लूका 7:16 - घले नयाँ करार

¹⁶ हन्‍छ्वाब क्वाने फैगदे, मेस्‍ये परमेश्‍वरजे महिमा चीत्‍देबे यदे, “सोरो केन् अगमवक्ता त्‍या ङीनजे अन्‍द्रने र ख्यङ्”, मेस्‍ये “परमेश्‍वरदे रङ्से मीयू फ्‍याने कृपा चे ख्यङ्।”

लूका 7:16 ပူးပေါင်းရင်းမြစ်များ

मत्ती 15:31

कन्‍छ्वाब लरयूदे क्‍यमब, लूलायू तम् क्‍यूरेब, खोन्‍ड्‍याल्‍या प्रख्‍व क्‍यूरेब, म्‍या अन्‍तङबदे म्‍या तङ ख्‍व क्‍यूरेब, मीयूदे तङ्देबे हार्‌मन्‍दीकदे मेस्‍ये थमयूदे इस्राएलजे परमेश्‍वरजे महिमा चीत्‍दे।

मत्ती 21:11

हुल‍ने ख्‍यब मीयूदे जवाफ पीन्‍दे, “ङू गालीलजे नासरतदे रब अगमवक्ता, येशू टूङ्।”

मत्ती 28:8

होर्‌दे थमयू फलीने सूगे-सूगे तूर्‌स गङ्दे छाट्‍टे ङूजे स्यूस्स्यायूने खबर स्‍य्‍वेने छ्‌योङ्‍गीदे।

मत्ती 9:8

मीहुल‍दे कन्‍छ्वाब हम्ब मी तम्‍क्‍यूरेब तङ्दे हन्‍छ्वाब थमयू फैगदे, मेस्‍ये मीयूने येर शक्ति पीनब परमेश्‍वरजे थमयूदे सार्‌या चीत्‍दे।

लूका 1:65

थमयूजे खीम्‍चेयू क्वाने फैगदे। यहूदियाजे गङ् का-मुलुकने अम्‍ब घटनाजे पो ड्वाङ्‍गे क्‍यूत्‍दे।

लूका 1:68

“इस्राएलजे परमप्रभु परमेश्‍वरजे जै-जै क्‍यूस्‍स्‍य, चेनेयलो ङू रेक ख्यङ्, मेस्‍ये ङूजे मीयूने जूक्‍दीमीदे!

लूका 19:44

थमयूदे नने होर्‌दे न नङ्ने बास चेब नैजे छगूम्-पूर्‌गूम्ने सने छ्‌यर्‌ तप्पीय, लूङ्त्या फ्‍याने सूजो लूङ्‍ये पङ्‍गीस्ये त्वो। चेनेयलो नदे रङ्से फ्‍याने ख्‍यब परमेश्‍वरजे कृपा चीत्देबे लेब बील सेअङ्‍खू।”

लूका 2:20

प्रङ्बयूदे तब मेस्ये तङब साप्‍ता पोजे लागि थमयूदे परमेश्‍वरजे महिमा मेस्‍ये जै-जै चीदे चीदे ल्‍वाइदे। अम्ब साप्‍ता पोयू स्वर्गदूतदे थमयूने स्योदेप्रने क्यूक्‍क ख्य।

लूका 24:19

येशूदे थमयूने लोत्‍दे, “कम्‍ब पो?” थमयूदे जवाफ पीन्‍दे, “येशू नासरीजे बारेने, ङू अगमवक्ता मेस्‍ये परमेश्‍वर प्रे मीयूजे खूम्‍ने काम चेने मेस्‍ये वचनने शक्तिशाली ख्‍य।

लूका 5:26

हन्‍छ्वाब मीयू क्वाने हार्‌मन्‍दीकदे, मेस्‍ये थमयूदे परमेश्‍वरजे महिमा चीत्‍दे, मेस्‍ये फदेबे येरे यदे, “दीनी ङीदे नोङ्ल्‍या काम तङ्दे।”

