्दे खान्‍दीदे! केर्‌बे कमदे रङ्से काच्यूयूने येन् नङ्ने रूप् पूक्‍क्‍य, होरप्रेने कोलाफे ङैदे नैजे पीचयूने येनब इच्छा चीत्‍दे तर न अन्‍ङ्यीन्।

लूका 15:28

“तर ङू छी लङ्दे मेस्‍ये नङ्ने प्र अन्ङ्‍यीन्, ङूजे पदे फीने गीलीदेबे ङूने होमने बोङ् चीदे।

लूका 19:27

तर ङैदे थमयूफ्‍याने हुकुम चेब सेम् अम्‍पर्‌तेब हम्‍ब शत्रुयूने अने सीक, मेस्‍ये थमयूने ङैजे खूम्‍ने से’।”

यूहन्‍ना 5:40

होरेक्‍यूल्‍ली नमयू जीया प्रेजे लागि ङैट्‌याने रतीङ् अन्‍ड।

मूल स्यूस्स्यायूजे कामजे किताब 13:45

यहूदीयूदे मीयूजे हुल तङ्देबे पावल मेस्‍ये बारनाबास फ्‍याने म्‍यातब चेमेदे, मेस्ये पावलदे यब पोजे विरुद्ध चीत्‍देबे पावलजे न पूत्दे।

रोमी 10:21

तर इस्राएलजे बारेने ङूदे यीय, “ङैजे पो अन्‍ङ्यीनब मेस्‍ये ङैजे विरोधने लङब मीयू क्वाजे लागि ङैजे ला नोस्‍सेने लङ्न ख्यङ्।”

हिब्रू 12:25

होस्स्यार क्यूत्देबे टूङ्, नमयूप्रे क्यमबजे केने अम्मन्दे अन्चील्‍लाची। अम्ब पृथ्वीने बोङ्बे आर्‌तेबने अम्‍मन्देब इस्राएलीयू प्लीने अम्प्रे यलो झन् स्वर्गदे क्यमबने अम्मन्दीदे यलो ङीनजे अवस्था करम क्यूक्‍क्य?

हिब्रू 9:15

येरेक्‍यूत्‍देबे परमेश्‍वरदे सेलबयूने कलङ्बेये नाश अन्‍क्‍यूप्‍पब हक पीनने, पदे चेब कबुल प्रेस्‍स्‍य यदेबे अम्‍ब सर्‌ करारजे लागि चजो-पजो चेब ख्रीष्‍ट क्‍यूर ख्यङ्। चेनेयलो खूम्‍जे करारजे बीलने मीयूदे चीक्‍कब पापदे जेम्से मुक्ति प्रेक्क्य चेनेयलो अम्ब कामजे लागि ख्रीष्‍ट सीयेजन्‍क ख्यङ्।

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।