लूका 5:3 - घले नयाँ करार

³ हम्‍ब डुङ्गा ङ्‍ही नङ्ने त्‍या सिमोनजे ख्‍य। हम्‍बने टदेबे येशूदे डुङ्गाने छो-नदे छीत्‍या तीलाने कूपसे पीन्‍दे। ङूदे डुङ्गाने टूङदेबे मी हुलने शिक्षा पीनने सुरु चीत्‍दे।

लूका 5:3 ပူးပေါင်းရင်းမြစ်များ

मत्ती 4:18

गालील-समुद्रजे नने प्रेनूब ङूदे पत्रुस यब सिमोन मेस्‍ये ङूजे च्‍योन् अन्‍द्रियास, खीनीने समुद्रने जाल छानब तङ्दे, चेनेयलो थमयू ङ सेब मी ख्‍य।

मर्कूस 3:10

ङूदे कूम नवयूने तम् चीम्‍मीदे होरेक्‍यूत्‍देबे बीद लादीकब नवयू क्‍वादेने ङूने छूदे यदेबे तीहूल्-छोहूल् चे ख्‍य।

मर्कूस 3:9

मी हुलदे ङूने अन्च्‍योप्‍कस्‍य यदेबे ङूजे स्यूस्स्यायूने रङ्सेजे टूङब डुङ्गा त्‍या तयार चीस्‍से पीन्‍दे।

लूका 5:2

येशूदे तालजे नने डुङ्गा ङ्‍ही तङ्दे, तर जाल छाब मीयू डुङ्गाजे फीने टूङ्देबे रङ्सेजे जालयू ठून ख्‍य।

यूहन्‍ना 8:2

नप्‍मून्‍देने ङू फेरि मन्दिरने गीलीदे, मेस्‍ये मीयू क्‍वाने ङू ट्‌याने रदे, होर्‌दे ङू टूङ्दे, मेस्‍ये थमयूने शिक्षा पीन्‍दे।