लूका 4:18 - घले नयाँ करार

¹⁸ “परमप्रभुजे आत्मा ङै फ्‍याने ख्यङ्, चेनेयलो दूख्‍प्रेबयूने सूगब खबर स्‍य्‍वेजे लागि ङूदे ङैने अभिषेक चे ख्यङ्। झ्यालखानजे मीयू योम्‍बेजे लागि, कनयूने म्‍या तङ्ला चेजे लागि, अन्-‍न्यायने पर्‌दीनब मीयूने छूर्‌देमेजे लागि,

लूका 4:18 ပူးပေါင်းရင်းမြစ်များ

मत्ती 11:5

म्‍या अन्‍तङयूदे तङ प्रेक्‍क्‍य, मेस्‍ये प्र अङ्ख्‍वब खोन्‍ङ्याल्यायू प्र ख्‍व क्‍यूक्क्‍य। कुष्‍ठबीदजे मीयू शुद्ध चीक्‍क ख्‍यङ्। न-अन्तब मीयू न तख्‍वब क्‍यूर ख्‍यङ्। सीयेब मीयू सोम्‍बो क्‍यूत्‍देबे लङ ख्‍यङ्, मेस्‍ये दूख्‍प्रेब मीयूने सूगब खबर प्रचार चीन्‍न ख्‍यङ्।

मत्ती 12:18

“ङैजे त्‍वो क्‍यूरने सेलेब त्‍या अन्-याने ख्यङ्, ङू ङैदे सोरो छेब ख्यङ्, ङूदे ङैजे सेम्‍ने सोरो सूग्‍लाबे चीम्‍मे ख्यङ्, ङैजे आत्मा ङू फ्‍याने पूमीय, मेस्‍ये ङूदे जात जातजेने न्यायजे उर्‌ती पूक्क्य।

मत्ती 12:20

कूरेब म्‍याये ङूदे क्‍योस्‍स्ये त्‍वो, मेस्‍ये सीब मेल्‍नब बत्ती सेस्स्‍ये त्‍वो, मेस्‍ये पात्‍ता ङ्येदे न्यायजे दिन‍ने ट्‌यासे पीन्‍क्‍य।

मत्ती 4:16

मून्‍दूङ्ने टूङब मीयूदे सोरो केन् ओथ्याङ् तङ्दे। कालजे ङूर्‌ने टूङब देशजे मीयू फ्‍याने ओथ्याङ् त्‍या योङ्‍र ख्‍यङ्।”

मत्ती 5:3

“आत्माने चीद क्‍यूरब मीयूदे असी प्रेक्‍क्‍य, चेनेयलो स्वर्गजे राज्‍य हम्‍बयूजेने ख्‍यङ्।

लूका 4:17

येशूने अगमवक्ता यशैयाजे किताब पीन्‍दे। ङूदे हम्‍ब किताब ल्‍वादेबे अम्‍ब पो लिख्दीयेब खण्ड योन्‍दे:

लूका 6:20

होर्‌दे ङूदे रङ्सेजे स्यूस्स्यायू तेले लेत्‍देबे यदे: “नम दूखीयूदे असी प्रे ख्यङ्, चेनेयलो परमेश्‍वरजे राज्‍य नमयूजेने ख्यङ्।

लूका 7:22

होर्‌दे येशूदे थमयूने यदे, “प्र, मेस्‍ये नमयूदे तङब मेस्‍ये तब पो यूहन्‍नाने स्‍य्‍वे, म्या अन्तङबयूदे म्‍या तङ प्रेक्‍क्‍य, खोन्‍ड्‍याल्‍यायू प्रीय, कुष्‍‍ठ बीदजे नवयू तम् क्‍यूक्‍क्‍य, नाक्‍तूङ्‌यूदे न त क्‍यूक्‍क्‍य, सीयेबयू सोम्‍बो क्‍यूत्‍देबे लङ्क्‍य, दूख्प्रेयूने सूगब खबर स्‍योक्‍क्‍य।

यूहन्‍ना 1:41

अन्द्रियासदे खूम रङ्से अत सिमोनने तूदे, मेस्‍ये यदे, “ङीदे मसीहने तूदे।” (‘मसीह’ जे अर्थ ‘ख्रीष्‍ट’ ख्यङ्।)

यूहन्‍ना 12:46

ङै फ्‍याने विश्‍वास चेब मीयू मून्‍दूङ्ने अन्‍क्‍यूस्‍स्‍य यदेबे ङ संसारने ओथ्याङ् पीनब क्‍यूत्‍देबे र ख्यङ्,

यूहन्‍ना 3:34

परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

मूल स्यूस्स्यायूजे कामजे किताब 10:38

यी परमेश्‍वरदे नासरतजे येशूने चून्‍दीदेबे रङ्से पवित्र आत्मा मेस्‍ये शक्तिदे अभिषेक चीत्दे। का-मुलुक‍ने येशू गीलीदेबे ङूदे ज्‍य काम चीत्‍दे, मेस्‍ये मीयूने तम् क्यूस्स्ये पीन्दे, मेस्‍ये शैतानदे दैल्‍लीनबयूने तम् चीदे चीदे प्रदे, चेनेयलो परमेश्‍वर ङूप्रे ख्य।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

मूल स्यूस्स्यायूजे कामजे किताब 4:26

परमप्रभुजे विरुद्धने मेस्ये ङूजे ख्रीष्‍टजे विरुद्धने पृथ्वीजे मूरुम्यू लङ्दे, मेस्‍ये हुकुम चील्लेबयू क्वाने त्‍याफेने फूङ् क्‍यूत्‍दे।’

मूल स्यूस्स्यायूजे कामजे किताब 4:27

चेनेयलो तम्दम्‍ने नदे अभिषेक चेब नैजे पवित्र सेवा चेब येशूजे विरुद्धने हेरोद मेस्‍ये पन्तियस पिलातस ङ्हीदेने, यहूदी तेबयू मेस्‍ये इस्राएलीयूप्रे अम्‍ब सहरने फूङ् क्‍यूर ख्यङ्।

कलस्सी 1:13

ङूदे ङीनने मून्‍दूङ्जे राज्‍यदे अलाक् चीत्‍देबे ङूजे छेब चजे राज्‍यने चेलाबे सेबे ख्यङ्।

याकूब 2:5

ङैजे छेब अत-अची च्योन्‌यू चेलाबे ङ्‍यीनो, संसारजे दूख्‍प्रेयूने परमेश्‍वरदे विश्‍वासने फ्‍योबो चीम्‍मेने, मेस्‍ये परमेश्‍वरने प्रेम चेब मीयूजे लागि पीन्‍क्‍य यदेबे चेब कबुलजे राज्‍यने हक लादेब क्‍यूरने सेल तेया?

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।