लूका 5:8

होर्‌दे अम्‍ब तङ्देबे सिमोन मेस्‍ये पत्रुसदे येशूजे तोप्ने पून्‍छ्‌यल् क्‍यूत्‍देबे यदे, “ओ प्रभु, न ङैट्‍यादे थेचेकी, चेनेयलो ङ पापी मी ख्यङ्।”

लूका 7:15

हन्‍छ्वाब सीयेब मीये लङ्देबे टूङ्दे, पो क्‍यम्दे मेस्‍ये येशूदे ङूने मजे जिम्माने लैदीपीदे।

लूका 7:39

येशूने निम्‍तो चेब फरिसीदे अम्‍ब तङ्देबे सेम्‍ने येरे मन्‍दे, ‘‘ङू तम्दम्‍ने अगमवक्ता यलो ङूने छ्वेब सू मेस्‍ये कर खल्‍जे मदी यदेबे ङूदे से ख्यङ्दे, चेनेयलो ङू ब पापी ख्यङ्।”

लूका 8:37

गेरासेनसजे तीछो तजे मीयू क्वादेने येशूने थमयूदे अम्‍ब तदे लेप्र यदेबे बिन्‍ती चीत्दे, चेनेयलो थमयू सोरो फैगदे। होरेक्यूत्देबे ङू डुङ्गाने टदेबे ल्‍वारदे।

लूका 9:19

थमयूदे यदे, “कोइदे बप्‍तिस्‍मा-पीनब यूहन्‍ना य ख्यङ्, कोइदे एलिया, मेस्‍ये सूजोयूदे य ख्यङ्, मीयूङ्जे अगमवक्तायू नङ्ने त्‍या सोम्बो क्यूत्देबे फेरि लङ्‍र ख्यङ्।”

यूहन्‍ना 1:21

थमयूदे लोत्‍दे, “होरेयलो न सू स्व? न एलिया औ?” यूहन्‍नादे यदे, “अँह, ङ दी।” थमयूदे लोत्‍दे, “च न अगमवक्ता औ? “दी!” यूहन्‍नादे जवाफ पीन्‍दे,

यूहन्‍ना 1:25

होर्‌दे थमयूदे ङूने लोत्‍दे, “न ख्रीष्‍टये दी, एलियाये दी, हम्‍ब अगमवक्ताये दी यलो, चैने बप्‍तिस्मा पीन्?”

यूहन्‍ना 4:19

हम्‍ब मदीदे येशूने यदे, “प्रभु न अगमवक्ता टूङ् यदेबे ङैदे था प्रेत्‍दे।

यूहन्‍ना 6:14

येरेक्‍यूत्‍देबे येशूदे चेब अम्‍ब च्‍यूनू तङ्देबे हम्‍ब मीयूदे यदे, “संसारने रीय यब अगमवक्ता तम्दम्‍ने ङूने टोङ्।”

यूहन्‍ना 9:17

थमयूदे हम्‍ब म्‍या अन्‍तङब मीने फेरि लोत्‍दे, “ङूदे नैजे म्‍या तङ्ला चीम्‍मे ख्यङ्, जेम्‍से ङूजे बारेने न च यीय?” हम्‍बदे जवाफ पीन्‍दे, “ङू अगमवक्ता ख्यङ्।”

मूल स्यूस्स्यायूजे कामजे किताब 5:5

अम्‍ब पो तदेबे हननिया सने री-फोली मेस्‍ये ङूजे प्राण गीली। अम्‍ब पो तबयू क्वाने सोरो फैगदे।

मूल स्यूस्स्यायूजे कामजे किताब 7:37

“ङू हम्‍ब मोशाने न, ङूदे इस्राएलजे मीयूने य ख्‍य, ‘परमेश्‍वरदे ङैने तयार चीम्‍मेप्रने नमयूजे अत-च्योन्‌यू नङ्दे नमयूजे लागि अगमवक्ता त्‍या तयार चीक्‍क्‍य।’

गलाती 1:24

परमेश्‍वरदे ङैने च चीम्‍मीदे हम्‍बजे लागि थमयूदे परमेश्‍वरजे महिमा चीत्‍दे।